Parte 1
Llapanta Dios rurar qallanqampita, Wamayëpaq Tamyayaq
Kë Patsa y cielo, ¿mëpitaraq yarqayämushqa? ¿Imanöraq kë Inti, Killa, estrëllakuna y llapan Patsachö rikanqantsikkuna rurakäyashqa? Rasumpëpa kaqtaqa Bibliallam nimantsik, kë llapantam Dios ruramushqa nirnin. Tsëmi kë librontsikqa qallan, llapanta Teyta Dios rurar qallanqampita patsë willakurnin.
Puntata Teyta Dios pënö espïritukunata ruranqantam yachakuntsik. Angelkunash kayänaq tsë espïritukunaqa. Pero noqantsiknö nunakunapaqshi kë Patsataqa ruramunaq. Tsëshi, tsë selläma shumaq huertaman churanampaq Adán y Ëvata Teyta Dios ruranaq. Pero pëkunaqa oqrariyänaq kë selläma shumaq huertachö kawëtash Teyta Diosta mana wiyakuyanqanchö.
Adanta Dios ruranqampeq, Wamayëpaq Tamyayaqqa o Diluvio nishqanyaqqa pasanaq, 1.656 watash. Alläpa mana alli nunakunash kawayänaq tsë tiempochöqa. Mana alli angelninkunawanshi Satanasqa këkänaq ciëlochö. Patsachönash këkäyänaq: Caín, llapan mana alli nunakuna y mantsëpaq alläpa kallpayoq hatusaq nunakunapis. Pero alli nunakunapis kayänaqshi. . . Abel, Enoc y Noé. Tsëmi kë nunakunapita y llapan pasanqanta leishun kë HUK kaq Parte nishqan willakïkunachö.
KË KAQ GRÜPU WILLAKÏKUNACHÖ
1 kaq willakï
Teyta Dios qallëkun llapanta rurar
Llapanta Dios rurar qallanqampita Genesis librochö willakïkunaqa selläma shumaq y entiendillapaqmi
2 kaq willakï
Huk selläma shumaq huerta
Genesis libro willakunqannömi Diosqa Edén huertata rurarqan selläma shumaqta. Diosqa munan llapan patsa tsë shumaq huertanö kanantam.
3 kaq willakï
Teyta Dios nunata rurar qallarin
Diosmi rurarqan Adanta y Evata, nïkurnam Eden huertaman churarqan. Pëkunam punta cäsado pareja kayarqan.
4 kaq willakï
¿Imanöraq oqrariyarqan tsë shumaq huertachö täräyänanta?
Genesis librom willakun paraisota imanöpa oqrakanqanta.
5 kaq willakï
Qallëkun sasa kawë
Edén huertapita qarqushqa kayanqanchöqa, Adanwan Ëva mëtsika problëmakunayoqmi kayarqan. Diosta wiyakushqa karqa alläpa shumaqchi kawakuyanqaman karqan pëkuna y wambrankunapis.
6 kaq willakï
Huk alli y huk mana alli Adanpa tsurinkuna
Cainpaq y Abelpaq Genesis librochö këkaq willakïkunam yachatsimantsik imanö nuna kanantsikpaq
7 kaq willakï
Huk valiente nuna
Enoc ruranqanmi rikätsikun, wakin nunakuna mana allikunata rurayaptimpis qamqa alli kaqta rurëta puëdinqëkita.
8 kaq willakï
Patsachö hatusaq nunakuna
Génesis libropa 6 kaq capïtulonmi willakun hatun nunakuna wakin nunakunata maqayanqanta. Tsë hatun nunakunapa shutinkunaqa Nefilimmi, pëkunaqa kayarqan cielopita shamïkur nunaman tikrashqa angelkunapa tsurinkunam.
9 kaq willakï
Noé huk arcata ruran
Wakinkuna wiyäkïta mana munayaptimpis Noewan familianqa Diosta wiyakuyanqanrëkurmi wamayëpaq tamyapita salvakuyarqan.
10 kaq willakï
Wamayëpaq Tamya
Noépa willakïnimpitam nunakunaqa asikuyarqan. Peru wamayëpaq tamya chäriptinqa manam pipis asikurqantsu. Noeta, familianta y atska animalkunata arca imanö salvanqanta yachaki.