Job 10:1-22
10 Kawënïtapis melanänam.+
Tsëmi llakikunqäpita quejakushaq,y sufrinqäpita parlashaq.
2 Teyta Diostam kënö nishaq:
‘Imanir conträ këkanqëkita nïkamë,y ama culpayoq kanqäta nitsu.
3 ¿Imatataq logranki sufritsimarnï,makikiwan ruranqëkita+ despreciarniny mana alli nunakuna rurayanqanta allitanö rikarnin?
4 Qampa nawikiqa manam nunapa nawinnötsu,y manam wanoqlla nunakuna rikäyanqannötsu imatapis rikanki.
5 Qamqa manam wanoqlla nunanötsu wallka tiempullani yupashqa watallatsu kawanki.+
6 Tsënö kaptinqa, ¿imanirtaq pantanqäkunata musyapakur purinkiy jutsa* ruranqällata ashinki?+
7 Qamqa musyankim mana culpayoq kanqäta+y makikipita pillapis salvamëta mana puëdinqanta.+
8 Makikiwan ruramashqa këkarmi,+kananqa ushakätsimëta munanki.
9 Yarpëkullë mitullapita ruramanqëkita.+
Tsënö kaptimpis, kananqa yapëmi polvuman tikrëkätsimanki.+
10 ¿Manaku mamänïpa pachanman churarkamarlichipita quësuta rurayanqannölla ruramarqëki?
11 Vistitsimaq cuentam ëtsa y qarä kananta permitirqëki,tullukunawan y ankukunawanmi cuerpüta rurarqëki.+
12 Kawanätam permitirqunki, y alläpam kuyamarqunki,y kananyaqmi cuidamarqunki.*+
13 Tsënö këkarmi këkunata pakëllapa rurarqunki.
Musyämi kë llapanqa qampita shamunqanta.
14 Ima jutsatapis* rurëkuptïqa, ruranqä hörachi rikankiman,+y mana allita ruranqäpitaqa manachi perdonamankimantsu.
15 Culpayoq kaptïqa, ¡allaw noqallä!
Y culpannaq karpis, manachi rikarkamümantsu.+
Imëkapa pasashqa karmi penqakushqa këkä.+
16 Ñukirkamuptïpis leonnömi tsarirkamanki,*+y podernikiwanmi noqapa conträ imëkata ruranki.
17 Conträ parlayänampaqmi nunakunata apamunki,y noqawanmi masraq cölerakunki.
Tsëmi qatinallaman imëka mana allikuna pasaman.
18 Tsënö kanan këkaptinqa, ¿imanirtaq yurinäta permitirqëki?+
Manaraq rikäyämaptin wanuküman karqan.
19 Tsëqa mana imëpis yurishqanömi käman karqan,mamäpa pachampita yureqllatanam pampayämanman karqan’.
20 Wallka tiempullanam kawashaq.+
Kushishqa kawanäta permitïkamë,juk rätullapis kushishqa kanäpaq amana rikarämënatsu.+
21 Ichikllachönam alläpa ampiraq o tsakaq* sitiuchö ushashaq,+y tsëpitaqa manam kutimushaqnatsu.+
22 Tsëchöqa manam imapis rikakuntsu, imëpis ampillam o tsakëllam* këkan,y manam imapis shumaq churashqatsu këkan.
Tsëchöqa aktsipis manam aktsintsu.
Nötakuna
^ Kënöpis niyanmi: pecädu.
^ O “kawëkaqta katsimarqunki”.
^ Kënöpis niyanmi: pecädutapis.
^ Kënöpis niyanmi: achkurkamanki.
^ Kënöpis niyanmi: tutapaq.
^ Kënöpis niyanmi: tutapëllam.
