Parte 4
Punta Israelpa reynimpita patsë Babiloniachö esclavo kayanqanyaq
Punta Israelpa reyninshi kanaq Saúl. Pero tsëpitanash Jehová munanaqnatsu rey kananta, y pëpa rantin rey kanampaqnash Davidta akrarinaq. Davidpitam atskata yachakurerqontsik. Hatun Goliat nunawampis joven këkar peleayänaqshi. Tsëpitanash envidioso rey Saulpita safakunaq. Tsënash, lluta mana allita mana ruranampaq shumaqllan Abigaíl yanapëkunaq.
Tsëpitanam, Davidpa tsurin Salomón Israelpa reynin, papänin Davidpa rantin kanqantapis yachakorqontsik. Hina 40 watayanshi punta kima Israelpa reyninkuna gobernayänaq. Y Salomón wanuriptinnash Israel nación ishkëman rakikärinaq, huknin norteman y huknin surman.
Y manaraq asiriokuna ushakätsiyaptinshi, 257 wata tsarakuyänaq 10 norte reinopita kastakuna. Tsëpitanash ishkë sur reinopita kastakunapis, 133 wata norte kastakuna ushakäyanqan pasariptin ushakäriyänaq. Kananqa Babiloniamanshi esclavo apayashqa israelïtakunata. Tsënöshi, 510 wata pasarinaq kë CHUSKU kaq Parte nishqan willakïkunachöqa y manash qonqëkïpaqnötsu kë tiempochö llapan pasanqan.
KË KAQ GRÜPU WILLAKÏKUNACHÖ
56 kaq willakï
Saúl Israelpa punta reynin
Qallananchöqa Diosmi akrarqan, pero tsepitaqa rechazarirqanmi, Saulqa alläpa importante yachatsikïtam yachatsimantsik.
58 kaq willakï
Davidwan Goliat
David Goliatwan pelyarqa, manam warakanllawantsu pelyarqan, sinöqa mas puedeq kallpawanmi.
59 kaq willakï
Imanir-raq David safakun
Qallananchöqa Davidta Saúl kuyarqanmi, peru tsëpitaqa wanutsipam chikirqan. ¿Imanir?
61 kaq willakï
David rey tikrarin
Davidqa rey kanampaq listo këkanqanta rikätsikun rurëninwan y imata mana ruranqanwanmi.
62 kaq willakï
Davidpa wayinchö llakikïkuna
Alläpa hutsata ruranqampitam, atska watakunapa familian y kikin Davidpis hipakïkunapa pasan.
64 kaq willakï
Salomón templota ruran
Yachaq këkarpis, Salomonqa hukkuna niyanqanta wiyarninmi upa rurëta y mana allikuanata rurarqan.
65 kaq willakï
Reino ishkëman rakikärin
Jeroboanqa gobernar qallarirllanam, Diospa leyninta nunakuna mana wiyakuyänampaq haqirin.
67 kaq willakï
Jehosafat Jehoväman markäkun
¿Imanir-raq huk tröpa guerraman ëwan putankunaman cantaqkunata churëkur?
68 kaq willakï
Yapë kawarirayämun ishkë wambrakuna
¿Pipis wanurirqa kawarimunmantsuraq? ¡Tsëmi unë pasakurqan!
69 kaq willakï
Mandakoq nunata huk shipash yanapan
Mana mantsapakushpam pëqa parlarqan, tsënöpam huk milagro rurakarqan.
70 kaq willakï
Jonás wamayëpaq hatun pescädowan
Jonasqa Jehová ninqanta wiyakïqa alläpa precisanqantam yachakurqan.
71 kaq willakï
Huk paraïsota Dios änikun
Punta kaq paraïsoqa ichikllam karqan, kanan kaqqa hinatin patsapam kanqa.
72 kaq willakï
Ezequías nunatash Teyta Dios yanapan
Huk waraqllam 185.000 asirio soldadokunata huk angel wanutsin.
73 kaq willakï
Israelpa último alli reynin
Josïasqa jovenllam këkarmi alli kaqta mana matsapakushpa rurarqan.
74 kaq willakï
Mana mantsakoq nuna
Jeremïasqa pensarqan profeta kanampaq wamrallaraq kanqantam, pero Diosqa musyarqanmi rurëta puëdenqanta.
75 kaq willakï
Babiloniachö chusku wambrakuna
Familiankunapita karuchö këkarpis rurayanqanqa allim yarqun.
76 kaq willakï
Jerusalén ushakärin
¿Imanirtaq Dios permitin Israelpa chikeqnin babiloniokuna Jesrusalenta ushakätsiyänanta?
