Casädu vïda
¿Pitan casädu vïdata patsätsishqa?
¿Jehoväta sirweqkunaqa pikunallawantan casakuyanman?
¿Imanirtan Jehoväta sirweqkunaqa Diosta mana sirweqkunawan bautizakushqa wamrankuna casakuyänanta munayantsu?
-
Bibliachö willakunqan:
-
Ge 24:1-4, 7. Abrahanqa manam munarqantsu santukunata adoraq warmikunawan wamran Isaac casakunanta, tsëmi Jehoväta sirweq warmita ashirqan casatsinampaq.
-
Ge 28:1-4. Wamran Jacobtam Isaacqa nirqan cananea warmiwan mana casakunampaq, tsëpa rantinqa Jehoväta sirweq warmita ashinampaqmi nirqan.
-
¿Imanötan Jehovä sientikun pëta mana sirweqwan casakuyaptin?
-
Bibliachö willakunqan:
-
1Rë 11:1-6, 9-11. Jehoväta mana cäsukur juk nacionpita warmikunawan casakunqampitam Jehoväqa Salomonpaq alläpa cölerakurqan. Tsë warminkunaqa santukunata adorëmanmi Salomonta chätsiyarqan.
-
Ne 13:23-27. Mana wiyakoq judïukunaqa Jehoväta mana sirweq warmikunawanmi casakuyarqan, tsëmi Nehemïasqa alläpa cölerakur pëkunata qayaparqan y corregirqan.
-
¿Imanirtan casakuyta munaqkunaqa Jehoväta kuyaq y mana dejëpa sirweqkunallawan casakuyanman?
Kë textukunatapis leyi: Ef 5:28-31, 33.
-
Bibliachö willakunqan:
-
1Sa 25:2, 3, 14-17. Abigailpa nunan Nabalqa imëkayoq karpis mana alli geniuyoq y kuyakuyta mana yachaq nunam karqan.
-
Pr 21:9. Casakunapaq mana alli nunata o warmita akrarqa sufrirllam kawakushun.
-
Ro 7:2. Apostol Pablum nirqan casäda warmiqa nunan mana allita ruraptimpis respetanampaq kaqta, tsëmi alli pensaq warmiqa piwampis casakunampaqqa alliraq reqinan.
-
Manaraq casakurnin
Juk ollqu casakuyta munarqa, ¿imanirtan puntataqa pensanan familianta imanö manteninampaq kaqman?
-
Bibliachö willakunqan:
-
Pr 24:27. Juk ollquqa manaraq casakurmi alli trabajaq kanan, tsënöpam familianta alli mantenita puëdinqa.
-
¿Imanirtan noviukunaqa shumaq kayanqanllata rikäyänampa rantin alli reqinakuyänampaq kallpachakuyänan y consëjuta mañakuyänan?
-
Bibliachö willakunqan:
-
Rut 2:4-7, 10-12. Rut trabajadöra kanqanta, familianta y Jehoväta kuyanqanta y jukkunapis pëpaq allita parlayanqantam Boazqa wiyarqan, tsëmi Rut alli warmi kanqanta cuentata qokurqan.
-
Rut 2:8, 9, 20. Boazqa llapanwampis alli nunam karqan. Shumaqmi tratakoq y Jehovätam kuyaq, tsëtam Rutqa cuentata qokurqan.
-
¿Imanirtan Jehoväqa munan noviu këkaqkuna alli portakuyänanta y oqllanakuypita cuidakuyänanta?
-
Bibliachö willakunqan:
-
Pr 5:18, 19. Noviu këkaqkunaqa kuyanakurpis manam casädukunalla rurayanqantaqa rurayänantsu ni oqllanakuyänantsu.
-
Can 1:2; 2:6. Sulamïtaqa y mitsikoq noviunqa kuyanakurpis allim portakuyarqan.
-
Can 4:12; 8:8-10. Sulamïtaqa imëpis allim portakurqan, y oqllanakuypitam alli cuidakurqan, tsëmi Bibliachöqa nin alli cercashqa huertanö kanqanta.
-
Juk ollquwan warmi juntakëta munarqa, ¿imanirtan autoridäkuna mandakuyanqannö casakuyänan?
Ollqu kaqkuna imata rurayänampaq kaq
¿Imatataq Jehoväqa mandan casädu ollqukunata?
Casädu ollqukuna familiankunata dirigirqa, ¿pï ruranqannötan dirigiyänan?
¿Imanirtan casädu ollquqa warminta shumaq entiendinan y kuyanqanta rikätsinan?
-
Bibliachö willakunqan:
-
Ge 21:8-12. Abrahantaqa manam warmin Sära ninqan gustarqantsu, tsënö kaptimpis Sära ninqanta ruranampaqmi Jehoväqa nirqan.
-
Pr 31:10, 11, 16, 28. Alli pensaq ollquqa manam warmin imata ruranqanta o mana ruranqanta rikarëkantsu, tsëpa rantinqa Bibliachö ninqannö alli warmita tarishqa karmi llapan shonqunwan pëman confiakun y alaban.
-
Ef 5:33. Apostol Pablum nirqan warmikunaqa nunankuna kuyayänanta munayanqanta.
-
Warmi kaqkuna imata rurayänampaq kaq
¿Imatataq Jehoväqa mandan casäda warmikunata?
Casäda warmikunapaq Bibliachö mandakunqanqa, ¿warmikunata mana väleqpaqku churëkan?
-
Bibliachö willakunqan:
-
Pr 1:8; 1Co 7:4. Wamrankunata cuidëchö y casädu vïdankunachö yanapakuyänampaqmi Jehoväqa warmikunata mandashqa.
-
1Co 11:3. Apostol Pablum nirqan llapantsiktapis jukraq dirigimanqantsikta, peru Jehovätaqa pipis mana diriginqantam nirqan.
-
Heb 13:7, 17. Congregacionchö dirigimänapaq Jehovä churanqan nunakunatam ollqupis warmipis respetanantsik y cäsukunantsik.
-
Jehoväta mana sirweq nunawan casakushqa warmiqa, ¿imatataq ruranan Jehoväta kushitsinampaq?
¿Imanirtan warmikunaqa qowankunata o runankunata respetayänan?
-
Bibliachö willakunqan:
-
Ge 18:12; 1Pë 3:5, 6. Säraqa nunanta alläpam respetaq, y manam jukkuna rikäyaptinllatsu respetaq, sinöqa pï mana rikaptimpis respëtuwanmi parlapaq.
-
¿Imanö warmipaqtan Bibliachöqa allita parlan?
-
Bibliachö willakunqan:
-
Ge 24:62-67. Isaacqa alläpam llakikurqan mamänin wanuskiptin, tsëmi Rebëcaqa yanaparqan mana alläpa llakikunampaq.
-
1Sa 25:14-24, 32-38. Nunan Nabalpa culpanrëkur wayinchö täkoqkunata llapanta David wanutsinan kaptinmi Abigailqa humildi karnin Davidwan parlaq ëwarqan, tsënömi llapanta salvarqan.
-
Est 4:6-17; 5:1-8; 7:1-6; 8:3-6. Diospa sirweqninkunata salvananrëkurmi reina Esterqa wanutsiyänan kaptimpis gobernaq nunanwan parlaq ëwarqan.
-
Problëmakuna kaptin imanö altsanapaq kaq
¿Bibliachö ima consëjukunaraq problëmankunata altsayänampaq casädukunata yanapanqa?
¿Bibliachö ima consëjukunatan casädukunata yanapanqa qellëta ashirlla mana kakuyänampaq?
Lü 12:15; Flp 4:5; 1Ti 6:9, 10; Heb 13:5
“Qellë” neqtapis leyi.
¿Bibliachö ima consëjukunatan casädukunata yanapanqa familianwan o suegrunkunawan problëma kaptin?
¿Bibliachö ima consëjukunatan casädukunata yanapanqa oqllanakuy asuntuchö?
¿Imanirtan casädukunaqa majan mana allita ruranqanllata rikaräyänampa rantin allita ruranqanta rikäyänampaq kallpachakuyänan?
Casädukuna majankunawan cölerashqalla kakuyänampa rantinqa, ¿imanirtan problëmankunata jinan höra altsayänampaq kallpachakuyänan?
¿Imanirtan cristiänukunaqa majankunawan cölerakuyänantsu, llakitsinakuyänantsu, qayapänakuyänantsu y maqanakuyänantsu?
Casädukuna imachöpis mana acuerdu karqa, ¿imata rurayänampaqtan ishkampis kallpachakuyänan?
Casädukuna Jehoväta imëpis cuentachö katsirqa, ¿ima bendicionkunatataq chaskiyan?
Casädu vïdapaq Bibliachö consëjukuna
¿Ima nintan Bibliachöqa oqllanakuy asuntupaq y casädu vïdapaq?
¿Allitsuraq kanman juk cristiänu ishkë o mas warmikunawan casakuptin?
¿Imanötan musyantsik ollqupura o warmipura casakuyanqan mana alli kanqanta?
¿Imanirtan casakushqa ollquwan warminqa imëpis juntu kayänan?
¿Ima pasaptinllataq casädukunaqa divorciakuyta puëdiyan?
¿Imanötan Jehoväqa sientikun Bibliachö ninqanta mana cäsukur divorciakuyaptin?
Warmin o nunan wanuskiptinqa, ¿puëdiyanku yapë casakuyta?
Capaz këkunapis gustashunki
¡MUSYATSIKOQ!
Kushishqa familia: Ishkëkikuna yanapanakuyë
¿Casädunöku kawayanki o juk wayichö juntu täraqnöllaku?
REQIYÄMË
¿Munankimanku visitayänaqta?
¿Munankiku Bibliapita maslla yachakuyta o Jehoväpa testïgunkuna imanö kayanqanta musyëta?
