2 KAQ TAPUKÏ
¿Imanötaq Diosta reqinkiman?
“Kë libruchö leykunaqa shimikichömi imëpis këkänan, y paqasta junaqtam leyinëki y leyinqëkimanmi yarpachakunëki; tsëchö qellqarëkaq ninqannö imëpis ruranëkipaq, tsëqa nänikichö alli kaqtam tarinki y yachëwanmi imëkatapis ruranki.”
“Rasumpa kaq Diospa leynin libru ninqantam sinchipa leyir sïguiyarqan, y ima ninan kanqantam tantiyatsikuyarqan, y leyiyanqanta shumaq käyiyänampaqmi yanapar sïguiyarqan.”
“Mana alli nunakunapa yachatsikïninta mana wiyashqa [...] nunaqa alläpa kushishqam kawakun. Pëpaqqa Jehoväpa leyninmi alläpa mishkin, y paqasta junaqta leyta leyirmi leyinqanman yarpachakun. Y [...] llapan ruranqanmi allilla yarqunqa.”
“Tsenam Felipi tse Etiopia nasionpeq nunaman mas witïcur, wiyecorqan Diospa profetan Isaias escribishqan libruta leyicaqta. Tsenam queno taporqan: —Tëte, ¿tse leyenqequita cäyinquicu? —nishpa. Tsenam queno yasquerqan: —¿Imanoparaq cäyishaq, pipis mana cäyicatsimaptin! —nishpa.”
“Diosta mana ricashqapis, que munducho llapan rurashqancunam musyatsimantsic Dios camashqanta. Tsemi jina musyarintsic Diosnintsic rasonpa Dios cashqanta y puedeq quenenqa mana imepis ushacashqanta.”
“Que yachatsenqaqcunata shonqiquicho yarparar rurë. Tsenopam llapancuna cuentata qocuyanqa waran waran mas cabal alli nuna ticraquicanqequita.”
“Jucnintsic jucnintsic yanapanacur cuyanacur alli rureta tïrashun. Diosta alabanantsic wayicho imepis ellucashun ama waquincunanoqa mana ewashpa quecashuntsu.”
“Sitsun meqequicunapapis yacheniquicuna pishenqa, Dios Yayaman mañaquicuyë. Pëqa llapan nunatam atsca yachenin qoyconqa.”