Salmus 146:1-10
146 ¡Teyta Jehoväta* alabayë!+
Teyta Jehovätaqa llapan shonqüwanmi alabashaq.+
2 Kawëkarqa Teyta Diostam alabar cantapäshaq,wanukunqäyaqmi o wañukunqäyaqmi Teyta Jehovätaqa alabashaq.*
3 Ama mandakoqkunaman ni pï nunakunamampis confiakuyëtsu.
Pëkunaqa manam salvayäshuynikita puëdiyantsu.+
4 Nunaqa jamanin ushakäriptinmi wanur o wañur allpayärin,+tsë junaqmi llapan pensanqan ushakärin.+
5 Yanapëkunampaq Jacobpa Diosninman confiakoq nunaqa kushishqam kanqa,+Teyta Jehovä yanapananta shuyaraq nunaqa kushishqam kanqa.+
6 Teyta Diosmi ciëluchö,patsachö y lamarchö llapan kaqkunata kamashqa,pëqa parlanqanta cumpleq+ Diosmi.+
7 Teyta Diosmi, nuna mayinkuna sufritsiyanqan nunakunapaq justicia ruran,y mallaqëkaqkunata mikuynin qaran.+
Teyta Jehoväqa prësu këkaqkunatam libran.+
8 Teyta Jehoväqa mana rikaqkunatam rikäyänampaq yanapan.+
Teyta Jehoväqa kallpannaq këkaqkunatam pallarkun,*+Teyta Jehoväqa alli ruraqkunatam kuyan.
9 Teyta Jehoväqa forastëru nunakunatam cuidan,papäninnaqkunata y viudakunatapis defendinmi,+peru mana alli nuna rurëta pensëkanqantaqa llapantam ushakätsin.+
10 Teyta Jehovämi imëyaqpis Gobernanti kanqa,+Sion jirka, Diosnikim imëyaqpis Gobernanti kanqa.
¡Teyta Jehoväta* alabayë!
Nötakuna
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
^ O “Jehoväpaq müsicata tocashaq”.
^ Kënöpis niyanmi: joqarkun.
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
