Brujeriakunacho purinatam munan Satanasqa. Atska nunakunam wanukushqakunapaq apayapun imekampis, mana imanayänampaq. Tsekunatam rurayan wanushqakunata mantsarnin. Tsemi hina yakarayan suertenkuna kanampaq, wayrurukunata, wallqakunata, sortijakunata, pulserakunata. Brujokuna rurayanqan hampikunata rantïkur, upuyan, qarankunata shullpakuyan, yanapayänanta creirnin. Wakinnam hina brujokunaman ewekur, imekatapis hampïkatsir, wayinkunaman churayan, wakinnam pampayan, tapamänampaq nirnin. Wakinkunanam tse brujokunapa “hampinkunata” inshiyan uryakininkunacho alli kayanampaq, escuelankunacho alli yarquyänampaq, majankuna tariyänampaqwan.

Satanaspeq mas alleq tsapäkiqa, Jehovapa amigon kemi. Jehová Diosmi, angelninkunawan, allapa kallpayoq kayan, Satanaspita demoniokunapitapis (Santiago 2:19; Revelación 12:9). Jehovaqa allapam munan kallpan inshita, amigonkunapaq llapan pellapaq kaqkunapaq (2 Crónicas 16:9).

Diospa Palabranqa nimantsikmi: “Brujeriakunata ama practicayetsu”. Jehovaqa allapam chikïkun brujeriakunata, Satanás Diablopa makinmanmi apëkamashwan kë rurekunaqa (Levítico 19:26).