Llapan shonquntsikwan Jehoväta sirwishun
¿Imanötan rikätsikuntsik llapan shonquntsikwan Jehoväta sirwinqantsikta?
Sl 18:23-25; 26:1, 2; 101:2-7; 119:1-3, 80
-
Bibliachö willakunqan:
-
Le 22:17-22. Jehovämi sirweqninkunata nirqan ima animaltapis pëpaq aparqa “sänuta” apayänampaq. Hebreu idiömachö “sänu” nirqa llapanchö alli, complëtu y entëru kanqampaqmi parlëkan. Tsënöllam noqantsikpis llapan shonquntsikwan Jehoväta sirwinqantsiktaqa rikätsikuntsik llapanchö pëta cäsurnin y imëkapitapis mas kuyarnin.
-
Job 1:1, 4, 5, 8; 2:3. Llapan shonquntsikwan Jehoväta sirwita munarqa, llapan shonquntsikwanmi Pëta respetanantsik, llapanchömi cäsunantsik y manam mana allikunata ruranantsiktsu. Tsëtam Jobpita yachakuntsik.
-
¿Imanirtan llapan shonquntsikwan Jehoväta sirwinantsik?
¿Imatan yanapamäshun imëpis llapan shonquntsikwan Jehoväta sirwinapaq?
¿Imatataq ruranantsik kanan y imëpis llapan shonquntsikwan Jehoväta sirwinapaq?
Kë textukunatapis leyi: Dt 5:29; Is 48:17, 18.
-
Bibliachö willakunqan:
-
Job 31:1-11, 16-33. Jobqa cada junaqmi rikätsikurqan Jehoväta llapan shonqunwan sirwinqanta. Pëqa manam warminta jukwan engañarqantsu ni qellëta ërayëpa ashirqantsu, tsëpa rantinqa pitapis alli y respëtuwanmi trataq, y Jehovällatam adoraq.
-
Da 1:6-21. Jehoväpa Leyninta respetarmi Danielwan kiman amïgunkunaqa gobernanti Nabucodonosor ruratsinqan mikuykunata mikuyarqantsu. Jehoväta mana sirweq nunakunawan këkarpis tsë jövinkunaqa llapan shonqunkunawanmi Jehoväta cäsukuyarqan.
-
Pipis atska kuti jutsata rurashqa karqa, ¿puëdinmantsuraq Jehoväta llapan shonqunwan yapë sirwita?
-
Bibliachö willakunqan:
-
1Rë 9:2-5; Sl 78:70-72. Davidqa jutsata rurashqa karpis rasumpam arrepentikurqan, tsëmi Jehoväqa perdonarqan y rikëninchö alli nuna kanqantam nirqan.
-
Is 1:11-18. Jehovämi sirweqninkunata nirqan ishkë cära y jutsasapa kayashqa kaptimpis rasumpa arrepentikuyaptinqa y mana alli rurëninkunata dejayaptinqa perdonanampaq kaqta.
-
Capaz këkunapis gustashunki
BIBLIA WILLAKUNQAMPITA SHUMAQ YACHATSIKÏKUNA
Rey Davidqa jatun jutsatam rurëkurqan
Mana allita decideqkunaqa imëka problëmakunamanmi chäyan.
REQIYÄMË
¿Munankimanku visitayänaqta?
¿Munankiku Bibliapita maslla yachakuyta o Jehoväpa testïgunkuna imanö kayanqanta musyëta?
