5
Biblia willakunqan
Gobernanampaq derëchuyoqqa Jehovällam. Pëmi mas alli gobernaqqa. Patsapaq y nunakunapaq munënintaqa ninqannöllam cumplinqa.
J.m.sh 4026 wata pasariptin Gobernanampaq Jehovälla derëchuyoq kanqanta y imanö gobernanqanta ‘culebra’ tumpan. Culebrata o Satanasta peqachö jalunampaq Jehovä juk ‘mirëta’ änikun (Genesis 3:1-5, 15, nota). Peru Satanaspa yanapakïninwan juk tiempupa nunakuna gobernayänanta permitin. |
J.m.sh. 1943 wata Juk kaq mirënin änikushqan ‘mirë’ kanampaq kaqta Jehovä, Abrahanta änin (Genesis 22:18). |
J.m.sh. 1070 wata pasariptin Änikushqan ‘mirë’ kastankunapita shamunampaq kaqta, rey Davidta y tsurin Salomonta Jehovä änin (2 Samuel 7:12, 16; 1 Rëyes 9:3-5; Isaïas 9:6, 7). |
J.sh. 29 wata Änikushqan ‘mirë’ y gobernar David täranqanta chaskeq Jesus kanqanta Jehovä willakun (Gälatas 3:16; Lücas 1:31-33; 3:21, 22). |
J.sh. 33 wata ‘Culebra’ Satanas Jesusta wanutsiyänampaq causan, y tsënöpa änikushqa ‘mirëta’ chakinchö kanireqnö ruran. Jehovä Jesusta kawaritsin, ciëluta kutitsin y jutsannaq kawënimpa chaninta chaskin. Tsëta ruranqanwan jutsata perdonanampaq y Adanpa kastankuna imëyaqpis kawakïta tariyänampaq patsätsin (Genesis 3:15; Hëchus 2:32-36; 1 Corintius 15:21, 22). |
J.sh. 1914 wata “Culebrata” Jesus Patsaman qarpamun y ichik tiempulla tsëchö kanampaq permitin (Apocalipsis 12:7-9, 12). |
Shamoq tiempuchö Waranqa watapa Satanasta Jesus llawin y tsëpitana peqachö jalureq cuenta ushakätsin. Tsënömi Patsapaq y nunakunapaq munanqanta ninqannölla Jehovä cumplirin. Imëkapita tumpayanqampita Diospa jutin limpiu quedarin, y alli gobernaq kanqan cläru rikakurin (Apocalipsis 20:1-3, 10; 21:3, 4). |