Job 39:1-30
39 ¿Musyankiku chukaru cabrakuna imë wachayanqanta+o rikarqunkiku luychu imanö wachanqanta?+
2 ¿Musyankiku ëka killa chichu kayanqantao imë wachayänampaq kaqta?
3 Wawankuna yuriptinqa,wachar nanatsikuyanqampis ushakärinmi.
4 Wawankunaqa pampakunachömi winayan* y kallpayoqmi tikrayan,tsëpitanam mamanta dejar ëwakuyan, y mananam kutiyannatsu.
5 ¿Musyankiku chukaru ashnuta* pï librita dejanqanta+o chukaru ashnupa waskanta pï paskanqanta?
6 Noqam tsunyaq sitiuchö päranampaq permitirqö,y kachi kanqan sitiuchö kawanampaq churarqö.
7 Ashnuqa manam markachö büllayanqanta wiyantsuy manam ni pï qayapar trabajatsintsu.
8 Taksha jirkakunachömi qewatay verdi plantakunata ashir puriyan.
9 ¿Imëllapis chukaru töru sirwishunkitsuraq+o wäkëkikuna wataräyanqanchö pununqatsuraq?
10 ¿Waskawan watarkurtsuraq chukaru töruta yapyatsinki*o pampata yapyanëkipaqtsuraq qepëkita shamunqa?
11 ¿Kallpanman confiakurtsuraq trabajatsinki?
12 ¿Cosëchëkita ëraman apamunampaqtsuraq confiakunkiman?
13 China avestruzqa kushishqam älankunata kuyutsin.
Tsënö kaptimpis, cigüëñapa älanwan y plümanwanqa manam älankuna igualantsu.+
14 Avestruzqa patsamanmi runtunkunata wachany tsëchömi qoñu qoñuta katsin.
15 Manam pensantsu pï nunapiso ima chukaru animalpis jarunampaq kaqta.
16 Wawankunatapis mana wawantanömi lluta tratan+y ardëlla* imatapis rurëkanqantaqa manam pensantsu.
17 Tsëtaqa ruran mana yachaqta y juiciunnaqtaTeyta Dios kamashqa kaptinmi.
18 Peru älankunata kuyutsirmi cörripa ëwakun,y cawallupita y montaraqnimpitam asikun.
19 ¿Qamku cawallu kallpayoq kananta permitinki+o vientuwan wakman këman kuyoq aqtsanta yuritsinki?
20 ¿Puëdinkiku chukllushtanö* saltatsita?
Relinchanqanqa* alläpa mantsakëpaqmi.+
21 Patsata ashpirmi kushikur saltakachan,+y mana mantsakushpam guërraman ëwan.+
22 Manam imatapis mantsantsu, y manam imapis mantsakätsintsu.+
Manam espädata rikarpis qepaman kutintsu.
23 Flëcha churakuyänampis jananchömi jaqraräkun,y jatun lanzapis y taksha lanzapis chipapäkunran.
24 Shuyarëta mana puëdirmi cörripa yarqun,y waqrata tocayanqanta wiyarqa manam shëkar* quedakuntsu.
25 Waqrata tocayanqanta wiyarqa relinchanraqmi.*
Karullapitam mëchö guërra kanqantapis musyan,y mandakoqkuna qayëkachäyanqanta y guërrachö büllayanqantam wiyan.+
26 ¿Qamku halconta volëta yachatsirqunkio sur läduman imanö ëwanampaq nirqunki?
27 ¿Qam mandaptikiku pichakqa* altuyaq volar* ëwan,+y altukunachö qeshunta ruran?+
28 Pichakqa* lamar kuchun qaqakunachömi pununy qaqakunachömi kawampis.
29 Tsë sitiupitam mikuynin ashin+y nawinqa imatapis karullapitam rikan.
30 Pichakqa* wanushqakuna kanqanchömi këkany wawankunaqa yawartam shoquyan”.+
Nötakuna
^ Kënöpis niyanmi: wiñayan.
^ O “onagruta”.
^ Kënöpis niyanmi: jarutsinki.
^ Kënöpis niyanmi: yaptalla.
^ O “Wijijinqanqa”.
^ Kënöpis niyanmi: churqapitanö.
^ Kënöpis niyanmi: ichirëkar.
^ O “wijijinraqmi”.
^ Kënöpis niyanmi: ankaqa; pichakaqa.
^ Kënöpis niyanmi: pärir; vuëlar.
^ Kënöpis niyanmi: Ankaqa; Pichakaqa.
^ Kënöpis niyanmi: Ankaqa; Pichakaqa.
