Salmus 103:1-22
David qellqanqan salmus.
103 Teyta Jehovätam alabashaq,llapan shonqüwanmi sagrädu jutinta alabashaq.
2 Teyta Jehovätam alabashaq,noqata yanapamar imëkata ruranqantaqa manam qonqashaqtsu.+
3 Pëqa jutsata* ruraptiki perdonashunkim,+y sufriptikipis yanapashunkim.+
4 Teyta Diosqa wanuypitam salvashunki.+
Alläpam kuyashunki y llakipäshunki.*+
5 Teyta Diosqa wanunqëkiyaqmi imëka allikunawan bendicishunki,+y pichaktanömi* jövinyätsishunki.+
6 Teyta Jehoväqa,nuna mayinkuna sufritsiyanqan nunakunapaqmi+ justiciata ruran y allikunata ruran.+
7 Teyta Diosqa nunakuna imanö kawakuyänampaqmi Moisesta entienditsirqan,+israelïtakunatam imëkata ruranqanta rikätsirqan.+
8 Teyta Jehoväqa llakipäkoq,* pacienciakoq+y alläpa kuyakoqmi.+
9 Teyta Diosqa manam pantanqantsikllatatsu rikëkan,+ni manam cölerashqallatsu kakun.+
10 Manam jutsata* ruranqantsikmannötsu Teyta Diosqa castigamarquntsik,+ni manam mana allita ruranqantsikmannötsu castigamarquntsik.+
11 Imanömi ciëlupis patsapita altuchö këkan,tsënöllam Teyta Dios alläpa kuyakoq kanqampis respetaqninkunapaqqa* alläpa jatun.+
12 Imanömi inti o rupay yarqamunan lädupita, jeqanan lädu alläpa karuchö këkan,tsënöllam Teyta Diosqa jutsantsiktapis* karuman churan.+
13 Imanömi juk papä wamrankunata llakipan,*tsënöllam Teyta Jehoväqa respetaqninkunatapis* alläpa llakipan.+
14 Teyta Diosqa allim musyan imanö kamashqa kanqantsikta,+y yarpanmi allpallapita kanqantsikta.+
15 Nunapa vïdanqa plantanöllam ushakärin.+
Chakrakunachö wëtanöllam,+
16 vientu pükariptinqa ushakärin.
Kanqanchöqa manam imapis quedannatsu.
17 Peru Teyta Jehoväqa respetaqninkunata* imëpis kuyëkanqallam,+y sirweqninkunapa tsurinkunapaqy willkankunapaqpis justiciatam ruranqa.+
18 Tsënöllam llapan mandakunqanta cäsukoqkunawany ruranqan acuerduta cumpleqkunawampis ruranqa.+
19 Teyta Jehovämi imëyaqpis gobernanampaq ciëluchö jamakunanta patsätsishqa.+
Pëllam imëyaqpis llapanta gobernanqa.+
20 Pë ninqanta ruraqkuna y llapan mandakunqanta cäsukoqkuna,+puëdeq angelkuna Teyta Jehoväta alabayë.+
21 Teyta Jehoväta sirweqy munanqanta ruraq+ llapan angelkuna pëta alabayë.+
22 Llapan kamanqankuna, mëtsëchöpis Teyta Jehoväta alabayë.
Noqapis llapan shonqüwanmi Teyta Jehoväta alabashaq.
Nötakuna
^ Kënöpis niyanmi: pecäduta.
^ Kënöpis niyanmi: ankupäshunki; kuyapäshunki.
^ Kënöpis niyanmi: ankatanömi; pichakatanömi.
^ Kënöpis niyanmi: ankupäkoq; kuyapäkoq.
^ Kënöpis niyanmi: pecäduta.
^ Hebreu idiömachöqa “mantsaqninkunapaqqa” ninmi. Rikäri “Bibliachö palabrakunata entiendinapaq” neqta.
^ Kënöpis niyanmi: pecäduntsiktapis.
^ Kënöpis niyanmi: ankupan; kuyapan.
^ Hebreu idiömachöqa “mantsaqninkunatapis” ninmi. Rikäri “Bibliachö palabrakunata entiendinapaq” neqta.
^ Hebreu idiömachöqa “mantsaqninkunata” ninmi. Rikäri “Bibliachö palabrakunata entiendinapaq” neqta.
