¿Imataq mas alli kaq herencia wamrëkikunapaq kanman? Atska cösaskunatam wamrakunaqa ministiyan, kuyanëkita, yachatsinëkita y cuidanëkita. Tsënö kaptimpis, Jehoväpita y Palabran Bibliachö rasumpa kaqta yachatsinqëkim llapampitapis mas väleq herenciaqa (Juan 17:3). Tsënö yachatsinqëkim yanapanqa llullullaraq këkarpis Jehoväta kuyayänampaq y llapan shonqunkunawan sirwiyänampaq (Mateu 21:16).

Atskaq teytakunam cuentata qokuyashqa ichiklla yachatsikïkunawan y fäcil-lla rurayänampaq kaqkunawan wamrankuna ras yachakuyanqanta. Tsëmi jorqarayämorqö, Bibliapita yachakur qallanäpaq nishqan kë publicacionta. Fäcil-lla yachatsikïninmi teytakunata yanapanqa wamrankunata yachatsiyänampaq. Dibüjunkuna y letrankunapis kima (kimsa) wata o mënus watayoq wamrakunapaqmi. Jina kanmi teytakuna wamrankunawan imakunata rurayänampaqpis. Kë follëtuqa manam wamrakunapa pukllanantsu. Sinöqa wamrëkikunawan juntu leyiyänëkipaq y mas parlakuriyänëkipaqmi rurakämushqa.

‘Wamra cayanqanpita’ patsë rasumpa kaqta kë follëtuwan yachatsiyänëkipaq kaqtaqa paqwëmi markäkuyä (yärakuyä) (2 Timoteu 3:14, 15).

Wawqikikuna turikikuna,

Jehoväpa Testïgunkunata Pushaq