Proverbius 18:1-24
18 Wakimpita rakikäkureq nunaqa, kikimpa munëninllatam ashin,y manam yachakunqannö kawëtaqa munantsu.
2 Imatapis mana entiendeq nunaqa, manam wakinkunapita imatapis yachakuyta gustantsu,tsëpa rantinqa, kikin pensanqanllatam parlëta gustan.+
3 Juk nuna mana allikunata ruraptinqa kikintam despreciayanqa,y pitapis mana respetarqa kikinllam penqakuychö ushanqa.+
4 Yachaq nuna parlanqanqa, alli ruri pözuchö yakunömi.+
Teyta Dios yachaq kanqanqa, mayu* yakuta upurkushqa shonquntsikta kushiratseqnömi shumaq yanapakun.
5 Manam allitsu, mana alli nunapa biennin yarquyanqan+y alli nuna justiciata mañakuykaptin mana cäsuyanqanqa.+
6 Pensëta mana yachaq nuna parlakunqanqa pleytuman+y pelyamanmi chätsikun.+
7 Pensëta mana yachaq nuna parlakurqa, kikinllam mana alliman chan,+y vïdantapis peligrumanmi churan.
8 Alli mikuyta mishkipäkur mikureqnöran,+mana kaqpita acusakoq nuna parlanqantaqa kushishqa wiyëkuyan.+
9 Qela nunaqa,imatapis ushakätseq chiki nunapa wawqinmi.+
10 Teyta Jehoväpa jutinqa alli rurashqa törrinömi,+alli nuna tsëman ëwaptinqa manam imapis imanannatsu.*+
11 Rïcu nunapa riquëzanqa alli murallashqa markanömi,y kikinllaqa pensan imëkapitapis tsapaq murällanö kanqantam.+
12 Juk nuna orgullösu tikrakurirqa ushakänampaqnam këkan,+peru juk nuna humildi kaptinqa respetayanqam.+
13 Alliraq mana wiyar imatapis contestaq nunaqa upamy penqakuychömi ushan.+
14 Kushi kushilla karqa qeshyarpis aguantanqam,+peru yarpachakurlla y llakikurlla kakurqa manam aguantanqatsu.+
15 Alli entiendeq nunaqa masllam yachakun,+y alli yachaq nunaqa maslla yachakunampaqmi alli wiyakun.
16 Qarakoq nunaqa mana pensanqankunatam taririn,+hasta respetashqa nunakunamampis chärinmi.
17 Puntata quejakoq kaqqa, rasumpatanöran parlanman,+peru juk kaq chäramur tapupäriptinqa rasun kaqmi musyakärin.+
18 Fuerti pleytuchö karqa Teyta Diosta tapurninmi* arreglayan,+chikinakoqkuna puëdeq kayaptimpis pëmi nin mëqan kaq rasumpa kaqta parlëkanqanta.
19 Alli murallashqa markamampis yëkurishwanmi, peru ofendishqa kayaptin cölerashqa këkaq nunata parlapëqa mana puëdipaqmi.+
Alli segurashqa punkunömi, wakin pleytukunaqa arreglëta mana puëdina kayan.+
20 Nunakuna parlakuyanqanqa mikuyanqan mikuynömi,+tsëmi imanöpis parlakuyanqampita allichö o mana allichöpis ushayanqa.
21 Qalluqa, bienmi salvashunkiman o wanuymampis chätsishunkiman,+tsëmi imatapis parlaqkunaqa, parlayanqan imamampis chätsinampaq kaqta yarpäyänan.+
22 Alli warmita tarishqa nunaqa shumaq bendiciontam chaskishqa,+y Teyta Jehoväpis alläpam kushikun.*+
23 Waktsa nunaqa rogakuypam parlakun,peru rïcu nunaqa feyupam contestakun.
24 Wakinkunaqa amïgu këkarpis mana allikunamanmi chätsinakuyan,+ peru alli amïgukunaqa, wawqintsikpitapis mas kuyakoqmi kayan.+
Nötakuna
^ Kënöpis niyanmi: riu.
^ Hebreu idiömachöqa “altuchömi këkan” ninmi.
^ Hebreu idiömachöqa “mellqaninkunachömi sortiayan” ninmi. Rikäri “Bibliachö palabrakunata entiendinapaq” neqta.
^ O “yanapan”.
