Salmus 51:1-19
Cantaqkunata dirigeqpaq. Bat-Sebawan+ David jutsata* rurayanqampitam Diospa willakoqnin Natan corregirqan. Tsëmi David kë salmuta qellqarqan.
51 Dios Yaya, qamqa alläpa kuyakoqmi kanki, yanapëkallämë.+
Llakipämar* jutsa* ruranqäta qonqëkullë.+
2 Juk nuna imatapis yakuwan alli limpiu aweqnö,* ruranqä jutsapita* limpiuta tikrëkatsimë,+mana allita ruranqäpita perdonëkallämë.+
3 Jutsa* ruranqätaqa allim musyäy manam qonqëtapis puëdïtsu.+
4 Chikinqëki jutsata* rurarmi qamta llakitsirqoq,+tsëmi nimanqëkipisy juzgamanqëkipis rasun kaqlla.+
5 Noqaqa mamäpa pachanchöpis jutsayoqllanam* karqä,y yurikurpis jutsayoqllanam karqä.+
6 Qamqa, nunakuna shonqunkunachö alli kayanqanta rikarqa kushikunkim,+tsëmi alli nuna kanäpaq y yachaq kanäpaq yanapëkamänëkita munä.*
7 Jutsäpita* limpiu kanäpaq hisöpu plantawan tsaqtsuykamë,+tsënöpam jutsata rurashqa karpis rashtanö* yuraq tikrashaq.+
8 Kushishqa cantaqkunata y qayëkachaqkunata wiyar yapë kushikunäpaq yanapëkallämë.
Tsëqa castigamashqa kaptikipis* yapëmi kushishqa kashaq.+
9 Jutsata* ruranqäpita perdonëkallämë,+amana yarparënatsu.*+
10 Limpiu shonquyoq kanäpaq yanapëkallämë,+imëpis cäsukoq kanäpaq yanapëkallämë.+
11 Ama puntëkipita qarqëkamëtsuy podernikiwan imëpis yanapëkallämë.
12 Salvamaptiki kushikunqänö yapë kushishqa kanäpaq yanapëkallämë,+qamta cäsunäpaq yanapëkallämë.
13 Jutsa* ruraq nunakunatam,+ mandamientuykikunata yachatsishaq,tsëmi qamllatana cäsuyäshunki.
14 Teyta Dios, qammi salvamaqnï kanki.+
Nuna mayïta wanutsir jutsata* mana ruranäpaq yanapëkallämë,+tsëmi allita ruraq kanqëkita kushishqa willakushaq.+
15 Teyta Jehovä, parlakaramunäta permitïkallämë,tsënöpam alabashqëki.+
16 Teyta Dios, animalkunata pishtëkur rupatsimunäta munaptikiqa rupëkatsimümanchi,+peru qamqa manam tsëta munankitsu, y qarëkunata rupatsimuptïpis manam kushikunkitsu.+
17 Qamqa kushikunki, jutsata* ruranqäpita arrepentikuptï y shonqüchö llakikuptïmi.
Shonqunkunachö llakikoqkunataqa manam despreciankitsu.+
18 Teyta Dios, Siontapis llakipëkullë*y alli següru kanampaq Jerusalenpa murällankunatapis altsëkatsi.
19 Teyta Dios, tsënöpam kushikunki alli ruraq nunakuna animalkunata pishtëkur rupatsiyämuptiny wakin qarëkunatapis rupatsiyämuptin.
Töruta pishtarmi altarnikichö rupatsiyämunqa.+
Nötakuna
^ Kënöpis niyanmi: pecäduta.
^ Kënöpis niyanmi: Ankupämar; Kuyapämar.
^ Kënöpis niyanmi: pecädu.
^ Kënöpis niyanmi: paqaqnö; mayllaqnö.
^ Kënöpis niyanmi: pecädupita.
^ Kënöpis niyanmi: Pecädu.
^ Kënöpis niyanmi: pecäduta.
^ Kënöpis niyanmi: pecäduyoqllanam.
^ Hebreu idiömachöqa “shonqüchö yachëkatsimë” ninmi.
^ Kënöpis niyanmi: rapinö; jankanö.
^ Kënöpis niyanmi: Pecädüpita.
^ Hebreu idiömachöqa “lapir ushanqëki tullükunapis” ninmi.
^ Kënöpis niyanmi: Pecäduta.
^ Hebreu idiömachöqa “jutsäta borrëkullë” ninmi.
^ Kënöpis niyanmi: Pecädu.
^ Kënöpis niyanmi: pecäduta.
^ Kënöpis niyanmi: pecäduta.
^ Kënöpis niyanmi: ankupëkullë; kuyapëkullë.
