Salmus 11:1-7
Cantaqkunata dirigeqpaq. David qellqanqan salmus.
11 Noqaqa Teyta Jehovämanmi confiakü,+tsënö confiakuykaptïmi qamkunaqa kënö niyämanki:
“¡Pishqunö jirkakunapa qeshpir ëwakuy!
2 Rikë, mana alli nunakunaqa flechakuyänantam listuta këkätsiyan.
Mana rikäyänan sitiuman churakëkurmi,allita ruraq nunakunata flëchayänampaq listu këkäyan.
3 Mana allita ruraq nuna, munanqanta ruraptinmi,alli ruraq nunaqa ni ima rurëta puëdinnatsu”.
4 Teyta Jehoväqa sagrädu templunchömi këkan,+Jehovä Diosqa ciëluchömi mandakur jamarëkan.+
Tsëpitam llapanta rikëkämun,alli rikämurmi nunakuna imanö kayanqanta musyëkan.+
5 Teyta Jehoväqa rikëkanmi, alli ruraq nuna imanö kanqanta y mana alli ruraq nuna imanö kanqanta.+
Mana allikunata rurëta gustaq nunataqa chikinmi.+
6 Mana alli nunapaqqa imëka trampatam churan,ninatawan azufritam tamyatsinqa+ y achachaq vientuwanmi castiganqa.
7 Teyta Jehoväqa allita ruraqmi,+ alli ruraq nunakunataqa kuyanmi,+y pëkunataqa imëpis yanapanqam.+