Parte 7
Jesús kawarimonqampita hasta Pablota llawitsiyanqanyaq
Wanonqampita kima hunaqllatash Jesús kawariramunaq. Pitsqa kutish tsë hunaqqa yuripunaq qateqninkunata. Tsënöshi 40 hunaq yuripushqa kanaq. Tsëpitanash ciëlota ewkunaq wakin qateqninkunapis rikarëkäyaptin. Y chunka hunaq pasarishqanchönash, Jerusalenchö Jesuspa qateqninkuna shuyarëkäyaptin Teyta Dios espíritu santonta ramaramunaq.
Tsë unëllatanash apostolkunata llawiratsiyänaq chikeqninkuna, pero huk angelshi punkuta kicharapunaq ewkuyänampaq. Hina chikeqninkunash tsampipa wanutsiyänaq Jesuspa qateqnin Esteban nishqantapis. Pero pëkunapita apóstol Pablo nishqanta especialtanö Jesús akranqantapis yachakuntsikmi. Hina Jesús wanonqampita kima wata pullan pasanqanchönash, mana judío Cornelio nuna yachatseq Pëdrota Teyta Dios kachanaq.
Tsëpita 13 wata pasariptinnash willapäkoq ëwar qallëkunaq Pablo. Yapë kutiptinnash Timoteo yanaqänaq. Y tsënö Teyta Diosta servir puriyanqanchöqa allita mana allitapis pasayänaqshi Pablo yanaqinkunawan. Tsëpitanash Roma markachö llawiränaq Pablo. Y yarqunaq ishkë watachöraqshi llawiranqampita, pero yapëshi llawiriyänaq y wanïkatsiyänaq. Y tsënöshi kë QANCHIS kaq Parte willakïchöqa 32 wata pasanaq.
KË KAQ GRÜPU WILLAKÏKUNACHÖ
102 kaq willakï
Jesusqa kawëkanmi
Panteón llawiraq rumita juk angel jorqarishqanchönam, Panteon ririnman täpëkaq soldädokuna rikëkur mantsakayan.
103 kaq willakï
Yëkurin punku wichqarëkaptin
¿Imanirtaq qateqninkuna kawarimushqa Jesusta reqiyantsu?
104 kaq willakï
Jesús kutikun ciëlota
Jesús ciëlota manaraq ewkurmi, qateqninkunata juk precisaqta mandan.
105 kaq willakï
Jerusalenchö shuyaräyan
¿Imanirtaq Jesúsqa llapan qateqninkunaman Teyta Diospa espíritu santonta ramamurqan?
106 kaq willakï
Llawirëkäyanqampita yarquriyan
Mandakoq religiösokunaqa apostolkunata llawiratsiyarqan yachatsikur manana siqiyänampaq, pero Diosqa manam permitintsu.
108 kaq willakï
Damasco markaman nänichö
Ciëlopita huk aktsi y huk vozmi Saulopa kawëninta kambiarin.
109 kaq willakï
Cornelio nunata Pedro watukan
¿Diosqa juk kastapita o juk nacionpita kayanqan rëkurku nunakunata mas allitanö rikan?
110 kaq willakï
Timoteo Pablopa yanapaqnin
Timotëo wayinta haqirïkur Pablowan ëwan willapäkïchö yanapanampaq.
111 kaq willakï
Huk punukakïkoq wambra
Euticom punukärerqan Pablopa punta discursonchömi, pero manam ishkëkaq discursonchöqa. Kë discursocunachö pasakunqanqa juk milagrom karqan.
112 kaq willakï
Huk islachö salvakuyashqa
Kawëtapis manana pensëkäyäptimptinmi, Pabloqa Diospita huk alli willakïta chaskirin.