Mateu 1:1-25
1 Kë libruqa Jesucristupitam* willakun, pëqa Davidpa tsurinmi karqan, y Davidnam,+ Abrahanpa+ tsurin karqan:
2 Abrahanqa Isaacpa+ papäninmi karqan;Isaacnam Jacobpa papänin karqan;Jacobnam+ Judäpa+ y wawqinkunapa papänin karqan;
3 Judänam Përezpa y Zërahpa+ papänin karqan, y Përezpawan Zërahpa mamäninqa Tamarmi karqan;Përeznam Hezronpa+ papänin karqan;Hezronnam Rampa+ papänin karqan;
4 Ramnam Aminadabpa papänin karqan;Aminadabnam Nahsonpa+ papänin karqan;Nahsonnam Salmonpa papänin karqan;
5 Salmonnam Boazpa papänin karqan, y Boazpa mamäninqa Rahabmi karqan;+Boaznam Obedpa papänin karqan, y Obedpa mamäninqa Rutmi karqan;+Obednam Jesëpa papänin karqan;+
6 Jesënam gobernaq Davidpa+ papänin karqan.
Davidnam Salomonpa+ papänin karqan, y Salomonpa mamäninqa Urïaspa warminmi karqan;
7 Salomonnam Rehoboampa+ papänin karqan;Rehoboamnam Abïaspa papänin karqan;Abïasnam Asäpa+ papänin karqan;
8 Asänam Jehosafatpa+ papänin karqan;Jehosafatnam Jehorampa+ papänin karqan;Jehoramnam Uzïaspa papänin karqan;
9 Uzïasnam Jotanpa+ papänin karqan;Jotannam Acazpa+ papänin karqan;Acaznam Ezequïaspa+ papänin karqan;
10 Ezequïasnam Manasespa+ papänin karqan;Manasesnam Amonpa+ papänin karqan;Amonnam Josïaspa+ papänin karqan;
11 Josïasnam+ Jeconïaspa+ y wawqinkunapa papänin karqan, y tsë witsanmi judïukunata Babiloniaman apashqa kayarqan.+
12 Judïukuna Babiloniaman apashqa kayanqanchönam, Jeconïaspa tsurin Sealtiel yurirqan;Sealtielqa Zorobabelpa papäninmi karqan;+
13 Zorobabelnam Abiudpa papänin karqan;Abiudnam Eliaquimpa papänin karqan;Eliaquimnam Azorpa papänin karqan;
14 Azornam Sadocpa papänin karqan;Sadocnam Aquimpa papänin karqan;Aquimnam Eliudpa papänin karqan;
15 Eliudnam Eleazarpa papänin karqan;Eleazarnam Mattanpa papänin karqan;Mattannam Jacobpa papänin karqan;
16 Jacobnam Marïapa qowan o runan* Josëpa papänin karqan, y Marïapitam Jesusqa yurirqan,+ pëtam Cristu nir reqiyan.+
17 Tsënömi Abrahanpita Davidyaqqa, catorci kastakuna kayarqan; Davidpita judïukuna Babiloniaman apashqa kayanqan witsanyaqnam, catorci kastakuna kayarqan; y Babiloniaman apashqa kayanqan witsampita Cristuyaqnam, catorci kastakuna kayarqan.
18 Jesucristu yurinampaqqa kënömi pasarqan: mamänin Marïam Josëwan casakunampaq comprometikushqa këkarqan, peru manaraq casakuyaptinmi santu espïritupa poderninwan* qeshyaq tikrarqan.+
19 Tsëmi qowan o runan* Josëqa, allita ruraq nuna karnin, Marïata penqapäyänanta mana munar pakëllapa divorciakuyta* munarqan.+
20 Peru tsëkunaman pensar këkaptinnam, Teyta Jehoväpa* angelnin suëñuyninchö yuripur kënö nirqan: “Davidpa tsurin Josë, warmiki Marïata wayikiman apëta ama mantsëtsu, pëqa santu espïritupa poderninwanmi qeshyaq tikrashqa.+
21 Y wamran yuriptinmi Jesus* nir jutin churanëki,+ pëmi nunakunata jutsankunapita* salvanqa”.+
22 Tsë llapanqa pasakurqan, Teyta Jehovä* willakoqninwan kënö nir musyatsikunqan cumplikänampaqmi:
23 “¡Rikäyë! Juk shipashmi qeshyaq tikranqa, y wamran yuriptinmi Emmanuel nir jutin churayanqa”.+ Tsëqa, “Teyta Diosmi noqantsikwan këkan” ninanmi.+
24 Tsënam Josëqa suëñunqampita riyarkur o rikcharkur, Teyta Jehoväpa* angelnin ninqannölla warminta wayinman apakurqan.
25 Peru Marïapa wamran yurinqanyaqmi oqllanakuyarqantsu.+ Josëqa Jesus nirmi wamrapa jutin churarqan.+
Nötakuna
^ O “Jesuspa kastankunapitam; Mesïas Jesuspitam”. Cristuqa o Mesïasqa ‘akrashqa’ ninanmi.
^ Kënöpis niyanmi: ollqun.
^ O “imëkata ruraq Diospa kallpanwan”.
^ Judïukunapa costumbrinkunachöqa, comprometikushqana këkar mana casakurqa, divorciakuyänanran karqan.
^ Kënöpis niyanmi: ollqun. Judïukunapa costumbrinkunachöqa, comprometikushqa këkaqkunataqa qowan nirmi reqiyaq.
^ Diospa jutin Jehoväqa 237 kutim Griëgu Idiömachö Diospa Palabranchö yurin, y këmi punta kaq. Rikäri “Masllata musyanapaq” neqchö A5 kaqta.
^ Hebreu idiömachöqa Jesüa o Josuë jutikunawanmi igualan. Tsëqa ‘Jehovämi salvakoqqa’ ninanmi.
^ Kënöpis niyanmi: pecädunkunapita.
