Salmus 25:1-22
David qellqanqan cancion
א [älef]
25 Teyta Jehovä, qammanmi llapan shonqüwan rogakamü.
ב [bet]
2 Qammanmi confiakamü Teyta Dios,+ama permitillëtsu penqakushqa quedanäta+ni chikimaqnïkuna asipäyämänanta.+
ג [guïmel]
3 Qamman confiakamoqkunaqa manam penqakushqatsu ushayanqa.+
Peru nuna mayinkunata traicionaqkunaqa penqakuychömi ushayanqa.+
ד [dälet]
4 Teyta Jehovä, munanqëkinö kawanäpaq yachëkatsimë,*+ima alli kanqanta musyanäpaq entiendïkatsimë.+
ה [he]
5 Teyta Dios, qammi imëpis salvamanki,mandamientuykikunata yachëkatsimë+y cumplinäpaq yanapëkamë.
ו [waw]
Imë hörapis qamllamanmi confiakamü.
ז [zayin]
6 Teytallä Jehovä, llakipäkoq* kanqëkita y alläpa kuyakoq kanqëkita yarpëkullë,+qamqa tsënömi imëpis* karqunki.+
ח [jet]
7 Jövin këkar jutsa* ruranqäkunata y pantanqäkunata qonqëkullë.
Teyta Jehovä, qamqa alläpa kuyakoq+ y alläpa allim kanki,+ama qonqëkallämëtsu.
ט [tet]
8 Teyta Jehoväqa alläpa allim y imëpis allillatam ruran.+
tsëmi jutsa* ruraqkunatapis allikunata rurayänampaq yachatsin.+
י [yod]
9 Humildi nunakunatam yanapan allikunata rurayänampaq,+y munanqannö kawakuyänampaqmi yachatsinqa.+
כ [kaf]
10 Teyta Jehovä mandakunqanta nunakuna cäsukuyaptin+y conträtu ruranqanta respetayaptinqa,+Teyta Diosqa alläpa kuyakoq karmipëkunapaq imëkata ruran y manam imëpis dejantsu.
ל [lämed]
11 Teyta Jehovä, jutiki alabashqa kanampaq,+mëtsika jutsata* rurashqa kaptïpis perdonëkallämë.
מ [mem]
12 Teyta Jehoväta respetaq* nunataqa,+alli kawakunampaqmi kikin yachatsinqa.+
נ [nun]
13 Imëka allikunatam tarinqa,+y pëpa kastankunapaqmi kë patsa herenciankuna kanqa.+
ס [sämekh]
14 Teyta Jehoväta respetaqkunallam* pëwanqa alli amïgu kayanqa,+y pëmi ruranqan acuerduta musyatsinqa.+
ע [ayin]
15 Noqaqa Teyta Jehovällatam imëpis rikarëkä,+pëmi trampaman mana ishkinäpaq yanapaman.+
פ [pe]
16 Teyta Dios rikëkallämë,manam pillapis yanaparkamantsuqam yanaparkallämë.
צ [sadë]
17 Imëkapitam shonqüchö llakikü,+mana llakikunäpaq yanapëkamë.
ר [resh]
18 Alläpa sufrinqäta y desgraciapa pasanqäta rikëkamë,+y llapan jutsäkunapita* perdonëkamë.+
19 Teyta Dios, chikimaqnïkunaqa mëtsikaqmi kayan,pëkunaqa alläpam chikiyäman y sufritsiyäman.
ש [shin]
20 Mana wanutsiyämänampaq salvëkallämë,+qammanmi confiakamü,penqakatsiyämänanta dejëkullëtsu.
ת [taw]
21 Teyta Dios, mananam jutsata* ruränatsu,kananqa allillatanam rurä,cuidëkamë,+ qammanmi confiakamü.+
22 Teyta Dios, Israelqa alläpam sufrikan, salvëkullë.
Nötakuna
^ Hebreu idiömachöqa “nänikita reqitsimë” ninmi.
^ O “unëpita”.
^ Kënöpis niyanmi: ankupäkoq; kuyapäkoq.
^ Kënöpis niyanmi: pecädu.
^ Kënöpis niyanmi: pecädu.
^ Kënöpis niyanmi: pecäduta.
^ Hebreu idiömachöqa “mantsaq” ninmi. Rikäri “Bibliachö palabrakunata entiendinapaq” neqta.
^ Hebreu idiömachöqa “mantsaqkunallam” ninmi. Rikäri “Bibliachö palabrakunata entiendinapaq” neqta.
^ Kënöpis niyanmi: pecädükunapita.
^ Kënöpis niyanmi: pecäduta.
