Salmus 70:1-5
-
Jinan höra yanapëkunampaq mañakun
-
“Ama qonqëkallämëtsu” (5)
-
Cantaqkunata dirigeqpaq. David qellqanqan salmus. Imëpis yarpäyänampaq.
70 Teyta Diosllä, salvëkallämë.
Teyta Jehovä, kanan höra shamur yanapëkallämë.+
2 Wanutsimëta munaqkuna llapampis penqakushqa quedayätsun.
Desgraciapa pasaptï kushipämaqkuna penqakushqa ëwakuyätsun.
3 Pëkunaqa, “¡alliraq, tsëtam munarqëki!” nirmi noqapita burlakuyan.
Tsënö niyanqampitaqa alläpa penqakuyätsun.
4 Peru qamta reqiyäshoqnikikunaqa llapan ruranqëkipita kushikuyätsun.+
Salvakoq kanqëkipita imëpis kënö niyätsun:
“Teyta Dios alabashqa këkullätsun”.
5 Peru noqaqa manam ima rurëtapis puëdïtsu, waktsam kallä,+Teytallä Jehovä, ama qonqëkallämëtsu.+
Qammi imëpis yanapamanki y salvamanki.+
Jinan höra shamur yanapëkallämë.+
