Salmus 97:1-12
97 Patsa kushikutsun,+mëtsika islakuna kushikuyätsun,+¡kananqa Jehovä Diosnintsikmi gobernamäshun!+
2 Pëpa lädunchöqa yana pukutëmi këkan,+pëqa alli kaqllata y justiciata ruraq gobernantim.+
3 Pëpa puntantam ushakätsikoq nina ëwan,+y llapan chikeqninkunatam entëru läduchö ushakätsin.+
4 Räyukunata tillapyätsiptinmi entëru patsa atsikyarqan,tsëmi patsaqa kuyurqan.+
5 Teyta Jehoväpa puntanchö,+entëru patsata Gobernaqpa puntanchöqa jirkakunapis wiranömi* tsullur ushakäyan.
6 Ciëlukunam justiciata ruranqanta willakuyan,mëtsë markachö nunakunam poderösu kanqanta rikäyan.+
7 Nuna ruranqan santukunata sirweqkuna,+y mana musyaq santunkunapita alabakur pureqkuna penqakushqa quedayätsun.+
Puëdeq dioskuna, Teyta Diospa puntanman qonqurikuyë.*+
8 Sion jirkam wiyar kushishqa këkan,+Teyta Jehovä, Judächö markakunapis*
justiciata ruranqëkipitam kushishqa këkäyan.+
9 Teyta Jehovä, entëru patsa janampaqa qamllam Llapanta Gobernaq Poderösu Dios kanki.
Qamllam, llapampitapis mas puëdeq Dios kanki, qamwanqa manam ima diospis igualantsu.+
10 Teyta Jehoväta kuyaqkuna, mana alli rurëkunataqa chikiyë.+
Teyta Diosqa, pëta kuyaqkunataqa imë hörapis cuidëkanmi,+mana alli nunakunapitam salvan.+
11 Alli nunakunapaqqa aktsim atsikyashqa,+alli shonquyoq nunakunaqa kushishqam kawakuyan.
12 Alli ruraq nunakuna imëpis kushishqa kayänëkipaq, Teyta Jehoväta adorëta ama dejayëtsu,sagrädu jutimpita agradecikuyë.
