Habacuc 1:1-17
1 Këchömi qellqarëkan Teyta Dios revelar Habacucta* rikätsinqan:
2 Teyta Jehovä, ¿imëyaqtan wiyëkamänëkipaq rogakamushaq?+
¿Imëyaqtan imëka mana allikunapita salvëkamänëkipaq rogakushqëki?+
3 ¿Imanirtan imëka mana allikunata rikätsimanki?
¿Imanirtan wakinkunata mana alli tratayänanta permitinki?
¿Imanirtan nunakuna suwapänakuyanqanta y imëka mana alli rurëkunata rikätsimanki?
¿Imanirtan nunakunaqa pleyturlla y pelyarlla kawakuyan?
4 Tsëmi leykunapis imapaq välintsu,y manam justiciatapis rurayantsu.
Mana allita ruraqkunam allita ruraqkunata engañayan,tsëmi justiciapis kantsu.+
5 “¡Nacionkunata rikäyë pëkunata ima pasanampaq kaqta alkäbu këkäyë!
Mantsakashqa y äyakashqa rikaräyë,kawëkäyanqëki tiempuchömi mana ichikllapis pensayanqëki pasakunqa.
Willayäshuptikipis tsëtaqa manachi creiyankimantsu.+
6 Caldëapita+ nunakuna shayämunantam permitishaq.
Tsë nacion nunakunaqa mana llakipäkoqmi* kayan imatapis mana pensarllam rurayan.
Pëkunaqa jukkunapa wayinkunawan quedakuyänampaqmi,mëtsika sitiukunata duëñutsakuyan.+
7 Tsë nunakuna mantsëpaq kayaptinmi pïmë mantsayan.
Kikinkunallam ima alli kanqanta decidiyan, y pëkunallam puëdeq kayan.+
8 Cawallunkunaqa leopardukunapitapis masmi cörriyan,y paqaspa pureq löbukunapitapis mas mantsëpaqmi kayan.+
Guërrapaq cawallunkunaqa karupitam cörripa shayämun,imatapis achkunampaq pichak* ëwaqnöran ëwëkuyan.+
9 Llapan nunakunaman wanutsikuyta munarllana shayämun.+
Llapankuna juntakarqa inti o rupay yarqamunan lädupita vientunömi kayan,+y prësu apakuyanqan nunakunaqa arënanömi mëtsika kayan.
10 Gobernaqkunapitam burlakuyan,y alli carguyoq nunakunapitam asikuyan.+
Jatusaq murällakunatapis mana kaqpaqmi churayan,+y allpata montonëkurmi markakunaman yëkur duëñutsakuyan.
11 Vientunö ëwarmi mëtsika sitiukunapa pasayan,tsënö kaptimpis, santunkuna yanapaptinkallpayoq kayanqanta niyanqampitam+ castigashqa kayanqa”.+
12 Teyta Jehovä, qamqa mana ushakaqmi kanki.+
Teyta Dios, qamqa limpiu Diosmi kanki y manam imëpis ushakankitsu.+
Teyta Jehovä, qammi churarqunki juzgar decidinqëkita cumplitsiyänampaq.
Imëkapita tsapämaq Teyta Diosllä,*+ qammi pëkunaman castïguta chätsiyämunampaq akrarqunki.+
13 Nawiki alläpa limpiu kaptinmi, mana allikunataqa rikëta munankitsu,y mana alli rurëkunataqa alläpam chikinki.+
Tsënö këkarqa, ¿imanirtan nunakuna traicionakoq kayänanta permitinki?+
¿Imanirtan pëkunapita mas alli nunakunata mana allita ruraqkuna sufritsiyaptin upälla quedakunki?+
14 ¿Imanirtan permitinki lamarchö pescädutanö nunakunata tratayänanta?
¿Imanirtan permitinki ni pï mana yanapanqan lätëpa pureq animalkunatanö nunakunata tratayänanta?
15 Pëqa* anzuëluwanmi llapankunata jipimun.
Barcuman watayanqan mällawany atarräyawan* mëtsikata pescarmi alläpa kushikun.+
16 Tsëmi mëtsikata y mishki mishkita mikurbarcuman watanqan mällampaq qarëta rupatsin,y atarräyampaq* inciensuta rupatsin.
17 ¿Tsënöllatsuraq barcuman watanqan mällanwan mëtsikata pescar sïguinqa?
¿Tsënöllatsuraq juk nacion nunakunata mana llakipar* sufritsir sïguinqa?+
Nötakuna
^ Tsë jutiqa, capazchi “waqupë o makallë” ninan.
^ Kënöpis niyanmi: ankupäkoqmi; kuyapäkoqmi.
^ Kënöpis niyanmi: anka; pichaka.
^ Hebreu idiömachöqa “Qaqä” ninmi.
^ Tsënö nirqa, chikeqnin caldëu nunakunapaqmi parlëkan.
^ Kënöpis niyanmi: pescäduta achkuyänan mällawan.
^ Kënöpis niyanmi: pescäduta achkuyänan mällampaq.
^ Kënöpis niyanmi: ankupar; kuyapar.
