Salmus 85:1-13
Cantaqkunata dirigeqpaq. Corëpa kastankuna+ qellqayanqan salmus.
85 Teyta Jehovä, markëkichö nunakunawanqa alläpa allim karqunki,+prësu apakushqa kayaptimpis Jacobpa kastankunataqa kutitsimurqunkim.+
2 Sirwishoqnikikuna mana allita rurayanqantaqa perdonarqunkim.
Llapan jutsankunatam* perdonarqunki.+ (Sëlah).
3 Cölerashqa kanqëkipis pasarirqanmi,y manam cölerashqallatsu kakurqëki.+
4 Imëpis salvayämaq Teyta Dios, noqakunatapis chaskïkayämë,*ama cölerashqallaqa kakuytsu.+
5 ¿Imëyaqpis cölerashqatsuraq noqakunawanqa kanki?+
¿Manatsuraq imëpis perdonayämanki?
6 ¿Manatsuraq yapë kushishqa kawakuyänäpaq yanapayämanki?*+
7 Teyta Jehovä, qamqa alläpa kuyakoqmi kanki,+ salvëkayämë.
8 Llapan shonqunkunawan sirweqninkunatam Teyta Jehoväqa parlapanqay pëkunata parlapanqantam kushishqa wiyëta munä.
Pëkunaqa allikunata rurarmi kushishqa kawayanqa.+
Peru sirweqninkunaqa, ama puntatanö kikinkunallaman confiakuyätsuntsu.+
9 Teyta Diosqa, pëta respetaqkunata* salvanampaqmi imë hörapis listu këkan,+tsëmi markantsikchöqa pëllata alabayanqa.
10 Nunakunaqa rasumpam kuyanakuyanqa, manam dejanakuyanqatsu,justiciatam rurayanqa y imëpis allim kawakuyanqa.+
11 Nunakuna mana dejanakuyanqanqa, mëtsika planta jeqamoqnömi kanqay Teyta Dios justiciata ruranqanqa ciëluchö atsikyaq aktsinömi atsikyämunqa.+
12 Alläpa allim Teyta Jehoväqa, bendicimäshunmi,+tsëmi murukunqantsikkunaqa alli wayunqa.+
13 Alli rurëqa Teyta Diospa puntanta ëwanqannöllam,+sirweqninkunapa puntantapis ëwanqa.
Nötakuna
^ Kënöpis niyanmi: pecädunkunatam.
^ O “juntëkayämë”.
^ O “kallpayoqta tikratsiyämanki”.
^ Hebreu idiömachöqa “mantsaqkunata” ninmi. Rikäri “Bibliachö palabrakunata entiendinapaq” neqta.