Salmus 94:1-23
-
“Mana allita ruraq nunakunata castigaq” Diosman mañakun
94 Teyta Jehovä, qamqa mana allita ruraq nunakunata castigaq Diosmi kanki,+reqiyäshunëkipaq mana alli ruraq nunakunata castiguëkullë.
2 Qammi entëru patsachö Juez kanki,+orgullösu nunakunata juklla castiguëkullë.+
3 Teyta Jehovä, ¿imëyaqraq mana alli nunakunaqa mana allikunata rurar kushishqa kayanqa?+
4 Mana alli nunakunaqa shiminkunaman chanqantam parlayan,imëkatam alabakuyan.
5 Teyta Jehovä, sirwiyäshoqnikikunatam imëka mana allikunata rurayan,+sirwiyäshoqnikikunatam sufritsiyan.
6 Viudakunata, forastërukunatay papäninnaqkunata wanutsiyan o wañutsiyan.
7 Kënömi niyan: “Jehoväqa* manam rikantsu,+Jacobpa Diosninqa manam musyantsu”.+
8 Qamkuna mana cäsukoqkuna, upakuna wiyayämë,¿imëyaqraq juiciunnaq kayanki?+
9 Rinritapis rurëkarqa, ¿manatsuraq wiyanqa?
Nawitapis rurëkarqa, ¿manatsuraq rikanqa?+
10 Mëtsë nacion nunakunata corregikarqa, ¿manatsuraq qamkunatapis qayapäyäshunki?+
Pëmi nunakunataqa yachaqta tikratsin.+
11 Teyta Jehoväqa musyanmi nunakuna imata pensëkäyanqanta,y musyanmi jamaninö ushakäreqlla kayanqanta.+
12 Teyta Jehovä,* correginqëki nuna+y leynikita yachatsinqëki nunaqa kushishqam kawakun.+
13 Tsënöpam mana alli nunakunata ushakätsinqëkiyaq,mana alli tiempukunachöpis tranquïlu kawakun.+
14 Teyta Jehoväqa manam sirweqninkunata dejanqatsu,+manam sirweqninkunata qonqëkunqatsu.+
15 Juezkunaqa yapëmi justiciata rurayanqa,y alli shonquyoq nunakunam cäsukuyanqa.
16 Mana alli nunakunapa contran sharkuptï, ¿piraq favornï kanqa?
Mana alli nunakunapa contran sharkuptï, ¿piraq yanapamanqa?
17 Teyta Jehovä mana yanapamaptinqa unënam ushakäman karqan.+
18 “Chakïmi lutskakan” niptïmi Teyta Jehovä,alläpa kuyakoq kar yanapamarqëki.+
19 Alläpa yarpachakur imanö këtapis mana puëdiptimï,qamqa shoqamar yanapamarqëki.+
20 Mana alli gobernantikunawanqa* imatapis manam rurankitsu,pëkunaqa mana allikunata rurayänampaqmi leyta utilizäyan.+
21 Pëkunaqa alli nunatam atacayan+y culpannaq nunatam wanunampaq condenayan.+
22 Peru noqapaqqa, Teyta Jehovämi tsapämaq alli següru sitiunö kanqa,Diosnïqa tsapämaq qaqa cuentam kanqa.+
23 Teyta Dios munaptinmi, mana alli nunakuna rurayanqanqa kikinkunallapaq mana alli kanqa,+mana allikunata rurayanqanllawanmi ushakäyanqa.
Teyta Jehovämi ushakätsinqa.+
Nötakuna
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
^ O “juezkunawanqa”. Hebreu idiömachöqa “mandakur jamakunan” ninmi.
