10 KAQ TAPUKÏ
¿Imatataq shamoq tiempupaq Biblia änikun?
“Patsachöqa alli nunakunallam täräyanqa, y tsëchömi imëkamayaqpis kawayanqa.”
“Patsaqa imëkamayaqpis këkanqam.”
“Pëqa rasumpam wanïta limpu ushakäratsinqa, y Llapan Autoridäyoq Señornintsik Jehovämi weqinkunata nawinkunapita pitsarapunqa.”
“Tsë tiempuchöqa wiskukunapa nawinkunapis kichakärinqam, y sordukunapa rinrinkunapis wiyarinqam. Y tsë tiempuchöqa luychunöran cöjupis cörrikachanqa, y müdupa qallumpis kushishqam parlanqa. Porqui tsunyaqchömi yaku pashtamunqa y tsaki pampakunachömi mayunöraq yaku kanqa.”
“Cananqa mananam waqayanqanatsu ni llaquiyanqanatsu, mananam imancunapis nananqanatsu, ni wanuyanqanatsu. Porqui tse sufrimientucunaqa ushacärishqanam.”
“Wayikunatam rurayanqa y tsëchömi yachayanqa; üvastam muruyanqa, y wayunqantam mikuyanqa. Manam juk yachanampaqtsu wayita rurayanqa; ni juk mikunampaqtsu muruyanqa. Imëka juk monti kawaqnömi markä kawanqa; akrashqäkunaqa makinkunawan llapan rurayanqantam kikinkuna paqwë utilisäyanqa.”