Salmus 114:1-8
114 Egiptupitam, Israel yarqamurqan.+
Jacobpa kastankunam, juk idiömata parlaq nunakunapita yarqayämurqan.
2 Judäqa sagrädu sitiun karqany Israelmi gobernantin karqan.+
3 Lamar yakuqa rikëkurmi qeshpir ëwakurqan,+y Jordan mayupis* witikurqanmi.+
4 Jatun jirkakunam carnërunö saltayarqan,+y taksha jirkakunam mallwa üshanö saltayarqan.
5 Lamar yaku, ¿imanirtan qeshpir ëwakurqëki?+
Jordan mayu, ¿imanirtan witikurqëki?+
6 Jatun jirkakuna, ¿imanirtan carnërunö saltayarqëki?
Taksha jirkakuna, ¿imanirtan mallwa üshanö saltayarqëki?
7 Patsa, Teyta Diospa puntanchö karkaryë,Jacobpa Diosnimpa puntanchö karkaryë,+
8 Pëqa qaqakunachömi plantayoq qochakunata yuritsiny pedernal rumikunapitapis yakutam yarqatsimun.+
Nötakuna
^ Kënöpis niyanmi: riupis.
