Salmus 61:1-8
-
Teyta Diosqa alli rurashqa törrinömi, chikimaqnintsikkunapita tsapämantsik
-
“Wayikichömi visïta cuenta imëyaqpis täkushaq” (4)
-
Cantaqkunata dirigeqpaq. Cuerdayoq instrumentukunata tocarnin cantayänampaq. David qellqanqan salmus.
61 Dios Yayallä, yanapamänëkipaqmi qayakëkämü, wiyëkallämë,rogakëkämümi cäsuykallämë.+
2 Shonqüchö alläpa llakikur y imanö këtapis mana puëdirqa,karu markachö këkarpis, yanapamänëkipaqmi waqar mañakamushaq.+
Imapis mana imanamänampaq, qaqa jananman churëkamë.+
3 Qammi imëka mana allikunapita tsapämanki,alli rurashqa törrinömi, chikimaqnïkunapita tsapämanki.+
4 Wayikichömi visïta cuenta imëyaqpis täkushaq,*+älëkiwan tsapämänëkipaqmi qamman shamushaq.+ (Sëlah).
5 Teyta Dios, äninqaqtaqa wiyamarqunkim,jutikita respetaqkunapa* herenciantam entregamarqunki.+
6 Gobernantitam mas watakuna kawanampaq yanapanki,+tsëmi pëqa mëtsika watakuna kawanqa.
7 Teyta Dios, pëmi imëyaqpis puntëkichö gobernanqa,+imapis mana pasanampaq alläpa kuyëkuy, ama dejëkullëtsu.+
8 Jutikita respetarmi imëyaqpis alabarniki cantamushaq,+y cada junaqmi äninqaqta cumplimushaq.+
Nötakuna
^ Kënöpis niyanmi: täräshaq; pärashaq.
^ Hebreu idiömachöqa “mantsaqkunapa” ninmi. Rikäri “Bibliachö palabrakunata entiendinapaq” neqta.
