Marcus 16:1-8
-
Jesus kawamun (1-8)
16 Säbadu pasariptinnam,+ Marïa Magdalëna, Santiägupa mamänin Marïa+ y Salomëqa, shumaq pukutaq o mushkoq plantakunata rantiyarqan aceitiwan takurkur Jesuspa ayanta llushiyänampaq.+
2 Y semäna qallanan junaqqa, tempränu inti o rupay yarqarkamuptinllam sepultüraman ëwayarqan.+
3 Y kikinkunapuram, “¿piraq sepultürapa punkunchö këkaq rumita wititsimunqa?” ninakuyarqan.
4 Peru ñukirkurqa,* tsë rumi alläpa jatun këkaptimpis, kuyutsishqana kayanqantam rikäyarqan.+
5 Sepultüraman yëkurnam yuraq largu röpawan vistishqa jövinta derëcha läduchö tëkaqta rikar alläpa mantsakäyarqan.
6 Tsënam pëqa kënö nirqan: “Ama mantsakäyëtsu,+ musyämi qeruchö wanutsiyanqan o wañutsiyanqan Nazaretpita Jesusta ashikäyanqëkita. Pëqa wanunqampita kawarimushqa karmi+ këchönatsu këkan. Shamur churayanqan sitiuta rikäyë.+
7 Y ëwar qateqninkunata y Pëdruta kënö niyë: ‘Pëqa puntëkikunatam Galilëa provinciaman ëwëkan,+ y kikin niyäshunqëkinömi tsëchö rikäyanki’”.+
8 Tsënam pëkunaqa sepultürapita yarqur karkaryëkar y alläpa espantakur qeshpir ëwakuyarqan. Mantsakurmi pitapis ni imata niyarqantsu.*+
Nötakuna
^ Kënöpis niyanmi: peqankunata pallarkurqa; umankunata pallarkurqa.
^ Mas unë kaq confiakuypaq qellqashqakunachöqa, Marcus libruqa 8 kaq versïculuchö ninqanwanmi ushan. Rikäri “Masllata musyanapaq” neqchö A3 kaqta.
