Bibliachöqa nunakunapaq Diospa willakïninmi këkan. Tsëmi Palabran kanqanta nintsik. Kushishqa kawanapaq y Kamakoqnintsikta imanö kushitsinapaq kaqtam yachatsikun, y kë tapukïkunatam contestan:

Bibliachöqa 66 librukunam kan. Hebrëu idiömachö qellqashqa kaqkuna y griëgu idiömachö qellqashqa kaqkuna. Y Unë Testamentu y Mushoq Testamentu nirmi wakinkunaqa reqiyan. Bibliapa librunkunaqa capïtulukunaman rakishqam, y cada capïtulunam versïculukunaman rakishqa. Juk textupa qallananchö yurimoqqa librupa jutinmi, qateqnin nümeruqa capïtulukunam kayan, y mas qateqnin nümerunam versïculukuna kayan. Tantiyarinapaq, Genesis 1:1 textuqa, Genesis librupa 1 kaq capïtulun, 1 kaq versïculun ninanmi.