Salmus 28:1-9
-
Salmus qellqaq nuna mañakunqanta Teyta Dios wiyan
-
“Teyta Jehovämi kallpayoqta tikratsiman y escüdunömi tsapäman” (7)
-
David qellqanqan cancion.
28 Teyta Jehovä, qammi tsapämaqnï qaqa cuenta kanki,+qammanmi imëpis qayakamü,rogakamuptï wiyëkallämë.
Mana parlapämaptikiqa wanushqakunanöchi tikrarishaq.+
2 Yanapamänëkipaq waqarnin rogakamuptï wiyëkallämë,carpa* wayikichö Alläpa Sagrädu Cuartuman makïta pallarkur* mañakamuptï rikëkallämë.+
3 Mana alli ruraqkunatawanqa ama castiguëkallämëtsu,+pëkunaqa shonqunkunachö chikipëkarmi, nuna mayinkunata allitupar parlapäyan.+
4 Pëkunataqa llutanta rurayanqampita castiguëkullë,+imëka jutsata* rurayanqampita castiguëkullë.+
5 Teyta Jehovä, mana alli nunakunaqa imëka ruranqëkita rikëkarpis+ mana kaqpaqmi churayan,+pëkunataqa ushakätsi, amana kawayätsunnatsu.
6 Teyta Jehovämi mañakunqäta wiyamashqa,alabashqa këkullätsun.
7 Teyta Jehovämi kallpayoqta tikratsiman+ y escüdunömi tsapäman,+pëmanmi llapan shonqüwan confiakü.+
Pë yanapamaptinmi kushishqa këkä,tsëmi cantar alabashaq.
8 Teyta Jehovämi sirweqninkunata kallpayoqta tikratsin,alli segurashqa markanömi tsapan, y akranqan nunatam salvan.+
9 Teyta Dios, sirwishoqnikikunata salvëkullë, pëkunaqa herenciëkim kayan, bendicïkullë,+juk mitsikoq üshankunata cuidanqannö cuidëkullë y mellqanikillachö imëpis puritsi.+
