Salmus 39:1-13
Cantaqkunata dirigeqpaq. Jedutun.*+ David qellqanqan Salmus.
39 Kënömi pensarqä: “Imatapis parlanäpaqqa alliraqmi pensashaq,+chikimaqnïkuna këkäyaptin llutankunata mana parlanäpaqmishimïman bozalta churaq cuenta upälla kakushaq”.+
2 Alläpa llakishqa karpis upällam kakurqä+y allita ni mana allitapis manam parlarqätsu.
3 Upälla këtaqa manam aguantarqänatsu,shonqüpis ninanömi rawrarqan o lunyarqany pensaptïmi shonqü achacharqan.
Tsëmi kënö nirqä:
4 “Teyta Jehovä, musyëkatsimë vïdä imanö ushanampaq kaqtay ëka tiempulla kawanäpaq kaqta.+
Tsënöpam musyashaq pöcu tiempu kawaq kanqäta.
5 Qamqa wallka tiempulla kawanätam permitimanki,+mëtsika tiempu kawaptïpis qampaqqa mana kaqllam.+
Nunakunaqa jamaninö ushakäreqllam kayä.+ (Sëlah).
6 Nunaqa wäninö o llantuynö pasareqllam.
Kawëkarqa imëkatam munayany manam musyayantsu tarinqan cösaskunawan pï quedakunampaq kaqta.+
7 Tsënö këkaptinqa Teyta Jehovä, ¿imamanraq confiaküman?
Noqaqa qamllamanmi confiakamü.
8 Jutsallakunqäpita* perdonëkamë,+ama mana väleq nunakuna despreciayämätsuntsu.
9 Qammi yanapamarqëki,+tsëmi upälla kakurqä,+manam imatapis parlakurqätsu.
10 Makikiwan astamaptiki manam aguantänatsu,amana castiguëkamënatsu.
11 Mana alli nunatam, mana allita ruranqampita castigar correginki,+cösasninkunatapis puyunömi ushanki.
Nunaqa jamaninöllam ushakärin.+ (Sëlah).
12 Mañakamuptï, Teyta Jehovä, wiyëkallämë,+rogakamuptï cäsuykallämëy waqaptïpis wiyëkallämë.
Unë kastäkunanömi+ qampaqqa forastërulla kallä,+visïta cuentallam pasakü.
13 Amana cölerashqa rikarämënatsu,manaraq ëwakur y manaraq ushakarmi kushishqa kawëta munä”.
Nötakuna
^ Rikäri “Bibliachö palabrakunata entiendinapaq” neqta.
^ Kënöpis niyanmi: Pecäduta ruranqäpita.
