ACOMODADORKUNA. Acomodadorkunaqa yanapayäshunëkipaqmi këkäyan. Pëkuna niyäshunqëkinölla rurë: cärru cuadrakunan sitiuchö, pasadïzukunapa purirnin, asientukunata rakirnin y maskunachöpis.

ASIENTUKUNA. Wakinkunamampis yarpäyänëkipaqmi rogariyaq. Asientutaqa rakinëki familiëkillapaq, qamwan cärruchö ëwaqkunallapaq, juntu täräyanqëkikunallapaq o qamwan Bibliata yachakuykaqkunallapaqmi. Mana täkunëkipaq asientukunamanqa ama cösasnikikunata churëtsu.

BAUTISMU. Säbadu qoya bautizakoqkunapaq yachatsikuy manaraq qallaptinmi, bautizakoqkunaqa pëkunapaq rakishqa asientukunachö täkuyänan. Llapankunam juk toällata y yakuman yëkuyänampaqnö röpata apayämunan. Plataformapa frentinchömi, pëkunapaqqa asientu rakishqa kanqa. Ima cambiukunapis kaptinqa, tiempuwanmi willakayämunqa.

OQRAKASHQA CÖSASKUNAPAQ. Imallatapis tarikurqa, Oqrakashqa Cösaskunapaq neq sitiuman apayë. Imatapis oqrashqa karninqa, Oqrakashqa Cösaskunapaq neqman ëwë. Jina tsëmanqa apankimanmi teytankunapita rakikar oqrakashqa wamrakunatapis. Tsënö kaptimpis, tsë sitiutaqa manam wamrakunata cuidayänampaqtsu patsätsiyashqa. Teytakuna, wamrëkikunapita alkäbulla këkäyë y lädïkikunallachö katsiyë.

QELLËWAN YANAPAKUNAPAQ. Kë asamblëa rurakänampaqqa mëtsika gastukunam rurakashqa: asientukunapaq, shumaq wiyanapaq, pantällachö rikänapaq y maskunapaqpis. Tsëkunam yanapakun asamblëata shumaq wiyakunapaq y Jehoväman mas witinapaq. Cäjakunaman ëkallatapis winarinqantsikmi, gastukunata pagakunapaq y alli willakuykuna më tsëman chänampaq yanapakunqa. Tsëpaqmi entëru localman cäjakunata churayämushqa. Jina Internetpapis qellënikiwan yanapakuyta munarqa, donate.pr418.com päginaman yëkuy. Agradecikuyaqmi qellënikikunata ëkallatapis winariyanqëkipita. Jehoväpa Testïgunkunata Pushaqkunaqa, agradecikuyäshunkim Diospa Gobiernunta yanaparnin ëkallatapis churakuyanqëkipita.

QESHYANAQKUNATA YANAPAQKUNA. Imapis alläpa grävi pasakuptinlla tsëman ëwanëkipaqmi yarpäratsiyaq.

YANAPAKUYTA MUNAQKUNAPAQ. Asamblëachö yanapakuyta munarqa, Willakïkuna y Yanapakïta Munaqkuna neq sitiuman ëwayë.

Diospa Gobiernumpita Yachatsikoqkunapaq Escuëla: Jehoväta mas sirwita munaq precursorkunatam invitariyaq, domingu tardi tsë reunionman ëwayänëkipaq. Tsëmanqa 23 watapita hasta 65 watayoq precursorkunam ëwëta puëdiyan. Mëchö y imë höra kanampaq kaqtaqa, plataformapitam willakayämunqa.