Salmus 42:1-11
Cantaqkunata dirigeqpaq. Maskil.* Corëpa kastankuna qellqayanqan.+
42 Teyta Dios, luychu* yakunar yakuta asheqnöran,noqapis qamta asheq.
2 Imëllaraq Teyta Dios, puntëkiman shallämüman.+
Alläpa yakunar yakuta asheqnöraqmi qamta ashikaq.+
3 Paqasta junaqtam waqakurlla kakü,tsëmi nunakunaqa noqapita burlakur, “¿Diosnikiqa mëtaq?” niyäman.+
4 Teyta Dios, atskaq nunakunawan wayikiman unë shamunqäta yarparëkämi.
Pëkunapa puntankunatam kushishqa cantarëkar y agradecikur shamoq kä.
Chäramurqa fiestata rurar kushishqa qayëkachar këkaqkunawanmi, noqapis kushishqa karqä.+
5 ¿Imanirtan alläpa yarpachakü?+
¿Imanirtan shütëtapis puëdïnatsu?+
Noqaqa Teyta Dios yanapamänantam shuyaräshaq,Salvamaqnï Diostaqa yapëmi alabashaq.+
6 Teyta Dios, alläpam yarpachakü,+tsëmi Jordanchö, Hermon jirkachö y Mizar jirkachö këkarpis qamllaman yarpä.+
7 Mëtsika yaku waqaqta y paqtsakuna büllaqtam wiyëkä,mëtsika yaku shamurmi janäpa pasashqa.+
8 Junaqpam Teyta Jehovä kuyamanqa.*
Paqaspanam Teyta Diosta alabar cantashaq,kawatsimaq Diosnïmanmi mañakushaq.+
9 Qaqa cuenta tsapämaq Diosnïtam kënö tapushaq:
“¿Imanirtan qonqëkamarqunki?+
¿Imanirtan chikimaqkuna waqatsiyämänanta permitinki?”.+
10 Chikimaqkunam jurapämar imëkata niyäman,llapan junaqkunam noqapita burlakur, “¿Diosnikiqa mëtaq?” niyäman.+
11 ¿Imanirtan alläpa yarpachakü?
¿Imanirtan shütëtapis puëdïnatsu?
Noqaqa Teyta Diostam shuyaräshaq,+Salvamaq Diostaqa yapëmi alabashaq, pëmi Diosnï.+
Nötakuna
^ Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
^ O “china luychu”.
^ O “alläpa kuyakoq”.
