Salmus 129:1-8
-
Atacayämashqam, peru manam venciyämashqatsu
-
Sionta chikeqkuna penqakushqa quedayan (5)
-
Jerusalenman witsëkar cantayanqan.
129 “Jövin kanqäpitam kutin kutin atacayämashqa...”.+
Kananqa israelïtakuna kënö niyätsun:
2 “Jövin kanqäpitam kutin kutin atacayämashqa.+
Peru manam venciyämashqatsu.+
3 Yapyayaptin* surcu rurashqanömi,+chikimaqkuna astayämanqanqa waqtächö quedashqa”.
4 Peru Teyta Jehoväqa alli ruraqmi,+tsëmi mana alli nunakunapita salvamashqa.*+
5 Penqakushqam quedayanqa,Sionta chikeqkunaqa penqakushqam qeshpir ëwakuyanqa.+
6 Pëkunaqa wayi jananchö winaq mana alli qoranömi* kayanqa.
Manaraqpis rachiyaptinmi tsakir ushakäyanqa.
7 Cosechaq ëwaqqa, manam juk aptëllatapis cosechanqatsu,manam ni juk aptë manöjullatapis tarinqatsu.
8 Tsëpa pasaqkunaqa manam ni mëqampis kënö niyanqatsu:
“Teyta Jehovä bendicïkuyäshuy,bendicïkuyäshunëkipaqmi Teyta Jehoväman mañakayämushaq”.
Nötakuna
^ Kënöpis niyanmi: Jarukuyaptin.
^ Hebreu idiömachöqa “mana alli nunakunapa waskantam roqushqa” ninmi.
^ Kënöpis niyanmi: jachanömi.
