Salmus 80:1-19
Cantaqkunata dirigeqpaq. “Liriu wëta” niyanqan cancion. Yarpäyänampaq. Asaf+ qellqanqan salmus.
80 Teyta Dios, qamqa üsha mitseqnömi Israelta cuidanki, wiyëkallämë,üshatanö Josëta pushëkaq, wiyëkallämë.+
Querubin angelkuna jananchö* këkaq Teyta Dios,+chipapanqëkita rikäyätsun.
2 Efrainpa, Benjaminpa y Manasespa puntanchö poderösu kanqëkita rikäyätsun,+shamur salvëkayämë.+
3 Teyta Dios, yapë chaskïkayämë,+llakipäyämar* salvëkayämë.+
4 Angelkunata mandaq Teyta Jehovä, sirwishoqnikikunam kayä, ¿imëyaqraq cölerashqa kar mañakayämunqäta wiyayämankitsu?+
5 Cada junaq tantata qarayämaqnömi, cada junaq waqatsiyämanki,weqïkunatapis yakutanömi uputsiyämanki.
6 Poderninkunachö kayänäta munarmi vecïnükunaqa chikinakur pelyayan,chikiyämaqkunaqa noqakunapita alläpa burlakurmi puriyan.+
7 Angelkunata mandaq Teyta Dios, yapë chaskïkayämë,llakipäyämar* salvëkayämë.+
8 Egiptupitam üvas plantata apamurqëki,+y plantanëkipaqmi nacionkunapita nunakunata qarqurqëki.+
9 Monti juntashqa chakrata shumaq limpiëkurmi plantarqëki,y matsunkunaqa o watsinkunaqa* entëru patsapam ëwarqan.+
10 Jatunyarmi jirkakunatapis tsaparqan,y plantanqëki cedrukunatapis rämanmi tsaparqan.
11 Rämankunaqa lamaryaqmi charqan,y lädunkunapa tseqllimoq rämankunam Eufratis mayuyaq* charqan.+
12 ¿Imanirtan üvasnikita corralaraq rumipita murällata juchutsirqunki?*+
Llapan pasaqkunam tsëpa yëkur munayanqanta pallar apakuyan.+
13 Monti kuchikunam* yëkur malograr ushayan,y chukaru animalkunam yëkur munanqanta mikukuyan.+
14 Angelkunata mandaq Teyta Dios kutikallämuy,këkanqëki ciëlupita rikëkallämuy.
Üvasnikita cuidëkullë.+
15 Derëcha makikiwan plantanqëki üvasta cuidëkullë,+tseqllimoqnintapis* qammi alli fuertita tikratsirqëki, pëtapis rikëkullë.+
16 Ninawanmi rupatsiyashqa,+ walluyashqam,cölerashqa parlapaptikim nunakuna wanuyan o wañuyan.
17 Derëcha läduykichö këkaq nunata,fuerti kanampaq tikratsinqëki nunata makikiwan tsarë.*+
18 Tsënöpam Teyta Dios, dejayashqëkitsu,jutikita alabayänäpaq kawëkaqta katsiyämë.
19 Angelkunata mandaq Teyta Jehovä, yapë chaskïkayämë,llakipäyämar* salvëkayämë.+
Nötakuna
^ O cazpachi “chowpinchö o pullanninchö”.
^ Kënöpis niyanmi: ankupäyämar; kuyapäyämar.
^ Kënöpis niyanmi: ankupäyämar; kuyapäyämar.
^ Kënöpis niyanmi: jawankunaqa; chapankunaqa; sipinkunaqa.
^ Kënöpis niyanmi: riuyaq.
^ Kënöpis niyanmi: laqmatsirqunki.
^ O “jabalïkunam”.
^ O “rämantapis”.
^ Kënöpis niyanmi: achkuy.
^ Kënöpis niyanmi: ankupäyämar; kuyapäyämar.
