Animanakushun
¿Imanirtan llapantsikpis animanakuyta necesitantsik?
Is 35:3, 4; Col 3:16; 1Te 5:11; Heb 3:13
-
Bibliachö willakunqan:
-
2Cr 32:2-8. Judïukunatam chikeqninkuna ushakätsita munayarqan, tsënam Ezequïasqa shumaq parlaparnin marka mayinkunata animarqan.
-
Da 10:2, 8-11, 18, 19. Danielqa alläpa awkinna karmi kallpannaq sientikurqan, peru juk angel shumaq parlapaptinmi kallpata tsarirqan.
-
¿Imanirtan Jehoväqa munan congregacionchö dirigeqkuna cristiänu mayinkunata animayänanta?
Kë textukunatapis leyi: Mt 11:28-30.
-
Bibliachö willakunqan:
-
Dt 3:28; 31:7, 8. Josuëqa Moisespa rantinmi israelïtakunata diriginampaq quedanan karqan, tsëmi Moisesqa Jehovä ninqannölla Josuëta animarqan y valienti kanampaq nirqan.
-
Hch 11:22-26; 14:22. Antioquïachö këkaq cristiänukunata chikiyaptin y sufritsiyaptinmi Pabluwan Bernabë animayarqan.
-
Pitapis animëta munarqa, ¿imanirtan allita ruranqampita shonqupita felicitänantsik?
-
Bibliachö willakunqan:
-
Juë 11:37-40. Jeftëpa warmi wamranmi Diospa carpa wayinchö sirwinampaq familiankunata dejashqa karqan, tsëmi israelïta shipashkuna animayänampaq cada wata ëwayaq.
-
Ap 2:1-4. Jesusqa Ëfesuchö cristiänukunata correginan kaptimpis allita rurayanqankunapitam puntataqa felicitarqan.
-
Llapantsik animanakunapaqqa, ¿imatataq ruranantsik?
Pr 15:23; Ef 4:29; Flp 1:13, 14; Col 4:6; 1Te 5:14
Kë textukunatapis leyi: 2Co 7:13, 15, 16.
-
Bibliachö willakunqan:
-
1Sa 23:16-18. David mana allipa pasëkanqanta musyaskirmi Jonatanqa animanampaq asheq ëwarqan.
-
Jn 16:33. Jesusqa pënö alli tsarakuyta puëdiyänampaq kaqta nirmi discïpulunkunata animarqan.
-
Hch 28:14-16. Römachö juzgashqa kanampaq Apostol Pabluta apëkäyanqanta musyaskirmi cristiänu mayinkunaqa taripaq ëwayarqan, tsëta rurayanqanqa Pabluta alläpam animarqan.
-
Jukkunapaq mana allita parlanantsikpa rantin o quejakur kanantsikpa rantinqa, ¿imanirtan respetakoq kanantsik?
-
Bibliachö willakunqan:
-
Nü 11:10-15. Israelïtakuna mana cäsukur y quejakur kayaptinmi Moisesqa alläpa llakikurnin wanukuytapis munarqan.
-
Nü 13:31, 32; 14:2-6. Musyapakoq ëwaq chunka israelïtakuna desanimatsikuypa parlarnin israelïtakunata mantsakätsiyaptinmi israelïtakunaqa Moisespaq y Aaronpaq mana allita parlar qallëkuyarqan.
-
Cristiänu mayintsikkunawan juntu kanqantsikqa, ¿imanötan yanapamantsik?
Pr 27:17; Ro 1:11, 12; Heb 10:24, 25; 12:12
-
Bibliachö willakunqan:
-
2Cr 20:1-19. Juk mantsëpaq ejercitu markankunaman ëwëkanqanta musyaskirmi Jehosafatqa Diosman mañakuyänampaq llapan judïukunata juntarqan.
-
Hch 12:1-5, 12-17. Apostol Santiäguta wanutsiyanqanta y apostol Pëdruta carcelayanqanta musyëkurmi Jerusalenchö cristiänukunaqa juntakëkur Diosman mañakuyarqan.
-
Diosnintsik änimanqantsikkunaman pensanqantsikqa, ¿imanötan mana allikunapa pasashqa yanapamantsik?
Hch 5:40, 41; Ro 8:35-39; 1Co 4:11-13; 2Co 4:16-18; 1Pë 1:6, 7
-
Bibliachö willakunqan:
-
Ge 39:19-23; 40:1-8. Josëqa prësurëkarpis Jehovämanmi confiakurqan, y manam jukkunata yanapëta dejarqantsu.
-
2Rë 6:15-17. Eliseuta ashirnin soldädukuna chäkuriptimpis Eliseuqa valientim karqan, y sirweqnin mana mantsakunampaqmi Jehoväman mañakurqan.
-
Diospa Palabranqa yanapamantsikmi
¿Imanö yanapamänapaqtan Diosnintsikqa änimantsik?
Jehovä llakipäkoq y pacienciayoq kanqanta musyanqantsikqa, ¿imanirtan valorta tsarinapaq yanapamantsik?
Kallpannaq sientikunqantsik höra, ¿imatataq Jehovä ruran yanapamänapaq?
Sl 46:1; Is 12:2; 40:29-31; Flp 4:13
-
Bibliachö willakunqan:
-
1Sa 1:10, 11, 17, 18. Jehoväqa wiyarqanmi alläpa llakikurnin Äna mañakunqanta, y mana alläpa llakikunampaqmi yanaparqan.
-
1Rë 19:1-19. Jehoväqa mikuyta y yakuta qarar, shumaq parlapar y allikunaman pensanampaq yanaparmi alläpa llakishqa këkaq Elïasta consolarqan.
-
Bendicionkunata chaskinapaq kaqta Bibliachö ninqanqa, ¿imanirtan valienti kanapaq yanapamantsik?
2Cr 15:7; Sl 27:13, 14; Heb 6:17-19; 12:2
-
Bibliachö willakunqan:
-
Job 14:1, 2, 7-9, 13-15. Jobqa imëka mana allikunapam pasarqan, peru kawarimunampaq kaqta musyanqanmi alläpa yanaparqan.
-
Da 12:13. 100 watayoqnöna Daniel këkaptinmi, shamoq tiempuchö bendicionkunata chaskinampaq kaqta nirnin juk angel animarqan.
-
Jehoväman mañakunqantsik y pë imanö kanqanman pensanqantsikqa, ¿imanirtan yanapamantsik?
-
Bibliachö willakunqan:
-
1Sa 30:1-9. Davidqa mana allikunapa pasanqan höram Jehovä yanapanampaq kaqman confiakurqan.
-
Lü 22:39-43. Alläpa difïcil pruëbapa pasanan kaptinmi Jesusqa alläpa llakikur Jehoväman llapan shonqunwan mañakurqan, tsëmi Jehoväqa juk angelta mandarqan animanampaq.
-
Alli noticiakunata wiyarnin, ¿imanötan sientikuntsik, y imanirtan jukkunatapis willanantsik?
-
Bibliachö willakunqan:
-
Hch 15:2-4. Apostol Pabluwan Bernabëqa congregacionkunaman watukakoq ëwarmi wawqi panikunata alläpa animayaq.
-
3Jn 1-4. Yanapanqan nunakuna Jehoväta mana dejëpa sirwikäyanqanta musyanqanmi edäyashqana apostol Juanta alläpa yanaparqan.
-