Job 29:1-25
29 Jobqa kënöpis nirqanmi:
2 “Imanöllaraq pasaq killakunaman kutirküman,Teyta Dios cuidamanqan witsanman.
3 Tsë witsanqa aktsinwanmi peqäman o umäman aktsimurqan,y aktsi cuentam pushamarqan.+
4 Tsë witsanqa jövin y kallpayoqmi karqä,y Teyta Dioswampis alli amïgum kayarqä.+
5 Llapanta Puëdeq Diosqa imëkachömi yanapamaq,y tsurïkunapis* lädüchömi wakpa këpa puriyaq.
6 Animalnïkunapitapis mëtsika lichitam qapeq kä,y qaqa jananchömi olïvus plantäkunapis wayoq.+
7 Tsë witsanqa kë markapa yëkunanman ëwaptï,+y pläzaman jamakoq ëwaptïpis,+
8 jövinkuna rikämarqa pasanäpaqmi witikuriyaq,y awkinkunapis sharkurmi shëkar* quedakuyaq.+
9 Gobernaq nunakunapis upällam rikaräyämaq,y manam imatapis niyämaqtsu.
10 Reqishqa nunakunapis parlëkarmi upällayaq,y manam mëqampis parlaqnatsu.
11 Wiyamaqkunaqa noqapaq allitam parlayaq,y rikämaqkunapis favornïmi yarquyaq.
12 Yanapëkuyänampaq rogakoq waktsakunata+y mana ni pï yanapanqan papäninnaq kaqkunatam yanapaq kä.+
13 Sufrir wanuyänampaqna këkaqkunam bendiciyämaq,+y yanapaptïmi viudakunapis kushikuyaq.+
14 Imëpis honrädum karqö,y imata decidinqächöpis alli kaqllatam rurarqö.
15 Wisku o qapra kaqpaqmi nawin cuenta karqä,y cöju kaqpaqmi chakin cuenta karqä.
16 Waktsa kaqpaqmi papänin cuenta karqä,+y mana reqinqäkunapaqmi justiciata ruraq kä.+
17 Mantsëpaq animalnö nunakuna mana allikunata rurayänantaqa manam dejarqätsu,+y pëkuna sufritsiyanqan nunakunatam salvarqä.
18 Kënömi pensaq kä: ‘Atska watapa kawaskirmi,*wayïchö wanukushaq.+
19 Plantanömi kashaq, y matsükunapis o watsïkunapis* yakuyaqmi chanqa,y entëru paqasmi shullyapis* rämächö kanqa.
20 Nunakunaqa imëpis respetayämanqam,y kallpäpis manam ushakanqatsu’.*
21 Nunakunaqa imëpis shumaqmi wiyayämaq,y imatapis consejanäpaqmi upälla shuyäyaq.+
22 Consejariptïqa, manam imatapis niyämaqnatsu,y ninqäkunataqa kushishqam wiyakuyaq.
23 Tamya tiemputa shuyaqnömi,parlapänäta shuyaräyaq.+
24 Pëkunata brömapaptïqa manam creiriyaqtsu,y rikämarqa alläpam kushikuyaq.
25 Soldädunkunapa puntanchö gobernaqnöy llakishqa këkaqkunata yanapaqnömi karqä.+
Dirigeqninkuna karmi, pëkunata shumaq consejarqä.+
Nötakuna
^ O “yanapamaqkunapis”.
^ Kënöpis niyanmi: ichirëkar.
^ O “Arëna mëtsika kanqannö atska wata kawaskirmi”.
^ Kënöpis niyanmi: jawäkunapis; chapäkunapis; sipïkunapis.
^ Kënöpis niyanmi: shullapis; shushalpis; shushapis.
^ O “imëpis flëchëkäshaqllam”.
