Salmus 34:1-22
Abimëlecman apayaptinmi David löcutukurqan,+ tsëmi Abimëlecqa qarqurqan. Tsëta yarparmi Davidqa kë cancionta qellqarqan.
א [älef]
34 Imë hörapis Teyta Jehovätam alabashaq,mana dejëpam imëpis alabashaq.
ב [bet]
2 Teyta Jehoväpitaqa kushishqam parlashaq,+tsëta wiyarmi humildi nunakuna kushikuyanqa.
ג [guïmel]
3 Teyta Jehoväta llapantsik juntu alabashun,+jutintapis kushishqa alabashun.
ד [dälet]
4 Jehovä Diostam tapurqä, y pëqa contestamarqanmi.+
Yanapamaptinmi imatapis mantsarqänatsu.+
ה [he]
5 Yanapanampaq Teyta Diosta asheqkunaqa kushishqam kayanqa,y manam imëpis penqakushqaqa puriyanqatsu.
ז [zayin]
6 Noqalläqa humildi nunam kallä, Teyta Jehovämanmi mañakurqä y pëqa wiyamarqanmi.
Llakikur këkaptïmi yanapamarqan.+
ח [jet]
7 Teyta Jehoväpa angelninqa, Teyta Diosta respetaqkunata* cuidarmi entëru lädunkunapa purikan,+y mana allikunapitam salvan.+
ט [tet]
8 Kikikikuna rikäyë y musyayë Jehovä Dios alli kanqanta.+
Defendinampaq pëman ëwaq nunaqa, imëpis kushishqam kawakun.
י [yod]
9 Teyta Dios akranqan limpiu nunakuna, Jehoväta respetayë,*pëta respetaqkunapaqa manam imankunapis pishintsu.+
כ [kaf]
10 Puëdeq këkarmi leonkunapis, mikuyänampaq mana kaptin mallaqäyan,peru Teyta Jehoväman confiakoqkunapaqa manam imankunapis pishinqatsu.+
ל [lämed]
11 Wamralläkuna, shamur wiyayämë,Teyta Jehoväta respetayänëkipaqmi* yachatsiyashqëki.+
מ [mem]
12 ¿Mëqëkitan kushishqa kawakuyanki?
¿Manatsuraq imëyaqpis tsënölla kawakuyta munayankiman?+
נ [nun]
13 Tsënö kawakuyta munarqa shimikita sujetakuy,+amana nuna mayikita ulipënatsu o llullapënatsu.+
ס [sämekh]
14 Mana alli rurëkunata dejar alli kaqllatana rurë,+nuna mayikiwan shumaqna kawakuy, tsënö kawakuytaqa ama imëpis dejëtsu.+
ע [ayin]
15 Alli ruraqkunataqa Teyta Jehovämi imëpis rikarëkan,+rogakur mañakuyaptinqa yanapanampaqmi imëpis wiyan.+
פ [pe]
16 Peru mana allikunata ruraqkunataqa cölerashqam Teyta Jehovä rikarëkan,y llapantam ushakätsinqa y mananam pillapis yarpanqanatsu.+
צ [sadë]
17 Allita ruraq nunakuna qayakuyaptinmi, Teyta Jehoväqa wiyarqan,+y llakikur këkäyaptinmi yanaparqan.+
ק [qof]
18 Teyta Jehoväqa alläpa llakishqa këkaqkunapa lädunchömi këkan.+
Llakishqa kar ima rurëtapis mana puëdeqkunatam yanapan.+
ר [resh]
19 Alli ruraq nunakunaqa imëka mana allikunapam pasayan,+peru Teyta Jehovämi imëkapa pasayaptimpis yanapan.+
ש [shin]
20 Teyta Diosmi llapan tullunkunata cuidëkan,manam ni jukllëllatapis pakiyänanta permitishqatsu.+
ת [taw]
21 Mana alli nunakunaqa, mana allikunata rurayanqampitam sufrir wanuyanqa o wañuyanqa,y allita ruraq nunakunata chikiyanqampitam castïguta chaskiyanqa.
22 Teyta Jehoväqa sirweqninkunatam salvan.
Imëkapita tsapänampaq pëman ëwaqkunataqa manam castiganqatsu.+
Nötakuna
^ Hebreu idiömachöqa “mantsaqkunata” ninmi. Rikäri “Bibliachö palabrakunata entiendinapaq” neqta.
^ Hebreu idiömachöqa “mantsayë” ninmi. Rikäri “Bibliachö palabrakunata entiendinapaq” neqta.
^ Hebreu idiömachöqa “mantsayänëkipaqmi” ninmi. Rikäri “Bibliachö palabrakunata entiendinapaq” neqta.
