Job 12:1-25
12 Tsënam Jobqa kënö nirqan:
2 “Qamkunallataq yachaqqa kayanki,qamkuna wanukuyaptikiqa yachaq këpis ushakäkunqachi.
3 Noqapis tsëkunataqa entiendïran,y manam qamkunapita mënustsu kä.
¿Piraq tsëkunata musyanmantsu?
4 Teyta Diosta qayakur contestamänanta shuyaraptïmi,+amïgükunapis noqapita asikuyan.+
Alli kaqta rurëkaptï y mana culpayoq këkaptïmi noqapita asikuyan.
5 Imapaqpis mana yarpachakoq nunaqa, mana allikunapa mana pasanampaq kaqtam pensan.
Tsëkunaqa mana següru këkaqkunallata* pasanqantam pensan.
6 Suwakoqkunaqa carpankunachömi* tranquïlu kawakuyan.+
Teyta Diosta cöleratseqkunaqa segürum sientikuyan.+
Adorayanqan santukunatam makinkunachö katsiyan.
7 Patsachö kawaq animalkunata tapukuy, y pëkunam yachatsiyäshunki,tsënölla ciëluchö pishqukunatapis tapukuy, y pëkunapis willayäshunkim.
8 Patsachö kaqkunata rikë,* y yachatsishunkim.
Lamar rurinchö kawaq animalkunapis willayäshunkim.
9 Tsëkunapitaqa, ¿mëqantan musyantsu,tsë llapanta Teyta Jehovä poderninwan ruranqanta?
10 Pëqa patsachö llapan kawaqkunatam makinchö katsin.
Tsënöllam llapan nunakunatapis makinchö katsin.+
11 Imanömi mikuy mishkinqanta o mana mishkinqanta qalluwan musyantsik.
Tsënöllam parlanqantsik alli o mana alli kanqantapis rinriwan musyantsik.+
12 ¿Manaku mayor nunakuna mas yachaq kayan?+
¿Y manaku atska tiempupana kawarqa mas yachaq kantsik?
13 Pëqa alläpa yachaq y alläpa puëdeqmi,+llapan munanqantam ruran, y imëkatapis allim entiendin.+
14 Pë juchutsinqantaqa,*manam pillapis yapë sharkatsita puëdintsu,+y wichqanqantaqa, manam ni pï nunapis kichëta puëdintsu.
15 Pë mana tamyatsimuptinqa, llapanmi tsakin,+y tamyatsimuptinqa, entëru patsam oqun.+
16 Pëqa alläpa kallpayoq y alläpa yachaqmi.+
Engañakoqkuna y engañashqa kaqkunapis makinchömi këkäyan.
17 Consejakoqkuna qala chaki puriyänanta*y juezkuna upakunanö ushayänantam permitin.+
18 Gobernaqkunata cargunkunapita jipirmi,+esclävukunapaq röpata vistitsin.
19 Sacerdötikunatam qala chakita puritsin,+y autoridäyoq kaqkunatam cargunkunapita jipin.+
20 Confiakuypaq consejakoqkunatam upällatsin,y mayor nunakunatam juiciunnaqta tikratsin.
21 Gobernaqkunatam penqakatsin,+y puëdeq kaqkunatam mana puëdeqta tikratsin.
22 Ampichönö o tsakëchönö* pakarëkaqkunapitam musyatsikun,+y paqaschö këkaqmanmi atsikyätsin.
23 Nacionkunatapis puëdeqta tikrëkatsirmi ushakätsin,y nacionkunachö nunakunata mëtsikaqman tikrëkatsirmi, juk sitiukunaman apayänanta permitin.
24 Markakunachö dirigeqkunatam juiciunnaqta tikratsin,y tsunyaq sitiukunachö oqrakashqa puriyänantam permitin.+
25 Ampiraptinmi o tsakaptinmi* aktsi mana kanqanchö yatëkachar puriyan,+y pë permitiptinmi machashqanö puriyan.+
Nötakuna
^ O “chakinkuna resbalaqllata”.
^ Kënöpis niyanmi: toldunkunachömi.
^ O capazchi “parlapë”.
^ Kënöpis niyanmi: laqmatsinqantaqa.
^ O “imannaq kayänanta”.
^ Kënöpis niyanmi: tutapëchönö.
^ Kënöpis niyanmi: tutapaptinmi.
