Job 37:1-24
37 Tsëmi shonqüpis punpunyar*pëchüpita yarqakaramuyta munan.
2 Teyta Dios mantsakëpaq parlamunqanta wiyayë.
Pë parlaptinqa räyu waqanqannöran wiyakan.
3 Pëqa ciëlupitam räyuta mandamun,+y patsapa kuchunyaqmi räyukunatapis chätsin.
4 Tsëpitanam fuertipa pashtanqan wiyakan,+y pashtanqanqa alläpa mantsakëpaqmi.
Parlar ushanqanyaqmi räyukuna wiyakan.
5 Teyta Dios parlamunqanta wiyëqa alläpa espantëpaqmi.+
Espantëpaq ruranqankunataqa manam entiendita puëdintsiktsu.+
6 Rashtatam* patsaman shikwamunampaq mandan,+y tamyatanam fuertipa tamyamunampaq mandan.+
7 Teyta Dios tsëkunata ruraptinmi, nunakunapis rurëkäyanqanta dejariyan.
Tsënöqa ruran, wanoqlla nunakuna imëka ruranqanta musyayänampaqmi.
8 Chukaru animalkunapis machëninkunamanmi ëwakuyan,y manam tsëpita yarqayämuntsu.
9 Vientuwan tamyapis sitiumpitam yarqamun,+y norti lädupita shamoq vientum alalëta* apamun.+
10 Teyta Dios pükëkuptinllam rashtapis* jeqamun,+y mëtsika yakupis chukrurin.+
11 Pëmi permitin pukutë yakuyoq kananta,+y pukutë rurimpitam räyukunata atsikyätsimun.
12 Pukutëkunaqa pë mandanqampam tumar ëwayan,+y patsa jananchöpis pë mandanqanllatam rurayan.
13 Pëqa pukutëwanmi patsata castigan+ o bendicin,o nunakunata kuyanqanta rikätsin.+
14 Job kë ninqäta wiyamë:
Teyta Dios imëka shumaqkunata ruranqanman pensë.+
15 ¿Musyankiku Teyta Dios pukutëta imanö controlanqantay pukutë rurimpita räyukunata imanö tillapyätsinqanta?*
16 ¿Musyankiku pukutë mana kaqllachö imanö këkanqanta?+
Tsëkunataqa llapanta musyaq Teyta Diosmi rurashqa.+
17 ¿Musyankiku derëcha lädupita shamoq vientuwanpatsa tranquïlu këkaptin röpëki imanir qoñunqanta?+
18 Pëqa cobripita espëjutanömi ciëluta alli firmi mashtashqa+¿Puëdinkimantsuraq tsënö rurëta?
19 Pëta imata niyänäpaq kaqta niyämë.
Noqakunaqa ampichönö o tsakëchönö* karmi imanö contestëtapis musyayätsu.
20 ¿Teyta Diosta nishwantsuraq pëwan parlëta munanqantsikta?
¿O këta willanaqpaqmi niyämashqa nishwantsuraq?+
21 Ciëluchö atsikyëkaptimpis,vientu shamur pukutëta apakunqanyaqminunakunaqa aktsita* rikëta puëdiyantsu.
22 Norti lädupam örunö chipapäkur-raq shamun.
Espantëpaqmi+ Teyta Dios puëdeq kanqanqa.
23 Alläpa puëdeq kaptinmi,Llapanta Puëdeq Diospitaqa,+ llapanta entiendita puëdintsiktsu.+
Pitapis pë juzgarninqa, imëpis alli kaqllatam ruran.+
24 Pëqa manam yachaq tukoqkunapa favornin yarquntsu,+tsëmi nunakunaqa respetayänan”.+
Nötakuna
^ Kënöpis niyanmi: tipulyar.
^ Kënöpis niyanmi: Rapitam; Jankatam.
^ Kënöpis niyanmi: qacëta.
^ Kënöpis niyanmi: rapipis; jankapis.
^ Kënöpis niyanmi: chilapyätsinqanta.
^ Kënöpis niyanmi: tutapëchönö.
^ O “inti o rupay aktsinqanta”.
