Salmus 139:1-24
Cantaqkunata dirigeqpaq. David qellqanqan cancion.
139 Teyta Jehovä, qamqa allim reqimanki, imanö kanqätaqa llapantam musyanki.+
2 Jamakuptï y sharkuptïpis musyëkankim,+imata pensanqätapis puntallapitanam musyëkanki.+
3 Mëta ëwanqätapis y mëchö pununqätapis rikëkämunkim,imata ruranqätapis llapantam musyanki.+
4 Teyta Jehovä, imatapis manaraq parlaptïmiqamqa musyankina ima nita munanqäta.+
5 Qamqa cuidamarmi qepächö y puntächöpis këkanki,y makikita hombrüman churarkamurmi cuidamanki.
6 Imanö kanqäta alli musyanqëkiqa alläpa espantakuypaqmi,noqalläqa manam ichikllapis entiendillätsu.+
7 Teyta Dios, podernikipitaqa manam mëtapis qeshpita puëdïtsu,mëta ëwaptïpis qamqa rikëkämankim.+
8 Ciëluta ëwaptïpis, tsëchöchi këkankiman,Sepultüraman* yëkur patsäkuptïpis tsëchöchi këkankiman.+
9 Karu islakunachö* kawakunäpaq,mëtsëman juklla chäreq patsa waraq aktsinö ras o sas ëwakuptïpis,
10 makikiwanchi pushamankiman,derëcha makikiwanchi yanapamankiman.+
11 “¡Ampipaqa o tsakëpaqa* manam rikämanqatsu!” niptïpis,paqas këkarpis qampaqqa atsikyärinmanchi,
12 alläpa ampirpis o tsakarpis,*qampaqqa junaqnöllam atsikyëkan,+paqaspis y junaqpis qampaqqa igual-llam.+
13 Qammi riñonnïkunata rurarqëki,y mamänïpa pachanchö këkaptïpis qammi cuidamarqëki.*+
14 Imanö ruramanqëkiqa alläpa espantakuypaqmi,+llapan ruranqëkikunam alläpa shumaq,tsëta alli musyarmi qamta alabaq.+
15 Mamänïpa pachanchö* imanö formakanqätam rikämurqëki,mana ni pï rikänanchö tullükuna formakëkaqtam rikarqëki.+
16 Mamänïpa pachanchö formakar qallëkanqäta rikämurqëkim.
Manaraq formakar qallaptïmi, cuerpüpa llapanninkuna imanö formakänampaqy ëka junaq formakänampaq kaqpis libruykichöna qellqarëkarqan.
17 Teyta Dios, llapan pensanqëkikunam noqapaqqa alläpa shumaq,+qamqa imëkatapis allim yachanki.+
18 Llapan yachanqëkita yupëta munaptïqa, lamar kuchunchö arënapitapis mas atskam kanman.+
Pununqäpita riyarkamurpis o rikcharkamurpis qamllamanran pensëkä.*+
19 Teyta Dios, imanöllaraq llapan mana alli nunakunata wanutsinkiman,+tsëqa mananachi asesïnukuna lädüchö kayanmannatsu.
20 Manachi contrëki parlaqkuna kayanmannatsu.
Pëkunaqa chikiyäshunkim, jutikitapis mana respetarmi mana allipa utilizäyan.+
21 Teyta Jehovä, chikiyäshoqnikikunataqa chikïmi+mana cäsuyäshoqnikikunatapis melanämi.+
22 Pëkunataqa alläpam chikïkü,+manam rikëtapis munätsu.
23 Teyta Dios, imanö kanqäta alli rikëkallämë y shonqüchö imanö kanqäta musyëkullë.+
Imakunapaq yarpachakunqäta musyanëkipaq alli rikëkallämë.+
24 Alli rikëkallämë, capaz shonqü munanqanta cäsur mana allikunatapis rurëkä,+y imëyaqpis kawakuyman chätsikoq nänipa pushëkallämë.+
Nötakuna
^ O “lamarchö”.
^ Kënöpis niyanmi: Tutapëpaqa.
^ Kënöpis niyanmi: tutaparpis.
^ O capazchi “awamarqëki”.
^ Hebreu idiömachöqa “patsa rurinchö imanö awashqa kanqätam” ninmi.
^ O capazchi “yupëkällaraq”.
