1 willakï

1. ¿Mëpitataq kë llapan allikuna noqantsikpaq shamushqa? ¿Yarpankiku ima allikuna qomanqantsikta?

2. ¿Imataraq puntata rurarqan Teyta Dios?

3. ¿Imanir-raq alläpa especial karqan kë puntata kamanqan ángel?

4. ¿Imanötaq puntata kë Patsa karqan? (Dibüjota rikärïki.)

5. ¿Imanöraq Teyta Dios qallëkorqan kë Patsata alistarnin llapan nunakunapaq y animalkunapaq?

Wakin tapukïkuna:

1. Leinki Jeremías 10:12.

   Llapan ruranqanta rikarnin, ¿imanö Teyta Dios kanqantataq yachakuntsik? (Is. 40:26; Rom. 11:33.)

2. Leinki Colosenses 1:15-17.

   ¿Imataraq Jesús rurarqan kë llapan rurëchö, y imanötaq tsë musyë yanapamashwan pëta más reqinapaq?

3. Leinki Génesis 1:1-10.

   1. ¿Piraq kë Patsata ruramushqa? (Gén. 1:1.)

   2. ¿Imataq pasarqan qallanan hunaqchö? (Gén. 1:3-5.)

   3. ¿Imataq pasarqan waränin hunaq? (Gén. 1:7, 8.)

2 willakï

1. ¿Imanötaq Teyta Dios alistarqan kë Patsata noqantsikpaq?

2. Teyta Diosqa atska animalkunatam rurarqan. ¿Reqinkiku wakin wakinllatapis? (Dibüjota rikäri.)

3. ¿Imanir-raq hukläya karqan kë Edén huerta?

4. ¿Imanö Patsa kanantaraq Teyta Dios munarqa?

Wakin tapukïkuna:

1. Leinki Génesis 1:11-25.

   1. ¿Imataraq rurarqan Teyta Dios kima kaq hunaqchö? (Gén. 1:12.)

   2. ¿Imataq pasarqan chusku kaq hunaqchö? (Gén. 1:16.)

   3. ¿Ima animalkunataraq Teyta Dios rurarqan pitsqa y hoqta kaq hunaqkunachö? (Gén. 1:20, 21, 25.)

2. Leinki Génesis 2:8, 9.

   ¿Ima especial montikunataraq Teyta Dios kamarqan tsë selläma shumaq huertaman, y imataq significarqan?

3 willakï

1. ¿Imanirtaq hukläya kima willakïpa dibüjon, ishkë willakïpa dibüjompita?

2. ¿Piraq rurarqan punta nunata, y imaraq shutin karqa?

3. ¿Imataraq mandarqan Teyta Dios Adanta?

4. ¿Imapaq-raq pasëpa punukäratserqan Teyta Dios Adanta?

5. ¿Ëka tiempotaq kawayanman karqan Adán y Eva, y ima rurayänantaraq munarqa Jehová?

Wakin tapukïkuna:

1. Leinki Salmo 83:18.

   ¿Imataq Teyta Diospa shutin, y imanö Diostaq pëqa? (Jer. 16:21; Dan. 4:17.)

2. Leinki Génesis 1:26-31.

   1. ¿Imatataq hoqta kaq hunaqchö rurarqan Teyta Dios, y imachötaq hukläya karqan kë ruranqan animalkunapita? (Gén. 1:26.)

   2. ¿Ima mikïtataq qorqan Jehová animalkunata y nunakunata? (Gén. 1:30.)

3. Leinki Génesis 2:7-25.

   1. ¿Imataraq ruranan karqan Adán animalkunata shutin churanampaq? (Gén. 2:19.)

   2. ¿Imanötaq Génesis 2:24 yanapamantsik casado kawëta, rakikëta y divorciakïta imanö Jehová rikanqanta käyinapaq? (Mat. 19:4-6, 9.)

4 willakï

1. Rikärïki dibüjota. ¿Imataq pasëkan Adán y Ëvata?

2. ¿Imanir-raq Jehová castigarqan?

3. ¿Imataq nerqan huk culebra Ëvata?

4. ¿Pitaq parlaratserqa kë culebrata Ëvata parlapänampaq?

5. ¿Imanirtaq Adán y Eva oqrariyarqan tsë selläma shumaq huertachö täräyänanta?

Wakin tapukïkuna:

1. Leinki Génesis 2:16, 17 y 3:1-13, 24.

   1. ¿Imanirtaq ulikïninwan Jehoväta mana allitanö rikätserqan tsë culebra tapukïninwan Ëvata? (Gén. 3:1-5; 1 Juan 5:3.)

   2. ¿Imatataq yachakuntsik Ëvata pasanqampita? (Filip. 4:8; Sant. 1:14, 15; 1 Juan 2:16.)

   3. ¿Imanötaq Adán y Eva mana alli rurayanqampita tsapäkïta munayarqan? (Gén. 3:12, 13.)

   4. ¿Imanötaq kë Edén huertachö këkaq querubinkuna Jehoväpa autoridadninta defendiyarqan? (Gén. 3:24.)

2. Leinki Revelación 12:9.

   ¿Imataraq lograshqa Satanás Teyta Diospa Gobiernompa contran nunakunata churar? (1 Juan 5:19.)

5 willakï

1. ¿Imanötaq Adán y Ëvapa kawëninkuna karqan tsë selläma shumaq Edén huertapita Jehová qarqaramuptin?

2. ¿Imataq pasar qallëkorqan Adán y Ëvata, y imanir?

3. ¿Imanir-raq awkinyarnin wanuyanman karqan, Adán y Ëvapa wambrankuna?

4. Adán y Eva Jehoväta wiyakuyashqa kaptenqa, ¿imanöraq kawayanman karqan pëkuna y wambrankuna?

5. ¿Imanötaq Eva hiparqan mana wiyakushqanchö?

6. ¿Adán y Ëvapa punta kaq wambrankunapa, imaraq shutinkuna karqan?

7. ¿Pikunataq tsë dibüjochö wambrakunaqa kayan?

Wakin tapukïkuna:

1. Leinki Génesis 3:16-23 y 4:1, 2.

   1. ¿Imanötaq Adanpa kawënin karqan tsë maldecishqa patsachö? (Gén. 3:17-19; Rom. 8:20, 22.)

   2. Eva shutiqa “kawëkaq” ninanshi, ¿imanirtaq alli kë shuti karqa Ëvapaq? (Gén. 3:20.)

   3. ¿Imanötaq Jehová ankuparqan Adán y Ëvata hutsata rurayashqa këkäyaptimpis? (Gén. 3:7, 21.)

2. Leinki Revelación 21:3, 4.

   ¿Ima “punta kaqkunataraq” ushakashqatana rikëta munashwan?

6 willakï

1. ¿Imachötaq Cainwan Abel uryar qallëkuyarqan?

2. ¿Ima qarëninraq apayäpun Jehoväpaq Cainwan Abel?

3. ¿Imanir-raq Abelpa qarëninlla gustarqan Jehoväta, y Cainpaqa mana?

4. ¿Imanö nunaraq karqan Caín, y imanöraq Jehová willaparqan?

5. ¿Imataraq Caín rurarqan pampachö wawqinllawan këkarnin?

6. ¿Imataq Cainta pasarqan wawqinta wanuratsiptin?

Wakin tapukïkuna:

1. Leinki Génesis 4:2-26.

   1. ¿Imanötaq Jehová willaparqan Cainta mana allichö këkanqanta? (Gén. 4:7.)

   2. ¿Imanötaq Caín rikakätserqan shonqunchö kanqanta? (Gén. 4:9.)

   3. ¿Imanötaq wanutsikïta Jehová rikan? (Gén. 4:10; Is. 26:21.)

2. Leinki 1 Juan 3:11, 12.

   1. ¿Imanir-raq alläpa piñakurkorqan Caín, imanöraq kë willakï noqantsikta yanapamantsik? (Gén. 4:4, 5; Prov. 14:30; 28:22.)

   2. Kastantsikkunapis chikimantsikmi Teyta Diosta servishqa, pero ¿imanöraq Biblia yanapamantsik alleq tsarakunapaq? (Sal. 27:10; Mat. 10:21, 22.)

3. Leinki Juan 11:25.

   ¿Justiciarëkur wanoqkunataqa, imataraq änin Jehová? (Juan 5:24.)

7 willakï

1. ¿Imachöraq Enoc hukläya karqan?

2. ¿Imanir-raq Enocpa tiemponchö nunakuna imëka mana allitapis rurayarqan?

3. ¿Ima mana allitaraq rurayarqan nunakuna? (Dibüjota rikärïki.)

4. ¿Imanirtaq Enoc valiente kanan karqan?

5. ¿Ëka watayaqraq kawayaq tsë tiempo nunakuna, pero ëka watallaraq kawarqan Enoc?

6. ¿Enoc wanushqanchöna imaraq pasarqan?

Wakin tapukïkuna:

1. Leinki Génesis 5:21-24, 27.

   1. ¿Enoc kuyarqatsuraq Jehoväta? (Gén. 5:24.)

   2. ¿Pï nuna más tiempo kawanqantaraq Bibliachö tarintsik, y ëka watayoqraq wanorqan? (Gén. 5:27.)

2. Leinki Génesis 6:5.

   ¿Enoc wanuriptin imanöraq nunakuna tikrakuriyarqan, y imanöraq igualan kanan tiempontsikkunawan? (2 Tim. 3:13.)

3. Leinki Hebreos 11:5.

   ¿Imanö Enoc kanqantaq “Jehoväpaq alli karqan”, y imanöraq rikarqan? (Gén. 5:22.)

4. Leinki Judas 14, 15.

   ¿Imanöraq Enocpa valiente këninta qatiyanman cristiänokuna Armagedón nishqampaq willapäkoq ëwarnin? (2 Tim. 4:2; Heb. 13:6.)

8 willakï

1. ¿Imaraq pasayarqan Satanasta wiyaq Teyta Diospa angelninkunata?

2. ¿Imanir-raq wakin angelkunaqa Patsaman bajakarayämorqan ciëlochö uryankunata haqirïkur?

3. ¿Imanir-raq alläpa mana alli karqan kë angelkuna Patsaman shamur nuna tikrayanqan?

4. ¿Imakunachöraq tsë angelkunapa tsurinkuna hukläya kayarqan?

5. Kë dibüjochö rikanqëkinöpis, ¿imataraq rurayarqan hatusaq tikrarir kë angelkunapa tsurinkuna?

6. Enoc wanushqanchöna, ¿pï alli nunaraq kawarqan kë Patsachö, y imanir-raq Teyta Dios kuyarqa?

Wakin tapukïkuna:

1. Leinki Génesis 6:1-8.

   ¿Imanöraq Jehová rikan llapan rurënintsikta, Génesis 6:6 nenqannö? (Sal. 78:40, 41; Prov. 27:11.)

2. Leinki Judas 6.

   ¿Imata yarpänapaqraq yanapamantsik tsë “mana alli angelkuna rurayanqan”? (1 Cor. 3:5-9; 2 Ped. 2:4, 9, 10.)

9 willakï

1. ¿Ëkaqtaq kayarqan Noëpa familianchö, y imaraq tsurinkunapa shutinkuna karqan?

2. ¿Ima mana imëpis rurashqantaraq Teyta Dios nerqan Noëta ruranampaq, y imanir?

3. ¿Noé arcapita parlaptin, imaraq niyarqan vecïnonkuna?

4. ¿Animalkunawan imata ruranki nerqaraq Teyta Dios Noëta?

5. Arcapa punkunta Teyta Dios llawirkuptin, ¿imataraq Noé rurarqan familianwan?

Wakin tapukïkuna:

1. Leinki Génesis 6:9-22.

   1. ¿Imanö Noëpa kënintaq rikätsimantsik Teyta Diospa sirveqnin kanqanta? (Gén. 6:9, 22.)

   2. ¿Imataq Jehová nin kë llapan mana allikunapita, y imanötaq yanapamashwan llapan rikanqantsikta y ruranqantsikta alli akranapaq? (Gén. 6:11, 12; Sal. 11:5.)

   3. ¿Imanötaq Jehoväpa organizacionnimpita yachatsikïkunata chaskirnin Noënö kashwan? (Gén. 6:22; 1 Juan 5:3.)

2. Leinki Génesis 7:1-9.

   ¿Imanötaq imperfecto këkaptimpis Noëta Jehová justo nenqan, noqantsikta yanapamantsik? (Gén. 7:1; Prov. 10:16; Is. 26:7.)

10 willakï

1. ¿Imanir-raq wamayëpaq tamyar qallëkuptin mana ni pï arcaman yëkïta puëderqanatsu?

2. ¿Ëka hunaq y ëka ampitaq Jehová tamyëkatsimorqan, y mëyaqtaq yaku charqan?

3. ¿Imaraq pasarqan yaku Patsata tsapar qallëkuptin arcawan?

4. ¿Wamayëpaq Tamyachö hatusaq nunakuna kawëkäyarqatsuraq? ¿Imaraq pasarqan papäninkunata?

5. ¿Pitsqa killa pasariptin imataq pasarqan arcawan?

6. ¿Imanir-raq Noé huk yana pishquta kacharerqan arcapita?

7. ¿Imanöraq Noé musyarqan yaku bajarishqanta?

8. Huk watapitapis masna Noé familianwan arcachö këkäyaptin, ¿imaraq nerqan Teyta Dios?

Wakin tapukïkuna:

1. Leinki Génesis 7:10-24.

   1. ¿Imakunatayanraq ushakätserqan tsë Wamayëpaq Tamya? (Gén. 7:23.)

   2. ¿Ëka tiempotaraqtaq bajarqan tsë Diluvio yaku? (Gén. 7:24.)

2. Leinki Génesis 8:1-17.

   Génesis 8:17 Jehová Patsapaq munanqan, ¿cambiashqatsuraq? (Gén. 1:22.)

3. Leinki 1 Pedro 3:19, 20.

   1. ¿Ima condënataraq chaskiyarqan Jehoväpita mana alli angelkuna ciëloman kutirirnin? (Jud. 6.)

   2. Noëtawan familianta Jehová salvanqan, ¿imanötaq noqantsikta yanapamantsik pë salvamänantsikta markäkunapaq? (2 Ped. 2:9.)

11 willakï

1. Dibüjochö rikanqëkinö, ¿imataraq puntata rurarqan Noé arcapita yarqurir?

2. ¿Imataraq mandarqan Teyta Dios, Noëta familiantawan Diluvio pasariptin?

3. ¿Imataraq änikorqan Teyta Dios?

4. Tormanyëta rikarnin, ¿imataraq yarpashwan?

Wakin tapukïkuna:

1. Leinki Génesis 8:18-22.

   1. ¿“Hamakïpaqnölla pukutaq” Jehoväman chärinampaq, imataraq kanan rurashwan? (Gén. 8:21; Heb. 13:15, 16.)

   2. ¿Nunapa shonqumpita imaraq nerqan Jehová, y imakunapitaraq cuidakushwan? (Gén. 8:21; Mat. 15:18, 19.)

2. Leinki Génesis 9:9-17.

   1. ¿Imataraq llapan Patsachö kawaqkunata änerqan Jehová? (Gén. 9:10, 11.)

   2. ¿Tormanyë señalwan änikïnin imëyaqraq kanqa? (Gén. 9:16.)

12 willakï

1. ¿Piraq Nemrod karqan, y imaraq pëpita Teyta Dios nerqan?

2. ¿Imanirtaq dibüjochö nunakuna ladrïllokunata rurëkäyan?

3. ¿Imanir-raq kë rurëkäyanqan, Jehová Diosta gustarqatsu?

4. ¿Imanöraq kë torre rurëkäyanqanta Teyta Dios päraratserqan?

5. ¿Imaraq tsë markapa shutin karqan, y ima ninanraq tsë shutiqa?

6. ¿Imataraq nunakuna rurayarqan, Teyta Dios hukläya idiömakunata parlaratsiptin?

Wakin tapukïkuna:

1. Leinki Génesis 10:1, 8-10.

   ¿Imanö nunaraq karqan Nemrod y imataraq Biblia willapämantsik? (Prov. 3:31.)

2. Leinki Génesis 11:1-9.

   ¿Tsë törreta imarëkur-raq rurayarqan, y imanirtaq ushayarqantsu? (Gén. 11:4; Prov. 16:18; Juan 5:44.)

13 willakï

1. ¿Ur markachöqa imanö nunakunaraq täräyarqan?

2. ¿Pitaq tsë dibüjochö nuna? ¿Imëraq yurerqan? ¿Mëchöraq tärarqan?

3. ¿Imataraq Abrahanta Teyta Dios mandarqan?

4. ¿Imanir-raq Abrahanta Teyta Diospa amïgon niyarqan?

5. ¿Piraq Ur markapita Abrahán ewkuptin yanaqarqan?

6. ¿Canaán markaman chäriptin imaraq nerqan Teyta Dios Abrahanta?

7. ¿Abrahán 99 watayoq këkaptin imataraq änerqan Teyta Dios?

Wakin tapukïkuna:

1. Leinki Génesis 11:27-32.

   1. ¿Lotqa Abrahanpa imanraq karqan? (Gén. 11:27.)

   2. Taré familianta pusharkur Canaanta yarqushqa kaptimpis, ¿imanöpataq musyantsik Abrahán rasumpëpa pushaqninkuna kanqanta y imanir-raq tsënö rurarqan? (Gén. 11:31; Hech. 7:2-4.)

2. Leinki Génesis 12:1-7.

   ¿Imanöraq Canaán markaman chäriptin, Jehová Abrahán änenqanta más hatunyäratserqa? (Gén. 12:7.)

3. Leinki Génesis 17:1-8, 15-17.

   1. ¿Abrán 99 watayoq këkarnin imamanraq shutinta cambiayarqan, y imanir-raq? (Gén. 17:5.)

   2. ¿Ima bendicionkunatataq änerqan Jehová Särata? (Gén. 17:15, 16.)

4. Leinki Génesis 18:9-19.

   1. ¿Génesis 18:19 textochö ima yachatsikïkunataq kan papäkunapaq? (Deut. 6:6, 7; Efes. 6:4.)

   2. ¿Särapa kawëninchö ima pasanqantaq rikätsimantsik Teyta Diospita mana imatapis pakëta puëdenqantsikta? (Gén. 18:12, 15; Sal. 44:21.)

14 willakï

1. ¿Imataraq änerqan Teyta Dios Abrahanta, y imanöraq cumplerqa?

2. Kë dibüjochö rikanqëkinö, ¿imanöraq Teyta Dios probarqan Abrahanpa fëninta?

3. Teyta Dios mandanqanta mana käyirpis, ¿imataraq rurarqa Abrahán?

4. ¿Imaraq pasarqan, tsurinta wanutsinampaq Abrahán cuchïllota horqëkaptin?

5. ¿Atskatsuraq Abrahanpa fënin karqan Teyta Diosman?

6. ¿Sacrificiota ruranampaq imataraq qorqan Teyta Dios Abrahanta, y imanö?

Wakin tapukïkuna:

1. Leinki Génesis 21:1-7.

   ¿Imanirtaq puwaq hunaqchö Abrahán circuncidarqan tsurinta? (Gén. 17:10-12; 21:4.)

2. Leinki Génesis 22:1-18.

   ¿Imanöraq Isaac papänin Abrahanta wiyakoq kanqanta rikätsikorqan, y imanöraq kë rikätsimantsik shamoq tiempochö imata representanqantapis? (Gén. 22:7-9; 1 Cor. 5:7; Filip. 2:8, 9.)

15 willakï

1. ¿Imanirtaq rakikäkuriyarqan Abrahanwan Lot?

2. ¿Imanirtaq Lot Sodömachö täränampaq akrarqan?

3. ¿Sodömachö täraq nunakuna imanöraq kayarqan?

4. ¿Imataraq willayarqan Lotta tsë ishkë angelkuna?

5. ¿Imanir-raq kachi rumi tikrarerqan Lotpa warmin?

6. ¿Imataraq yachakuntsik Lotpa warminta pasanqampita?

Wakin tapukïkuna:

1. Leinki Génesis 13:5-13.

   ¿Imataraq yachakuntsik Abrahanpita, piwampis piñätsinakïkunata altsanapaq? (Gén. 13:8, 9; Rom. 12:10; Filip. 2:3, 4.)

2. Leinki Génesis 18:20-33.

   Jehoväwan Abrahán parlayanqampita yachakurnin, ¿imanirtaq markäkushwan Jehová y Jesucristo alli justo juicionchö kayänanta? (Gén. 18:25, 26; Mat. 25:31-33.)

3. Leinki Génesis 19:1-29.

   1. Kë Bibliachö nenqannö, ¿imanötaq Teyta Dios rikan ollqupura pununakoqkunata? (Gén. 19:5, 13; Lev. 20:13.)

   2. ¿Imanirtaq hukläya karqan Lot y Abrahán Teyta Diosta wiyakïninkuna, y imataraq tsëpita yachakuntsik? (Gén. 19:15, 16, 19, 20; 22:3.)

4. Leinki Lucas 17:28-32.

   ¿Imanötaq Lotpa warmin rikarqan imëkayoqpis këta y imanötaq noqantsikta kë yanapamantsik? (Luc. 12:15; 17:31, 32; Mat. 6:19-21, 25.)

5. Leinki 2 Pedro 2:6-8.

   ¿Lotnötsuraq noqantsikpis rikashwan kanan tiempo mana alli rurëkunata? (Ezeq. 9:4; 1 Juan 2:15-17.)

16 willakï

1. ¿Pikunaraq kayan kë dibüjochö warmiwan ollqu këkaqkuna?

2. ¿Imataraq Abrahán rurarqan tsurin Isaacpaq warmin ashipunampaq, y imanir?

3. ¿Imanöraq Abrahanpa sirveqnin mañakonqanta Teyta Dios contestarqan?

4. ¿Imanöraq yaskerqan Rebeca, ‘Isaacwan casakïta munankiku’ nishpa tapuyaptin?

5. ¿Isaacta imaraq yapë kushiratserqan?

Wakin tapukïkuna:

1. Leinki Génesis 24:1-67.

   1. ¿Abrahanpa sirveqninwan pözochö toparir imanö kënintaraq rikätserqan Rebeca? (Gén. 24:17-20; Prov. 31:17, 31.)

   2. ¿Abrahán Isaacpaq ruranqampita kanan cristiänokuna, imataraq yachakuntsik? (Gén. 24:37, 38; 1 Cor. 7:39; 2 Cor. 6:14.)

   3. ¿Imanirtaq tiempota tarishwan Isaacnö yarpakachänapaq? (Gén. 24:63; Sal. 77:12; Filip. 4:8.)

17 willakï

1. ¿Pikunaraq kayarqan Esaüwan Jacob, y imachöraq hukläya kayarqan?

2. ¿Abuelïton Abrahán wanuriptin ëka watayoqraq kayarqan Esaüwan Jacob?

3. ¿Esaüpa ima rurëninraq papäninkunata llakitserqan?

4. ¿Imanirtaq Esaú, wawqin Jacobwan piñakurkorqan?

5. ¿Imataraq mandarqan Isaac tsurin Jacobta?

Wakin tapukïkuna:

1. Leinki Génesis 25:5-11, 20-34.

   1. ¿Rebëcapa ishkan wawankuna manaraq yuriyaptin, imaraq nerqan Jehová pëkunapita? (Gén. 25:23.)

   2. ¿Jacobwan Esaú imanöraq hukläyapa rikäyarqan mayor këta? (Gén. 25:31-34.)

2. Leinki Génesis 26:34, 35; 27:1-46 y 28:1-5.

   1. ¿Imanötaq rikätsikorqan Esaú espiritual kaq, mana pëpaq importante kanqanta? (Gén. 26:34, 35; 27:46.)

   2. Jacob, Teyta Diospa bendicionninta chaskinampaq, ¿imata ruranampaqraq nerqan Isaac? (Gén. 28:1-4.)

3. Leinki Hebreos 12:16, 17.

   ¿Esaüpita yachakonqantsiknö, imaraq pasan llapan espiritual kaqta despreciaqkunata?

18 willakï

1. ¿Piraq dibüjochö këkaq shipash, y imataraq rurarqan Jacob pëpaq?

2. ¿Raquelwan casakunanrëkur, imakunata ruranampaqraq listo karqan Jacob?

3. ¿Jacobwan Raquel casakuyänan tiempo chäriptin, imataraq rurarqan Labán?

4. ¿Raquelwanna casakunampaq, imataraq rurarqan Jacob?

Wakin tapukïkuna:

1. Leinki Génesis 29:1-30.

   1. Labán pantatsishqa kaptimpis, ¿imanöraq respetuoso nuna kanqanta Jacob rikarätserqan, y tsëpita imataraq yachakushwan? (Gén. 25:27; 29:26-28; Mat. 5:37.)

   2. ¿Imanötaq rikätsimantsik Jacobpa ejemplon kuyakïwan capricho hukläya kayanqanta? (Gén. 29:18, 20, 30; Cant. de Cant. 8:6.)

   3. ¿Mëqan warmikunayanraq, Jacobpa tsurinkunapa mamankuna kayarqan? (Gén. 29:23, 24, 28, 29.)

19 willakï

1. Jacobpa punta warmin Lëapitaqa hoqtash tsurinkuna yurinaq, ¿imayanraq shutinkuna karqan?

2. ¿Lëapa sirveqnin Zilpachö yureq Jacobpa ishkë tsurinkuna, mëqanyanraq kayarqan?

3. ¿Raquelpa sirveqnin Bilhächö yureq Jacobpa ishkë tsurinkuna, mëqanyanraq kayarqan?

4. ¿Mëqanyanraq kayarqan Raquelpa ishkan wawankuna, pero tutu wawan yuririptin imaraq pasarqan?

5. Kë dibüjochö rikanqëkinö, ¿ëkaqraq Jacobpa tsurinkuna kayarqan, y ima nacionraq tikrayarqan?

Wakin tapukïkuna:

1. Leinki Génesis 29:32-35; 30:1-26 y 35:16-19.

   Jacobpa chunka ishkë tsurinkunachö rikanqantsiknö, ¿unë tiempo hebreo wambrakunapa shutinkuna, imanöraq churayarqan?

2. Leinki Génesis 37:35.

   Dïnallapaq Biblia parlaptimpis, ¿imanöpataq musyantsik Jacobpa más warmi tsurinkuna kanqanta? (Gén. 37:34, 35.)

20 willakï

1. ¿Imanir-raq Canaán markapita warmikunawan tsurinkuna casakuyänanta munayarqatsu Abrahanwan Isaac?

2. ¿Cananea shipashkunawan, warmi tsurin Dina yanasakunanta munarqatsuraq Jacob?

3. ¿Piraq tsë dibüjochö Dïnata rikarëkaq nuna, y ima mana allitaraq rurarqan?

4. ¿Imataraq rurayarqan Simeonwan Leví (Dïnapa turinkuna) llapan pasanqanta musyarirnin?

5. ¿Simeonwan Leví rurayanqan gustarqatsuraq Jacobta?

6. ¿Imanöraq kë familiapa sasa kawëninkuna qallëkorqan?

Wakin tapukïkuna:

1. Leinki Génesis 34:1-31.

   1. ¿Dïnaqa Canaán shipashkuna watukaq ëwashqa karqan huk kutillaraqtsuraq? Mä explicarami (Gén. 34:1).

   2. ¿Imanir-raq virgen këninta oqranampaq kikin Dina culpayoq karqan? (Gál. 6:7.)

   3. ¿Dïnata pasanqampita imataraq yachakuyanman kanan jövenkuna? (Prov. 13:20; 1 Cor. 15:33; 1 Juan 5:19.)

21 willakï

1. ¿Imanir-raq Josëta wawqinkuna chikiyarqan, y imanëkuyarqaraq?

2. ¿Josëta wawqinkuna imanëkïtaraq munayarqan, pero Rubén imaraq nerqan?

3. ¿Ismaelïtakuna chäriyaptin imaraq pasarqan?

4. ¿Imataraq rurayarqan Josëpa wawqinkuna wanushqam pëqa nishpa papäninta creitsiyänanrëkur?

Wakin tapukïkuna:

1. Leinki Génesis 37:1-35.

   1. ¿Imataraq Josënö kaq huk cristiano ruranman congregacionchö hutsakunata rurayaptin? (Gén. 37:2; Lev. 5:1; 1 Cor. 1:11.)

   2. ¿Imanir-raq wawqinkuna Josëta traicionayarqan? (Gén. 37:11, 18; Prov. 27:4; Sant. 3:14-16.)

   3. ¿Wanupukurnin ima Jacob ruranqantaq mana penqakïpaqtsu? (Gén. 37:35.)

22 willakï

1. ¿Ëka watayoqraq karqan José Egiptota apakuyaptin, y imaraq tsëchö pasarqan?

2. ¿Imanirtaq José llawiran carcelchö?

3. ¿Carcelchö imaraq churariyan Josëta?

4. ¿Carcelchö José këkarnin, imataraq ruran Faraonpa vino sirveqnin y tanta masaqnimpaq?

5. ¿Imaraq pasan Faraonpa vino sirveqninta carcelpita horqariyaptin?

Wakin tapukïkuna:

1. Leinki Génesis 39:1-23.

   Josëpa tiemponchöqa manash kanaqtsu ni ima ley mana majankunawan punukïkïpaq claro willakoq tsëpenqa, ¿imanir-raq safakorqan Potifarpa warmimpita? (Gén. 2:24; 20:3; 39:9.)

2. Leinki Génesis 40:1-23.

   1. ¿Imataraq Faraonpa vino sirveqnin suëñokorqan y imaraq nerqan José Jehoväpa yanapëninwan? (Gén. 40:9-13.)

   2. ¿Imataraq suëñokorqan Faraonpa tanta ruraqnin y imaraq significarqan? (Gén. 40:16-19.)

   3. ¿Imanötaq kanan esclavo fiel y discreto kaq José ruranqanta qatiyan? (Gén. 40:8; Sal. 36:9; Juan 17:17; Hech. 17:2, 3.)

   4. ¿Génesis 40:20 imanötaq yachatsimantsik Biblia nenqan cumpleäñokuna rurëpita? (Ecl. 7:1; Mar. 6:21-28.)

23 willakï

1. ¿Imataq Faraonta huk ampi pasan?

2. ¿Imanir-raq al fin yarpärin Josëta Faraonpa tanta ruraqnin?

3. Kë dibüjochö rikanqëkinö, ¿Faraón ima ishkë suëñokunataraq suëñokun?

4. ¿Ima tsë suëñokuna significanqantaraq nin José?

5. ¿Imanöraq José Egiptochö más importante nuna tikrarerqa?

6. ¿Imanir-raq Josëpa wawqinkuna ëwayan Egiptota, y imanir-raq reqiyantsu?

7. ¿Ima suëñïnintaraq José yarpärin, imataraq kë käyiratsin?

Wakin tapukïkuna:

1. Leinki Génesis 41:1-57.

   1. ¿Imanöraq Jehovärëkurmi nerqa llapantapis José y imataraq kanan cristiänokuna këpita yachakuyanman? (Gén. 41:16, 25, 28; Mat. 5:16; 1 Ped. 2:12.)

   2. ¿Imanötaq Egiptochö atska mikï kanqan rikätsimantsik, Jehoväpa markan espiritualmente hukläya wakin mana alli religionkunapita kanqanta? (Gén. 41:29, 30; Amós 8:11, 12.)

2. Leinki Génesis 42:1-8 y 50:20.

   ¿Allitsuraq huk Jehová sirveq qonqurikunman respetakur huk alli respetashqa autoridadman, tsënö tsë nacionchö costumbrenkuna kaptenqa? (Gén. 42:6.)

24 willakï

1. ¿Imanir-raq, ‘musyapakoqkunam qamkuna kayanki,’ nishpa nerqan José wawqinkunata?

2. ¿Imanir-raq Egiptota, tutu tsurin Benjaminta apayänanta haqirin Jacob?

3. ¿Imanöraq Benjaminpa costalninchö yuririn Josëpa qellëpita cöpan?

4. ¿Benjaminta haqiriyänampaq, ima rurëtaraq munan Judá?

5. ¿Imachöraq Josëpa wawqinkuna hukläyana kayan?

Wakin tapukïkuna:

1. Leinki Génesis 42:9-38.

   ¿Imanir-raq Génesis 42:18 José nenqan alli yarpätsikï, kanan tiempo Jehoväpa organizacionninchö dirigeqkunapaq? (Neh. 5:15; 2 Cor. 7:1, 2.)

2. Leinki Génesis 43:1-34.

   1. Mayor tsuri Rubén kashqa kaptimpis, ¿imanötaq claro rikakun llapan wawqinkunapa representanten Judá kanqan? (Gén. 43:3, 8, 9; 44:14, 18; 1 Crón. 5:2.)

   2. ¿Imanöraq wawqinkunata José pruëbaman churarqa, y imanir? (Gén. 43:33, 34.)

3. Leinki Génesis 44:1-34.

   1. Wawqinkuna mana reqiyänanrëkur, ¿ima tukorqaraq José? (Gén. 44:5, 15; Lev. 19:26.)

   2. ¿Imanöraq manana puntanö envidioso kayanqanta rikätsiyarqan Josëpa wawqinkuna? (Gén. 44:13, 33, 34.)

25 willakï

1. ¿Imaraq pasan wawqikikikuna Josëmi kä niptin?

2. ¿Imataraq kuyakïllawan wawqinkunata käyitsin José?

3. ¿Imaraq Josëpa wawqinkunapita wiyarir nin Faraón?

4. ¿Ichikllatsuraq kayarqan Egiptoman ewkurnin Jacobpa familian?

5. ¿Imanöraq Jacobpa familianta reqiyarqa, y imanir?

Wakin tapukïkuna:

1. Leinki Génesis 45:1-28.

   Qallananchö hipakïpaqnö kashqa kaptimpis, ¿imanöraq rikätsimantsik José pasanqan Jehová munanqannö imatapis tumaritsinanta? (Gén. 45:5-8; Is. 8:10; Filip. 1:12-14.)

2. Leinki Génesis 46:1-27.

   ¿Egiptota Jacob ewkuptin imanöraq yanaparqan Jehová? (Gén. 46:1-4, nota.)

26 willakï

1. ¿Piraq karqa Job?

2. ¿Satanás ima rurëtaraq tïrarqan? ¿Lograrqatsuraq?

3. ¿Ima Satanás ruranantaraq Jehová permiterqa, y imanir?

4. ¿Imanir-raq “wanukïki hukllana Diosta maldecïkur” nerqan warmin Jobta? (Rikë dibüjota.)

5. Huknin dibüjochö rikanqëkinö, ¿imanöraq Jobta Jehová bendecirqa, y imanir?

6. Jobnö Jehoväman fiel karqa, ¿ima bendicionkunataraq chaskishun?

Wakin tapukïkuna:

1. Leinki Job 1:1-22.

   ¿Imataraq kanan tiempo cristiänokuna yachakuyan Jobpita? (Job 1:1; Filip. 2:15; 2 Ped. 3:14.)

2. Leinki Job 2:1-13.

   ¿Satanás pruëbaman churaptin, imanö hukläyaparaq reaccionäyarqan Job warminwan? (Job 2:9, 10; Prov. 19:3; Miq. 7:7; Mal. 3:14.)

3. Leinki Job 42:10-17.

   1. ¿Imachöraq Job bendicionta chaskenqan parecin Jesús fiel këninwan bendición chaskenqanman? (Job 42:12; Filip. 2:9-11.)

   2. ¿Job fiel këninwan bendicionkunata chaskenqan, imanöraq noqantsikta yanapamantsik? (Job 42:10, 12; Heb. 6:10; Sant. 1:2-4, 12; 5:11.)

27 willakï

1. ¿Piraq tsë dibüjochö lätigoyoq nuna, y pitaraq maqëkan?

2. ¿Imaraq pasarqa José wanuriptin israelïtakunata?

3. ¿Imanir-raq israelïtakunata mantsakurkuyarqan egipciokuna?

4. ¿Imataraq Faraón mandarqan israelita warmikuna yanapaq partërakunata?

Wakin tapukïkuna:

1. Leinki Éxodo 1:6-22.

   1. ¿Imanöparaq Jehová cumplir qallëkorqan Abrahán änenqanta? (Éx. 1:7; Gén. 12:2; Hech. 7:17.)

   2. ¿Imanöraq partërakuna respetayarqan kawëta? (Éx. 1:17; Gén. 9:6.)

   3. ¿Imanöraq bendecirqan Jehová partërakunata, allita rurayanqampita? (Éx. 1:20, 21; Prov. 19:17.)

   4. ¿Jehová Abrahanta änenqan mana cumplikänanta munar, imataraq rurëta munarqan Satanás familianwan? (Éx. 1:22; Mat. 2:16.)

28 willakï

1. ¿Piraq dibüjochö këkaq llullu, y pipa makintaraq tsararëkan?

2. ¿Imataraq rurarqan Moisespa mamänin llullunta mana wanutsiyänampaq?

3. ¿Piraq kë dibüjochö këkaq warmi wambra, y imataraq rurarqan?

4. Faraonpa tsurin llulluta tarikurirnin, ¿imaraq nerqan Miriamta?

5. ¿Imaraq nerqan Faraonpa tsurin princësaqa Moisespa mamäninta?

Wakin tapukï:

1. Leinki Éxodo 2:1-10.

   ¿Imanöraq llullu kanqampita mamänin Moisesta yachatserqan Jehoväta reqinampaq, y imanötaq kë huk ejemplo llapan tsuriyoqkunapaq? (Éx. 2:9, 10; Deut. 6:6-9; Prov. 22:6; Efes. 6:4; 2 Tim. 3:15.)

29 willakï

1. ¿Mëchöraq Moisesta wätayarqan, pero papäninkunapita imataraq musyarqan?

2. ¿Imataraq rurarqan Moisés 40 watayoq këkarnin?

3. ¿Imaraq nerqan Moisés israelita mayin maqaq nunata, y imaraq nerqan tsë nuna?

4. ¿Egiptopita imanir-raq safakorqan Moisés?

5. ¿Mëtaraq safakorqan Moisés y pitaraq reqerqan tsëchö?

6. ¿Imataraq rurarqan Moisés 40 watayaq?

Wakin tapukïkuna:

1. Leinki Éxodo 2:11-25.

   Egipto nacionchö alli yachatsiyashqa kaptimpis, ¿imanöraq Moisés rikätsikorqan Jehoväta y Israel markanta kuyanqanta? (Éx. 2:11, 12; Heb. 11:24.)

2. Leinki Hechos 7:22-29.

   ¿Imataraq yachakuntsik Moisés Egipto naciompita hapallanlla israelïtakunata salvëta munanqampita? (Hech. 7:23-25; 1 Ped. 5:6, 10.)

30 willakï

1. ¿Imataq shutin kë dibüjochö këkaq hirkapa?

2. ¿Ima, mana imëpis rikashqantanöraq rikärerqan Moisés üshankuna mitsikïkanqan hirkachö?

3. ¿Tsë rawrëkaq montipita patsë, imataraq wiyarqa Moisés, y piparaq tsë voznin karqa?

4. ¿‘Egiptopita markäta horqami’, nishpa Teyta Dios mandaptin, imaraq nerqa Moisés?

5. ¿Pitaq kachamushorqonki nishpa tapuyaptin, imanö yaskinki nerqaraq Teyta Dios Moisesta?

6. ¿Teyta Dios kachanqanta imanöraq Moisés probanman karqan?

Wakin tapukïkuna:

1. Leinki Éxodo 3:1-22.

   ¿Imanöraq yanapamantsik Moisesta pasanqan, congregacionchö ruranantsikkunata mana rurëta puëdeqnö kashqa? (Éx. 3:11, 13; 2 Cor. 3:5, 6.)

2. Leinki Éxodo 4:1-20.

   1. ¿Congregacionchö privilegioyoq këta munaqkunata, imanöraq yanapan Moisés Madián markachö 40 wata tärarnin cambianqan? (Éx. 2:11, 12; 4:10, 13; Miq. 6:8; 1 Tim. 3:1, 6, 10.)

   2. Organizacionninchö Jehová disciplinämashqapis, ¿imanöraq Moisespa ejemplon yanapamantsik? (Éx. 4:12-14; Sal. 103:14; Heb. 12:4-11.)

31 willakï

1. ¿Moiseswan Aarón milagrota rurayanqan imanöraq israelïtakunata yanaparqan?

2. ¿Imaraq Faraonta Moiseswan Aarón niyarqan, y ima nishparaq Faraón yaskerqan?

3. Kë dibüjochö rikëkanqëkinö, ¿imaraq pasarqan Aarón shukshunta patsaman churariptin?

4. ¿Imataraq Faraonta yachatserqan Jehová, y imanöraq reaccionarqan Faraón?

5. ¿Chunka kaq castïgopitaqa imaraq pasarqan?

Wakin tapukïkuna:

1. Leinki Éxodo 4:27-31 y 5:1-23.

   ¿“Manam Jehoväta reqïtsu nirnin,” ima nitaraq munarqan Faraón? (Éx. 5:2; 1 Sam. 2:12; Rom. 1:21.)

2. Leinki Éxodo 6:1-13, 26-30.

   1. ¿Imachötaq Abrahán, Isaac y Jacob Jehoväta reqiyarqatsu? (Éx. 3:13, 14; 6:3; Gén. 12:8.)

   2. ¿Imatataq yachakuntsik kë rurëta manam puëdëtsu nikaptimpis Moisesta Jehová inshenqampita? (Éx. 6:12, 30; Luc. 21:13-15.)

3. Leinki Éxodo 7:1-13.

   1. Jehoväpa juicionta Moiseswan Aarón mana mantsakushpa Faraonta willayanqampita, ¿imataraq kanan cristiänokuna yachakuntsik? (Éx. 7:2, 3, 6; Hech. 4:29-31.)

   2. ¿Imanöraq egipciokunapa diosninkunapitapis más puëdeq kanqanta rikätserqa Jehová? (Éx. 7:12; 1 Crón. 29:12.)

32 willakï

1. Dibüjokunata rikar rikar, ¿mëqanyanraq Jehová Egiptoman kima punta kaq castïgokuna kachanqan karqa?

2. ¿Wakin castïgokunawan igualarqatsuraq punta kima kaq castïgokuna?

3. ¿Mëqanyanraq kayarqan chusku, pitsqa, y hoqta kaq castïgokuna?

4. ¿Mëqanyanraq kayarqan qanchis, puwaq, y isqon castïgokuna?

5. ¿Chunka kaq castïgokuna manaraq kaptin, imata rurayänampaqraq nerqan Jehová israelïtakunata?

6. ¿Imaraq karqan chunka kaq castigo, y tsëpitaqa imaraq pasarqan?

Wakin tapukïkuna:

1. Leinki Éxodo 7:19–8:23.

   1. Faraonpa yachaqninkuna, Jehoväpa punta kaq castïgonkunatanö rurashqa karpis, ¿kima kaq castigo pasariptenqa imaraq niyarqan? (Éx. 8:18, 19; Mat. 12:24-28.)

   2. “Gran tribulación” këllachöna këkaptin, ¿imanöraq chusku kaq castigo yachatsimarqontsik Jehová markan cuidanqanta? (Éx. 8:22, 23; Rev. 7:13, 14; 2 Crón. 16:9.)

2. Leinki Éxodo 8:24; 9:3, 6, 10, 11, 14, 16, 23-25 y 10:13-15, 21-23.

   1. Tsë chunka castïgokunawanshi rikakunaq ishkë clase nunakuna, ¿mëqanyanraq kayarqan?, ¿imanöraq kanan pensantsik tsë religiösokunapita y polïticokunapita? (Éx. 8:10, 18, 19; 9:14.)

   2. ¿Imanir Satanasta Jehová kananyaq kawanampaq permitenqantaraq käyitsimantsik Éxodo 9:16? (Rom. 9:21, 22.)

3. Leinki Éxodo 12:21-32.

   ¿Imanöpataq atskaq salvakuyänanta permiterqa tsë Pascua nishqan fiesta, y imataraq rikätsikorqan? (Éx. 12:21-23; Juan 1:29; Rom. 5:18, 19, 21; 1 Cor. 5:7.)

33 willakï

1. ¿Pikunayanraq Egiptopita israelïtakunawan ewkuyarqan, y ëkaqraq kayarqa ollqukuna?

2. ¿Israelïtakuna ewkuyänanta haqirïkur, imanönaraq Faraón pensakurkorqa, y imataraq tsëpita rurarqa?

3. ¿Imataraq rurarqan Jehová, egipciokuna israelïtakunata mana wanutsiyänampaq?

4. ¿Puka lamarman Moisés shukshunta makyariptin imaraq pasarqan, y israelïtakuna imataraq rurayarqan?

5. ¿Israelïtakunapa qepanta lamarman yëkuyanqanchö imaraq pasarqan egipciokunata?

6. ¿Imanöraq israelïtakuna Jehová Diosta agradecikuyarqa salvanqampita?

Wakin tapukïkuna:

1. Leinki Éxodo 12:33-36.

   Egiptochö esclavo kayanqampita horqarir, ¿imanöraq Jehová bendicerqa israelïtakunata? (Éx. 3:21, 22; 12:35, 36.)

2. Leinki Éxodo 14:1-31.

   Armagedón këllachöna këkaptin, ¿imanöraq yanapamantsik Éxodo 14:13, 14 Moisés nenqan? (2 Crón. 20:17; Sal. 91:8.)

3. Leinki Éxodo 15:1-8, 20, 21.

   1. ¿Imanir-raq Jehoväpaq alabanzata cantayäpunman llapan sirveqninkuna? (Éx. 15:1, 2; Sal. 105:2, 3; Rev. 15:3, 4.)

   2. Puka lamarta tsimparirnin Miriamwan wakin warmikuna cantayanqan, ¿imataraq kanan cristiänakunata yachatsin? (Éx. 15:20, 21; Sal. 68:11.)

34 willakï

1. ¿Dibüjochö rikanqëki nunakuna, imataraq ëllïkäyan y imaraq shutin?

2. ¿Imanö manäta ëlluyänampaqraq mandarqan israelïtakunata Moisés?

3. ¿Hoqta kaq hunaqchö, imata rurayänampaqraq Jehová nerqan, y imanir?

4. ¿Qanchis hunaqyaq manäta guardayaptin ima milagrotaraq rurarqan Jehová?

5. ¿Ëka tiempotaq manäta mikurlla kayarqan israelïtakuna?

Wakin tapukïkuna:

1. Leinki Éxodo 16:1-36 y Números 11:7-9.

   1. ¿Imanötaq Éxodo 16:8 congregacionkunachö nombramientokunata respetanapaq rikätsimantsik? (Heb. 13:17.)

   2. ¿Imanöpataq Jehová Diosllawan israelïtakuna desiertochö kawayanqanta yarpätsiyarqan cada hunaq? (Éx. 16:14-16, 35; Deut. 8:2, 3.)

   3. ¿Ima maná significan nerqaraq Jesús, y tsë “ciëlopita tanta” imanöraq yanapamantsik? (Juan 6:31-35, 40.)

2. Leinki Josué 5:10-12.

   ¿Ëka wataraq israelïtakuna mikuyarqan manäta, y imataraq këpita yachakuntsik? (Éx. 16:35; Núm. 11:4-6; 1 Cor. 10:10, 11.)

35 willakï

1. Egiptopita ishkë killa yarquyanqampita pasariptin, ¿mëchöraq tärar qallëkuyarqan?

2. ¿Imata rurayänampaqraq nerqan Jehová israelïtakunata, y imataq niyarqan pëkuna?

3. ¿Ishkë palta rumikunata imapaqraq qon Jehová Moisesta?

4. Kë Chunka Mandamientokunapeq, ¿ima huk mandamientokunataraq qorqan Jehová israelïtakunata?

5. ¿Mëqanyan ishkë mandamientokuna importante kanqantaraq nerqan Jesús?

Wakin tapukïkuna:

1. Leinki Éxodo 19:1-25; 20:1-21; 24:12-18 y 31:18.

   ¿Imanötaq Jehoväman dedicakonqantsikta más alleq käyinapaq yanapamantsik Éxodo 19:8? (Mat. 16:24; 1 Ped. 4:1-3.)

2. Leinki Deuteronomio 6:4-6; Levítico 19:18 y Mateo 22:36-40.

   ¿Imanöraq rikätsiyan Teyta Diosta y nuna mayinta kuyayanqanta cristiänokuna? (Mar. 6:34; Hech. 4:20; Rom. 15:2.)

36 willakï

1. ¿Imatataq dibüjochö nunakuna rurëkäyan y imanir?

2. ¿Imanir-raq Jehová piñashqa këkan, y imataraq Moisés nunakuna rurëkäyanqanta rikar ruran?

3. ¿Ima ruraqraq wakin nunakunata mandan Moisés?

4. ¿Imataraq kë willakï yachatsimantsik?

Wakin tapukïkuna:

1. Leinki Éxodo 32:1-35.

   1. ¿Imanöraq kë willakï yachatsimantsik, imanö mana alli religionkunawan alli yachatsikïta takushqa Jehová rikanqanta? (Éx. 32:4-6, 10; 1 Cor. 10:7, 11.)

   2. ¿Imataraq rurayanman müsicakunata wiyayänampaq y danzayänampaq akrarnin cristiänokuna? (Éx. 32:18, 19; Efes. 5:15, 16; 1 Juan 2:15-17.)

   3. ¿Imanöraq Leví kastakuna alli ejemplo kayarqan justiciata rurarnin? (Éx. 32:25-28; Sal. 18:25.)

37 willakï

1. ¿Imaraq tsë dibüjochö carpapa shutin, y imapaqraq servin?

2. ¿Imanir-raq ras shoqllinalla carpapita wayita ruratserqan Jehová Moisesta?

3. ¿Imaraq taksha kaq cuartochö caja, y imaraq winaran rurinchö?

4. ¿Pitaraq sumo sacerdote kanampaq akrarqan Jehová, y imanöraq uryanan karqan?

5. ¿Hatun kaq cuartochö kima imakunayanraq këkan?

6. ¿Imakunayanraq këkan tabernäculopa pationchö y imapaqraq servin?

Wakin tapukïkuna:

1. Leinki Éxodo 25:8-40; 26:1-37; 27:1-8 y 28:1.

   ¿Frentenpura “arca del testimonio” nishqan hananchö këkaq querubinkuna, imaraq significarqan? (Éx. 25:20, 22; Núm. 7:89; 2 Rey. 19:15.)

2. Leinki Éxodo 30:1-10, 17-21; 34:1, 2 y Hebreos 9:1-5.

   1. ¿Imanir-raq Jehová nerqan tabernäculochö sirveq sacerdötekuna limpio kayänampaq, y imataraq këpita yachakuntsik? (Éx. 30:18-21; 40:30, 31; Heb. 10:22.)

   2. ¿Imanötaq hebrëokunaman cartakunan tiempo apóstol Pablo rikätserqan tsë tabernáculo, y pacto de la Ley nishqankuna manana välenqanta? (Heb. 9:1, 9; 10:1.)

38 willakï

1. ¿Tsë dibüjochö rikanqëki üvaskuna imanötaq parecipushunki? ¿Mëpitaraq apayämun?

2. ¿Imanir-raq Canaán markaman Moisés kachan chunka ishkë musyapakoqkunata?

3. ¿Imaraq chunka musyapakoqkuna niyan Moisesman kutirirnin?

4. ¿Imanöraq Jehoväman markäkuyanqanta ishkë musyapakoqkuna rikätsiyan, y imaraq shutinkuna?

5. ¿Imanir-raq Jehová piñakurkun, y imaraq Moisesta nin?

Wakin tapukïkuna:

1. Leinki Números 13:1-33.

   1. ¿Pikunataraq akrayarqa musyapakayämunampaq y imataraq rurayänan karqan? (Núm. 13:2, 3, 18-20.)

   2. ¿Imanir-raq wakin musyapakoqkunapitaqa hukläya kayarqan Josuëwan Caleb y këpita imataraq yachakushwan? (Núm. 13:28-30; Mat. 17:20; 2 Cor. 5:7.)

2. Leinki Números 14:1-38.

   1. ¿Imanir-raq mana rimashwantsu Jehová churashqan nunakunapita, y imataraq unë tiempo pasashqampita yachakushwan? (Núm. 14:2, 3, 27; Mat. 25:40, 45; 1 Cor. 10:10.)

   2. ¿Imanöraq Números 14:24 yachatsimantsik Jehová cada sirveqninkunata rikëkanqanta? (1 Rey. 19:18; Prov. 15:3.)

39 willakï

1. ¿Pikunaraq Moisés y Aarón pushaqninkuna kayänanta gustayarqatsu, y imaraq Moisesta niyarqan?

2. ¿Imataraq Coré y 250 qateqninkunatawan mañarqan Moisés?

3. ¿Imaraq llapan israelïtakunata nin Moisés, y imaraq parlar ushariptinllana pasarqan?

4. ¿Coré y 250 qateqninkunatawan imaraq pasarqan?

5. ¿Imataraq wanushqakunapa incensarionkunawan Aaronpa tsurin Eleazar ruran, y imanir?

6. ¿Imanir-raq Aaronpa shukshunta Jehová wëtäratsin? (Dibüjota rikë.)

Wakin tapukïkuna:

1. Leinki Números 16:1-49.

   1. ¿Imataraq llapan qateqninkunawan Coré rurayarqan, y imanir-raq tsë Jehoväpa contran karqan? (Núm. 16:9, 10, 18; Lev. 10:1, 2; Prov. 11:2.)

   2. ¿Coré y 250 “reqishqa nunakuna” ima mana allitaraq pensayarqan? (Núm. 16:1-3; Prov. 15:33; Is. 49:7.)

2. Leinki Números 17:1-11 y 26:10.

   1. ¿Ima ninanraq karqa Aaronpa shukshun wëtanqan, y imanir-raq Jehová arcaman guardatserqa? (Núm. 17:5, 8, 10.)

   2. ¿Imataraq Aaronpa shukshun wëtanqampita yachakushwan? (Núm. 17:10; Hech. 20:28; Filip. 2:14; Heb. 13:17.)

40 willakï

1. ¿Imanöraq desiertochö këkäyaptin Jehová cuidarqa israelïtakunata?

2. ¿Imapitaraq Cädeschö këkar quejakuyan israelïtakuna?

3. ¿Imanöraq animalkunapaq y nunakunapaq Jehová yakunkuna qorqan?

4. ¿Piraq tsë dibüjochö noqam nikaq nuna, imanir-raq tsënö ruran?

5. ¿Imanir-raq Jehová piñakurkun Moisés y Aaronwan, y imaraq castïgonkuna kanan karqa?

6. ¿Imaraq Hor hirkachö pasan, y piraq Israelpa sumo sacerdöten tikrarin?

Wakin tapukïkuna:

1. Leinki Números 20:1-13, 22-29 y Deuteronomio 29:5.

   1. ¿Imataraq Jehová desiertochö Israel markanta cuidanqampita yachakuntsik? (Deut. 29:5; Mat. 6:31; Heb. 13:5; Sant. 1:17.)

   2. ¿Imanöraq Jehová Israel nöpanchö Moiseswan Aarón mana Jehovämi kë llapanta rurëkämun niyanqanta rikarqa? (Núm. 20:12; 1 Cor. 10:12; Rev. 4:11.)

   3. ¿Imanöraq Jehová castigaptin Moisés rikarqa? ¿Imataraq tsëpita yachakushwan? (Núm. 12:3; 20:12, 27, 28; Deut. 32:4; Heb. 12:7-11.)

41 willakï

1. ¿Imaraq tsë dibüjochö huk shukshu wankurëkaq, y imanir-raq tsëman Jehová churatserqa Moisesta?

2. ¿Imanöraq Jehová pëkunapaq ruranqanta nunakuna mana agradecikuyantsu?

3. ¿Imataraq tsë venenoso culebrakunata Jehová israelïtakunapaq castigarnin kachëkuptin mañakuyan Moisesta?

4. ¿Imanir-raq huk cobrepita culebrata ruranampaq nerqa Jehová Moisesta?

5. ¿Imataraq kë willakï yachatsimantsik?

Wakin tapukïkuna:

1. Leinki Números 21:4-9.

   1. ¿Jehová israelïtakunata imëkankuna qoykaptimpis quejakuyanqampita, ima willakïtaraq noqantsik tarintsik? (Núm. 21:5, 6; Rom. 2:4.)

   2. Tiempo pasaptin tsë cobrepita culebrata, ¿imanöraq inshiyarqan israelïtakuna, y imataraq rey Ezequías rurarqa? (Núm. 21:9; 2 Rey. 18:1-4.)

2. Leinki Juan 3:14, 15.

   Cobrepita culebrata huk shukshuman churayanqan, ¿imanöraq huk willakï karqa Jesuspa wanïnimpaq? (Gál. 3:13; 1 Ped. 2:24.)

42 willakï

1. ¿Piraq Balac, y imanir-raq Balaamta ashitsin?

2. ¿Imanir-raq Balaampa ashnun näniman punukïkun?

3. ¿Ima ashnun neqtaraq wiyan Balaam?

4. ¿Imaraq huk ángel Balaamta nin?

5. ¿Imaraq pasan Balaam Israelta maldecita tïraptin?

Wakin tapukïkuna:

1. Leinki Números 21:21-35.

   ¿Imanir-raq amorrëokunapa reynin Sehón y Basanpa reynin Og nishqankunata ëwatsiyarqan israelïtakuna? (Núm. 21:21, 23, 33, 34.)

2. Leinki Números 22:1-40.

   ¿Imanir-raq Israelta Balaam maldecita munarqan, y këpita imataraq yachakushwan? (Núm. 22:16, 17; Prov. 6:16, 18; 2 Ped. 2:15; Jud. 11.)

3. Leinki Números 23:1-30.

   Jehoväpa sirveqninnö Balaam parlashqa kaptimpis, ¿imanöraq rurënin rikätsikorqan mana alli këninta? (Núm. 23:3, 11-14; 1 Sam. 15:22.)

4. Leinki Números 24:1-25.

   ¿Teyta Diospa änikïninman más fënintsik kanampaq, imanötaq kë willakï yanapamantsik? (Núm. 24:10; Is. 54:17.)

43 willakï

1. ¿Pikunaraq tsë dibüjochö Moiseswan shëkaq nunakuna kayan?

2. ¿Imaraq Josuëta Jehová nin?

3. ¿Imanir-raq Nebo hirka hananman lloqan Moisés, y imaraq tsëchö Jehová nin?

4. ¿Ëka watayoq këkar-raq wanorqan Moisés?

5. ¿Imanir-raq israelïtakuna alläpa llakishqa këkäyan, pero imanir-raq hina kushiyanman?

Wakin tapukïkuna:

1. Leinki Números 27:12-23.

   ¿Imata ruranampaqraq Josuëta mandarqan Jehová, y imanötaq sirveqninkunapaq munanqanta rikantsik kanan? (Núm. 27:15-19; Hech. 20:28; Heb. 13:7.)

2. Leinki Deuteronomio 3:23-29.

   ¿Imanöraq änikonqan markaman Moisés y Aaronta yëkuyänanta Jehová permiterqantsu, y imataraq tsëpita yachakuntsik? (Deut. 3:25-27; Núm. 20:12, 13.)

3. Leinki Deuteronomio 31:1-8, 14-23.

   ¿Imanöraq humildadwan Moisés Jehoväpa castïgon chaskenqanta rikätsimantsik despedikur israelïtakunata nenqanchö? (Deut. 31:6-8, 23.)

4. Leinki Deuteronomio 32:45-52.

   ¿Imanötaq Teyta Diospa palabran yanapamashwan kawënintsikchö? (Deut. 32:47; Lev. 18:5; Heb. 4:12.)

5. Leinki Deuteronomio 34:1-12.

   Moisés Jehoväta mana rikashqa kaptimpis, ¿imataraq Deuteronomio 34:10 nenqan rikätsimantsik? (Éx. 33:11, 20; Núm. 12:8.)

44 willakï

1. ¿Mëchöraq täran Rahab?

2. ¿Pikunaraq dibüjochö ishkaq nunakuna kayan, y Jericöchö imanir-raq këkäyan?

3. ¿Imataraq Rahabta Jericöpa reynin mandarqa, y ima nishparaq yaskerqan Rahab?

4. ¿Imanöraq tsë ishkan nunakunata yanapan Rahab, y imataraq mañakun?

5. ¿Imataraq tsë ishkan musyapakoqkuna äniyan Rahabta?

Wakin tapukïkuna:

1. Leinki Josué 2:1-24.

   ¿Imanötaq Éxodo 23:28 Jehová änikonqan cumplerqa israelïtakuna Jericöman peleaq ëwayaptin? (Jos. 2:9-11.)

2. Leinki Hebreos 11:31.

   ¿Imanöraq fe alläpa importante kanqanta yachatsimantsik Rahabpa ejemplon? (Rom. 1:17; Heb. 10:39; Sant. 2:25.)

45 willakï

1. ¿Ima milagrotaraq ruran Jehová Jordán mayuta israelïtakuna tsimpayänampaq?

2. ¿Jordán mayuta tsimpayänampaq pimanraq markäkuyanman karqan y imataraq rurayanman karqa israelïtakuna?

3. ¿Imanir-raq chunka ishkë hatusaq rumikunata mayupita ëllunampaq nerqan Jehová Josuëta?

4. ¿Imaraq pasan Jordán mayupita sacerdötekuna yarquriyaptin?

Wakin tapukïkuna:

1. Leinki Josué 3:1-17.

   1. ¿Imataraq rurashwan Jehoväpa bendicionninta y yanapëninta chaskinapaq këchö rikanqantsiknö? (Jos. 3:13, 15; Prov. 3:5; Sant. 2:22, 26.)

   2. ¿Imanöraq Jehová änikonqan markaman israelïtakuna tsimpayaptin këkarqan Jordán mayu, y imanöraq kë Jehoväpa shutinta alabarqa? (Jos. 3:15; 4:18; Sal. 66:5-7.)

2. Leinki Josué 4:1-18.

   ¿Imapaqraq karqan Guilgalman chunka ishkë rumikunata Jordanpita ëllurir churayanqan? (Jos. 4:4-7.)

46 willakï

1. ¿Imata soldädokuna y sacerdötekuna hoqta hunaqyaq rurayänampaqraq mandarqan Jehová?

2. ¿Imataraq qanchis hunaq rurayänan karqan nunakuna?

3. Dibüjochö rikëkanqëkinö, ¿imaraq Jericó markapa perqankunata pasëkan?

4. ¿Imanir-raq huk ventänapita huk puka waska warkurëkan?

5. ¿Imata soldädonkuna tsë markatawan, nunakunata rurayänantaraq mandarqa Josué, y hiërrota, cobreta, örota y qellëtaqa imanayänanraq karqa?

6. ¿Imataraq tsë ishkan musyapakoqkunataqa mandayarqan?

Wakin tapukïkuna:

1. Leinki Josué 6:1-25.

   1. ¿Imachöraq qanchis hunaq israelïtakuna Jericó markapa hiruroq tumayanqan parecin, kanan kë tiempochö Jehoväpa testïgonkunapa willapäkïninkunaman? (Jos. 6:15, 16; Is. 60:22; Mat. 24:14; 1 Cor. 9:16.)

   2. ¿Imanöraq 500 wata pasariptin cumplikarqan Josué 6:26, imataraq kë Jehoväpa palabrampita yachatsimantsik? (1 Rey. 16:34; Is. 55:11.)

47 willakï

1. ¿Piraq kë dibüjochö Jericó markapita suwakurir pampëkaq nuna, y pikunaraq yanapëkäyan?

2. ¿Imanir-raq Acán familianwan ruranqan alläpa mana alli?

3. ¿Imaraq Jehová nerqa Josuëta, imanirtaq Hai markachö israelïtakunata ëwatsiyämushqa nishpa tapukuptin?

4. ¿Imaraq Josué nöpanman aparayämuptin pasan Acanta familiantawan?

5. ¿Acanta pasanqampita imallataqa yachakuntsikraq?

Wakin tapukïkuna:

1. Leinki Josué 7:1-26.

   1. ¿Jehoväwan imanö kanqantapis imanötaq rikätsimantsik Josuëpa mañakïnin? (Jos. 7:7-9; Sal. 119:145; 1 Juan 5:14.)

   2. ¿Imataraq Acán ruranqan rikätsimantsik, y imataraq këpita yachakuntsik? (Jos. 7:11, 14, 15; Prov. 15:3; 1 Tim. 5:24; Heb. 4:13.)

2. Leinki Josué 8:1-29.

   ¿Kanan tiempo congregacionnintsikkunachö, imataraq cada cristiano rurashwan? (Jos. 7:13; Lev. 5:1; Prov. 28:13.)

48 willakï

1. ¿Imachöraq cananeo markakunapita hukläya kayarqan Gabaonïtakuna?

2. Dibüjochö rikëkanqëkinö, ¿imataraq gabaonïtakuna rurayan y imanir?

3. ¿Imataraq gabaonïtakunata äniyan israelïtakunapa pushaqninkuna y Josué, pero imataraq kima hunaqllachö musyariyan?

4. ¿Imataraq israelïtakunawan gabaonïtakuna yamë tikrariyanqanta musyarïkur rurayan wakin naciompa reyninkuna?

Wakin tapukïkuna:

1. Leinki Josué 9:1-27.

   1. Jehová ‘llapan Canaanchö täraq nunakunata ushakätsiyänampaq israelta mandashqa kaptimpis,’ ¿imanö pë kanqantataq rikantsik gabaonïtakunata perdonanqampita? (Jos. 9:22, 24; Mat. 9:13; Hech. 10:34, 35; 2 Ped. 3:9.)

   2. Gabaonïtakuna äniyanqanta cumplirnin, ¿imanötaq kanan cristiänokunapaq huk ejemplota churamorqan Josué? (Jos. 9:18, 19; Mat. 5:37; Efes. 4:25.)

2. Leinki Josué 10:1-5.

   ¿Patsapaq kaqkuna imanötaq kanan tiempo kayan gabaonïtakunanö, y imanir-raq sasa kawëman chäyan? (Jos. 10:4; Zac. 8:23; Mat. 25:35-40; Rev. 12:17.)

49 willakï

1. ¿Imaraq kë dibüjochö nikan Josué y imanir-raq?

2. ¿Imanöraq Josuëta soldädonkunatawan yanapan Jehová?

3. ¿Ëka chikeqnin reykunataraq ushakätsin Josué y ëka tiempochö?

4. ¿Imanir-raq Canaán markata Josué rakin?

5. ¿Ëka watayoqraq wanurerqa Josué, y imanaraq tsëpita pasan wakin israelïtakunawan?

Wakin tapukïkuna:

1. Leinki Josué 10:6-15.

   ¿Israelrëkur killatapis y intitapis päraratsenqan, imanötaq yanapamantsik pëman más markäkunapaq? (Jos. 10:8, 10, 12, 13; Sal. 18:3; Prov. 18:10.)

2. Leinki Josué 12:7-24.

   ¿Piraq rasumpëpaqa 31 Canaanpa reyninkunata ushakätserqa, y imanir-raq kanan tiempo alläpa importante noqantsikpaq? (Jos. 12:7; 24:11-13; Deut. 31:8; Luc. 21:9, 25-28.)

3. Leinki Josué 14:1-5.

   ¿Imanöraq Israel kastakuna rakinakuyarqa Canaán markata, y imataraq paraïsochö herenciapaq yachatsimantsik kë willakï? (Jos. 14:2; Is. 65:21; Ezeq. 47:21-23; 1 Cor. 14:33.)

4. Leinki Jueces 2:8-13.

   Israelchö Josuënö, ¿pikunaraq kë tiempochö alli yachatsikïninkunawan apostatakunata harkäyan? (Juec. 2:8, 10, 11; Mat. 24:45-47; 2 Tes. 2:3-6; Tito 1:7-9; Rev. 1:1; 2:1, 2.)

50 willakï

1. ¿Pikunaraq juezkuna kayan, y imataq shutinkuna wakinkunapa?

2. ¿Imayanraq karqa Débora ruranan, y imakunataraq ruranan karqa?

3. Jabín, y soldädonkunapa pushaqnin Sísara, Israelta ushakätsita munëkäyaptin, ¿ima Jehová Diospa willakïnintaraq qorqan Débora juez Baracta, y pï honrata apanqa nerqaraq?

4. ¿Imanötan huk valiente warmi kanqanta rikätsikorqan Jael?

5. ¿Imaraq pasarqa rey Jabín wanuriptin?

Wakin tapukïkuna:

1. Leinki Jueces 2:14-22.

   ¿Imanir-raq israelïtakunawan Jehová piñakurkorqan, y imataraq këpita yachakuntsik? (Juec. 2:20; Prov. 3:1, 2; Ezeq. 18:21-23.)

2. Leinki Jueces 4:1-24.

   ¿Imataraq Débora y Jael rurayanqampita yachakuyanman kanan tiempo cristiänakuna? (Juec. 4:4, 8, 9, 14, 21, 22; Prov. 31:30; 1 Cor. 16:13.)

3. Leinki Jueces 5:1-31.

   Barac y Débora peleata ganarïkur cantayanqannö, ¿imataraq Armagedón pelea shamoqpaq noqantsikpis mañakushwan? (Juec. 5:3, 31; 1 Crón. 16:8-10; Rev. 7:9, 10; 16:16; 19:19-21.)

51 willakï

1. ¿Imanir-raq Moab markata ewkorqan Noemí?

2. ¿Pikunaraq Rut y Orpá kayan?

3. ¿Imaraq Rut y Orpá niyarqan Noemí markëkikunata kutikuyë niptin?

4. ¿Piraq karqan Boaz, y imanöraq Rutwan Noemïta yanaparqan?

5. ¿Imaraq Boazpawan Rutpa wambrankunapa shutin, y imanir-raq yarpashwan?

Wakin tapukïkuna:

1. Leinki Rut 1:1-17.

   1. ¿Imanö shumaq kuyakï parlataraq nerqan Rut? (Rut 1:16, 17.)

   2. ¿“Wakin üshakuna,” imanöraq ungïdokunapaq rurayan Rut ruranqannö? (Juan 10:16; Zac. 8:23.)

2. Leinki Rut 2:1-23.

   ¿Imachöraq Rut kanan jövenkunapaq huk ejemplo karqa? (Rut 2:17, 18; Prov. 23:22; 31:15.)

3. Leinki Rut 3:5-13.

   1. ¿Imanöraq pareciporqan Boazta Rut mana huk jövenwan casakushpa pëwan casakï munanqanta?

   2. ¿Rasumpa kuyakïpita imataraq Rutpa ejemplon yachatsimantsik? (Rut 3:10; 1 Cor. 13:4, 5.)

4. Leinki Rut 4:7-17.

   ¿Imanöraq Boazpa ejemplonta qatiyanman kanan ollqu cristiänokuna? (Rut 4:9, 10; 1 Tim. 3:1, 12, 13; 5:8.)

52 willakï

1. ¿Ima sasa tiempokunachöraq kawëkäyan israelïtakuna, y imanir?

2. ¿Imanir-raq Jehová nin Gedeonta alläpam soldädïkikuna kan nishpa?

3. ¿Mantsakoqkunata wayinman kutïkatsiptin, ëkaraq Gedeonpa soldädonkuna quedarin?

4. Dibüjochö rikanqantsiknö, ¿imanöraq 300 nunakunallata Jehová akrarerqan Gedeonpa soldädonkunata?

5. ¿Imanöraq 300 soldädonkunata alistar qallëkorqan Gedeón, y imanöraq peleata ganarqan?

Wakin tapukïkuna:

1. Leinki Jueces 6:36-40.

   1. ¿Imanöraq Jehoväpa ima voluntadnin kanqantapis asegurakorqan Gedeón?

   2. ¿Imanöraq musyashwan kanan tiempo, ima Jehoväpa voluntadnin kanqantapis? (Prov. 2:3-6; Mat. 7:7-11; 2 Tim. 3:16, 17.)

2. Leinki Jueces 7:1-25.

   1. ¿Imatataq yachakuntsik kë 300 soldädokuna mäkoq mäkoqlla këkäyanqampita, y tsë wakin mana rikachakoqkunapita? (Juec. 7:3, 6; Rom. 13:11, 12; Efes. 5:15-17.)

   2. Imanömi Gedeonta rikar tsë 300 soldädonkunapis yachakuyarqa, hina tsënölla, ¿imanöraq noqantsikpis yachakushwan Gedeón Mayor Jesucristopita? (Juec. 7:17; Mat. 11:29, 30; 28:19, 20; 1 Ped. 2:21.)

   3. ¿Imanöraq mëtapis Jehoväpa organizacionninchö servinapaq mandamashqa yanapamantsik Jueces 7:21 listo këkänapaq? (1 Cor. 4:2; 12:14-18; Sant. 4:10.)

3. Leinki Jueces 8:1-3.

   Cristiano mayintsikkunawan ima problëmakunatapis altsarqa, ¿imataraq yachakuntsik Gedeón efraimïtakunawan problema altsanqampita? (Prov. 15:1; Mat. 5:23, 24; Luc. 9:48.)

53 willakï

1. ¿Piraq Jefté, y imë witsanraq kawarqa?

2. ¿Imataraq Jehoväta änerqa Jefté?

3. ¿Imanir-raq amonïtakunata ëwaratsir wayinta kutirnin alläpa llakïkun Jefté?

4. ¿Imaraq papänimpa änikïninta musyarir nerqa Jeftëpa tsurin?

5. ¿Imanir-raq Jeftëpa tsurinta kuyayarqa israelïtakuna?

Wakin tapukïkuna:

1. Leinki Jueces 10:6-18.

   ¿Ima alläpa importante yachakïtaraq tarintsik kë israelïtakuna Jehová Diosta mana wiyakuyanqampita yachakur? (Juec. 10:6, 15, 16; Rom. 15:4; Rev. 2:10.)

2. Leinki Jueces 11:1-11, 29-40.

   1. ¿Imanöparaq musyantsik Jefté tsurinta “kayanapaq ofrendatanö” qoshqa kaptimpis mana kayayänampaq kanqanta? (Juec. 11:31; Lev. 16:24; Deut. 18:10, 12.)

   2. ¿Imanir-raq Jefté tsurinta sacrificiopaq qoykorqan?

   3. ¿Imanöraq Jehová Diosta änirïkur tsëta rikarqan Jefté y imataraq pëpita yachakuntsik? (Juec. 11:35, 39; Ecl. 5:4, 5; Mat. 16:24.)

   4. ¿Jeftëpa tsurimpita imataraq joven cristiänokuna yachakuyanman servicio de tiempo completo nishqanta qallarnin? (Juec. 11:36; Mat. 6:33; Filip. 3:8.)

54 willakï

1. ¿Imaraq shutin karqa tsë unë kallpasapa kawashqa nunapa, y piraq kallpan qorqan?

2. ¿Kë dibüjochö rikanqëkinö, imataraq huk kuti huk leonta rurëkorqa Sansón?

3. ¿Kë dibüjochö rikëkanqëkinö, imataraq Sansón Dalïlata willëkan, y imanir-raq kë causëkorqan filistëokuna tsarïkuyänampaq?

4. ¿Imanöparaq wanunan hunaq 3.000 filistëokunata wanïkatserqan Sansón?

Wakin tapukïkuna:

1. Leinki Jueces 13:1-14.

   ¿Imanöraq alli wambrakuna wätëchö alli ejemplo kayarqan Manóah warminwan? (Juec. 13:8; Sal. 127:3; Efes. 6:4.)

2. Leinki Jueces 14:5-9 y 15:9-16.

   1. ¿Sansón ashnupa quijädanwan 1.000 nunakunata wanutsinampaq, watayanqan mushoq waska rachirinampaq y huk leonta wanïkatsinampaq Jehová Dios espíritu santonwan yanapanqampita, imataraq yachakuntsik?

   2. ¿Imanöraq espíritu santo yanapamantsik kanan? (Juec. 14:6; 15:14; Zac. 4:6; Hech. 4:31.)

3. Leinki Jueces 16:18-31.

   ¿Imanöraq mana alli yanasakuna mana alliman yëkatsiyarqan Sansonta y tsëpita imataraq yachakuntsik? (Juec. 16:18, 19; 1 Cor. 15:33.)

55 willakï

1. ¿Imaraq dibüjochö këkaq wambrapa shutin, y pikunaraq kayan pëwan këkaqkunaqa?

2. ¿Tabernäculoman ëwanqanchö imataraq mañakïkorqa Ana, y imanöraq Jehová yaskerqa?

3. ¿Jehoväpa tabernäculonchö servinampaq Samuelta apayaptin ëka watayoqraq karqan, y imataraq cada wata pëpaq rurapun mamänin?

4. ¿Imanö nunakunaraq kayan Elïpa tsurinkuna y imaraq shutinkuna?

5. ¿Imataraq Jehová rurarqa Samuel wiyanampaq, y imaraq nerqa?

6. ¿Samuel poqurir ima këmanraq charqa, y awkinyäriptenqa imaraq pasarqa?

Wakin tapukïkuna:

1. Leinki 1 Samuel 1:1-28.

   1. ¿Imanir-raq Elqaná alli ejemplo karqan llapan familiayoqkunapaq pëkuna puntachö Jehová adorëchö kayänampaq? (1 Sam. 1:3, 21; Mat. 6:33; Filip. 1:10.)

   2. ¿Ana sasa kawëninchö tsarakonqampita imallataqa yachakuntsiktsuraq? (1 Sam. 1:10, 11; Sal. 55:22; Rom. 12:12.)

2. Leinki 1 Samuel 2:11-36.

   ¿Imanöparaq Jehová Diospitapis más tsurinkunata respetëkorqa Elí, y imataraq kë yachatsimantsik? (1 Sam. 2:22-24, 27, 29; Deut. 21:18-21; Mat. 10:36, 37.)

3. Leinki 1 Samuel 4:16-18.

   ¿Ima chusku mana alli willakïkunataraq peleapita willariyarqa, y imaraq pasarqa Elïta kë willakïta wiyanqanchö?

4. Leinki 1 Samuel 8:4-9.

   ¿Imanöparaq Jehoväta piñätsiyarqa israelïtakuna, y kananqa imanöraq Jehoväpa Reinonta yanapashwan? (1 Sam. 8:5, 7; Juan 17:16; Sant. 4:4.)

56 willakï

1. ¿Dibüjochö imataraq rurëkan Samuel, y imanir-raq?

2. ¿Imanir-raq Jehová Saulta kuyan, y imanö nunaraq?

3. ¿Imataraq ruran Saulpa tsurin, y imaraq shutin karqa?

4. ¿Imanir-raq mana Samuelta shuyashpa Saúl sacrificiota rurarerqa?

5. ¿Imataraq yachakuntsik Saulpita?

Wakin tapukïkuna:

1. Leinki 1 Samuel 9:15-21 y 10:17-27.

   ¿Imanöraq Saulpa humilde kënin yanaparqa nunakuna pëpita mana allikunata parlayaptin mana raslla piñänampaq? (1 Sam. 9:21; 10:21, 22, 27; Prov. 17:27.)

2. Leinki 1 Samuel 13:5-14.

   ¿Guilgal nishqanchö këkar ima hutsataraq rurëkorqa Saúl? (1 Sam. 10:8; 13:8, 9, 13.)

3. Leinki 1 Samuel 15:1-35.

   1. ¿Amaleqpa reynin Agag nishqa nunawan Saúl ruranqan, imanir-raq alläpa hutsa karqa? (1 Sam. 15:2, 3, 8, 9, 22.)

   2. ¿Imanöraq Saúl wakinta culpatsëta tïrarqa kikimpa hutsanta tsapäkïta munar? (1 Sam. 15:24.)

   3. ¿Pillapis willapäramashqaqa, ima alli willakïtaraq wiyakushwan? (1 Sam. 15:19-21; Sal. 141:5; Prov. 9:8, 9; 11:2.)

57 willakï

1. ¿Imaraq dibüjochö jövenpa shutin, y imanöraq valiente kanqanta musyantsik?

2. ¿Mëchöraq David täran, y imaraq papänimpa y abuelïtompa shutinkuna?

3. ¿Imanir-raq Belenchö Jesëpa wayinman ëwanampaq Jehová nerqa Samuelta?

4. ¿Imaraq qanchis tsurinkunata Jesé Samuelman aparapuptin pasarqa?

5. ¿Imaraq Davidta apayäpuptin Jehová nerqa Samuelta?

Wakin tapukïkuna:

1. Leinki 1 Samuel 17:34, 35.

   ¿Imanöraq David llapan ruranqan y valiente kënin rikätsimantsik Jehoväman markäkonqanta? (1 Sam. 17:37.)

2. Leinki 1 Samuel 16:1-14.

   1. ¿Imanöraq hanapa rikanqantsikllapita mana juzguëta y igualpa llapan nunakunata rikänapaq yanapamantsik 1 Samuel 16:7 qellqarëkaq Jehoväpa yachatsikïnin? (Hech. 10:34, 35; 1 Tim. 2:4.)

   2. ¿Imanötaq rikätsimantsik Saulpa ejemplon, Jehová espíritu santonta huk nunapita witiratsiptenqa, mana alli espïritukuna tsë nunapa shonqunman yëkurerqa mana alli rurëkunata munatsenqanta? (1 Sam. 16:14; Mat. 12:43-45; Gál. 5:16.)

58 willakï

1. ¿Ima mana allitaraq israelita soldädokunata nerqan Goliat?

2. ¿Ëkaraq Goliat medirqa, y wanïkatseq nunataqa imanraq qonqa Saúl?

3. ¿Alläpa wambrallaran kanki Goliatwan peleanëkipaq nishpa Saúl niptin, ima nishparaq yaskirerqa David?

4. ¿Imanöraq Goliatta yaskir David Jehoväman markäkonqanta rikätserqa?

5. Dibüjochö rikanqëkinö, ¿Goliatta wanutsinampaq imataraq insherqa David, y tsëpita imaraq filistëokunawan pasarqa?

Wakin tapukïkuna:

1. Leinki 1 Samuel 17:1-54.

   1. ¿Imanir-raq David mana mantsakarqatsu, y imanöraq valiente këninta qatishwan? (1 Sam. 17:37, 45; Efes. 6:10, 11.)

   2. ¿Imanir-raq pukllakunachö y wakin esparcimientokunachö cristiänokunaqa Goliatnö gananakïta tïrayanmantsu? (1 Sam. 17:8; Gál. 5:26; 1 Tim. 4:8.)

   3. ¿Imanöraq David llapan nenqanchö Teyta Dios yanapananman markäkonqanta rikätsimantsik? (1 Sam. 17:45-47; 2 Crón. 20:15.)

   4. Kë willakïqa manash ishkë chikinakoq markakunapa peleankunallatatsu willamantsik, tsëpenqa, ¿imanöraq kë willakï rikätsimantsik Jehová Dioswan mana alli dioskunapa pelean kanqanta? (1 Sam. 17:43, 46, 47.)

   5. ¿Jehoväman David markäkonqan ejemplota imanöraq qatiyan kanan ciëloman ëwaqkuna? (1 Sam. 17:37; Jer. 1:17-19; Rev. 12:17.)

59 willakï

1. ¿Imanir-raq Davitta chikerqan Saúl, pero imanir-raq tsurin Jonatanqa pëpita hukläya karqan?

2. ¿Huk kuti David Saulpaq arpata toquëkaptin imaraq pasarqan?

3. ¿Imata ruranampaqraq Saúl nin Davidta tsurin Micalwan casakunampaq, imanir-raq tsënö nin?

4. Kë dibüjochö këkanqannö, ¿imaraq pasan kima kutichö, David Saulpaq arpata toquëkäpuptin?

5. ¿Imanöraq Mical Davidta yanaparqan mana wanutsiyänampaq, y imataraq tsëpita ruranqa qanchis wata?

Wakin tapukïkuna:

1. Leinki 1 Samuel 18:1-30.

   1. ¿Imanötaq Jonatán Davidta kuyanqan rikätsikun, kë tiempochö “wakin kaq üshakuna” y “wallkaqlla kaq üshakuna” kuyanakuyanqanta? (1 Sam. 18:1; Juan 10:16; Luc. 12:32; Zac. 8:23.)

   2. Saulpa rantin tsurin Jonatán gobernanan kaptimpis, ¿imanötaq rikätsimantsik 1 Samuel 18:4 Teyta Dios akrashqan reyta pë respetanqanta?

   3. ¿Imanötan rikätsimantsik Saúl ruranqan envidioso këqa alläpa hutsallakïman heqatsikonqanta, y imapaqtaq alleq käyitsimantsik kë willakï? (1 Sam. 18:7-9, 25; Sant. 3:14-16.)

2. Leinki 1 Samuel 19:1-17.

   ¿Imanöpataq Jonatán kawëninta peligroman churarqan Saulwan parlarnin? (1 Sam. 19:1, 4-6; Prov. 16:14.)

60 willakï

1. ¿Dibüjochö David kaqta ëwëkaq warmipa, imaraq shutin y imanöraq pëqa?

2. ¿Piraq Nabalqa?

3. ¿Imanir-raq David kachan nunankunata Nabalman mikï mañakoq?

4. ¿Davidpa nunankunata imaraq nerqan Nabal y imataraq rurëta munarqan David?

5. ¿Imanöraq Abigaíl rikätsikorqan alli yachaq warmi kanqanta?

Wakin tapukïkuna:

1. Leinki 1 Samuel 22:1-4.

   ¿Cristiano pura yanapanakunapaq, ima ejemplotataq tarintsik Davidpa familianchö? (Prov. 17:17; 1 Tes. 5:14.)

2. Leinki 1 Samuel 25:1-43.

   1. ¿Alläpa chiki nunapaqnö, imanir-raq Nabalpaq parlan? (1 Sam. 25:2-5, 10, 14, 21, 25.)

   2. ¿Abigailpa ejemplompita, imataraq yachakuyanman qowayoq cristiänakuna? (1 Sam. 25:32, 33; Prov. 31:26; Efes. 5:24.)

   3. ¿David ima ishkë mana allikunata mana ruranampaqraq Abigaíl yanapëkorqan? (1 Sam. 25:31, 33; Rom. 12:19; Efes. 4:26.)

   4. ¿Abigaíl nenqanta David wiyanqampita, imanöraq ollqukuna yachakuyanman Jehová warmikunata rikanqannö pëkunapis rikäyänampaq? (Hech. 21:8, 9; Rom. 2:11; 1 Ped. 3:7.)

61 willakï

1. ¿Campamentonchö Saúl punonqanyaq imataraq rurayarqan Davidwan Abisai?

2. ¿Imakunatayanraq rey Saulta taporqa David?

3. ¿Mëtaraq David ëwan Saulwan parlarirnin?

4. ¿Imanir-raq David alläpa llakïkorqa, y imanir-raq huk shumaq cancionta qellqarqa?

5. ¿Hebronchö rey churariyaptin ëka watayoqraq karqa David, y imayanraq karqa tsurinkunapa shutin?

6. ¿Mëchöraq tsëpitaqa gobernarqa David?

Wakin tapukïkuna:

1. Leinki 1 Samuel 26:1-25.

   1. ¿Teyta Dios churashqanta imanö David rikanqantaraq käyitsimantsik 1 Samuel 26:11 kikin nenqan? (Sal. 37:7; Rom. 13:2.)

   2. Kuyakïwan ankupäkoq kanqantsikta mana agradecimashqaqa, ¿imanöraq David 1 Samuel 26:23 nenqan yanapamashwan alli kaq rurëta yarparänapaq? (1 Rey. 8:32; Sal. 18:20.)

2. Leinki 2 Samuel 1:26.

   ¿Imanöraq Davidwan Jonatán kuyanakuyanqannö, “shumaq kuyanakuyanman kikinkunapura” llapan cristiänokuna? (1 Ped. 4:8; Col. 3:14; 1 Juan 4:12.)

3. Leinki 2 Samuel 5:1-10.

   1. ¿Ëka wataraq David reinarqa, mëqan markakunachöyanraq? (2 Sam. 5:4, 5.)

   2. ¿Piraq hatun kënin qorqa Davidta, y kananqa imataraq tsë yarpätsimantsik? (2 Sam. 5:10; 1 Sam. 16:13; 1 Cor. 1:31; Filip. 4:13.)

62 willakï

1. ¿Imaraq Canaán markachö pasarqa, kikin Jehoväpa yanapëninwan?

2. ¿Palacionchö David huk tarde purikachëkaptin imaraq pasarqan?

3. ¿Imanir-raq Davidwan Jehová alläpa piñakurkorqan?

4. ¿Pitaraq Jehová kacharqa hutsankunapita Davidta parlapänampaq tsë dibüjochö rikanqëkinö, y ima Davidta pasanantaraq nikan?

5. ¿Y Davidpaqa ima sasa kawëninkunaraq këkorqan?

6. ¿Piraq David qepanman Israelta gobernarqa?

Wakin tapukïkuna:

1. Leinki 2 Samuel 11:1-27.

   1. ¿Jehoväpaq alli uryakïnintsikqa imanötan tsapämantsik?

   2. ¿Imanöraq David hutsa rurëman ishkirerqan, y tsë llapan pasanqanqa imataraq yachatsimantsik kanan tiempo cristiänokunapaq? (2 Sam. 11:2; Mat. 5:27-29; 1 Cor. 10:12; Sant. 1:14, 15.)

2. Leinki 2 Samuel 12:1-18.

   1. ¿Imataraq yachakuyan anciänokuna, y papäkuna Natán shumaqllapa Davidta willapanqampita? (2 Sam. 12:1-4; Prov. 12:18; Mat. 13:34.)

   2. ¿Imarëkurtaq Jehová ankuparqan Davidta? (2 Sam. 12:13; Sal. 32:5; 2 Cor. 7:9, 10.)

63 willakï

1. ¿Imataraq Salomonta Jehová Dios tapun, y imanöraq yaskerqa?

2. Salomonpa mañakïninta Jehová Dios gustar, ¿imankunaraq änerqa?

3. ¿Ima sasa problëmataraq ishkë warmikuna apayarqa rey Salomonman?

4. ¿Imanöraq Salomón tsë sasa problëmata altsarqan, kë dibüjochö rikëkanqëkinö?

5. ¿Imanöraq Salomonpa gobernacionninqa karqa, y imanir?

Wakin tapukïkuna:

1. Leinki 1 Reyes 3:3-28.

   1. ¿Tsë 1 Reyes 3:7 Salomón nenqan imanöraq yanapan congregacionkunachö Jehová Diospa markan dirigeqkunata? (Sal. 119:105; Prov. 3:5, 6.)

   2. ¿Imanöraq Salomonpa mañakïnin yanapamantsik, imakunata mañakunapaqpis? (1 Rey. 3:9, 11; Prov. 30:8, 9; 1 Juan 5:14.)

   3. ¿Imanöraq tsë ishkë warmikunapa problëmankunata Salomón shumaqllapa altsanqan yanapamantsik, Mayor kaq Salomón, Jesucristo shamoq tiempokunachö gobernamur problëmakunata altsamunanta? (1 Rey. 3:28; Is. 9:6, 7; 11:2-4.)

2. Leinki 1 Reyes 4:29-34.

   1. ¿Wiyakoq shonquyoq kanampaq mañakonqanta imanöraq Jehová Dios yaskerqa? (1 Rey. 4:29.)

   2. Salomonpa yachëninta wiyayänampaqshi karu markakunapita nunakuna shayämunaq, ¿imanöraq kë noqantsikta yachatsimantsik Teyta Diospa Palabranta estudiëpita? (1 Rey. 4:29, 34; Juan 17:3; 2 Tim. 3:16.)

64 willakï

1. ¿Ëka wataraq Salomón Jehoväpa templonta rurarqan, imanir-raq alläpa chaniyoq karqa?

2. ¿Ëka principal cuartokunaraq karqan templochö, imataraq rurinman churayarqan?

3. ¿Templota usharir ima nishparaq Salomón mañakorqan?

4. ¿Imanöraq Salomonpa mañakïninwan Jehová kushishqa këkanqanta rikätserqa?

5. ¿Imata Salomón ruranampaqraq lograriyarqan warminkuna, y imaraq pasarqan?

6. ¿Imanir-raq Jehová Salomonwan piñakurkorqan, y imaraq nerqan?

Wakin tapukïkuna:

1. Leinki 1 Crónicas 28:9, 10.

   Tse 1 Crónicas 28:9, 10 David nenqannö, ¿ima rurëtaraq tïrashwan llapan kawënintsikchö? (Sal. 19:14; Filip. 4:8, 9.)

2. Leinki 2 Crónicas 6:12-21, 32-42.

   1. ¿Imanöraq Hatun Teyta Diosta mana ni ima nuna rurashqan wayi tsaranqanta rikätsikorqa Salomón? (2 Crón. 6:18; Hech. 17:24, 25.)

   2. ¿Tsë 2 Crónicas 6:32, 33 Salomón nenqan imataraq yachatsimantsik Jehová Diospita? (Hech. 10:34, 35; Gál. 2:6.)

3. Leinki 2 Crónicas 7:1-5.

   Jehová Dios rurëkanqanta rikar israelïtakuna alabayanqan, y tsënölla kanan tiempo markanta Jehová bendicenqan rikë, ¿ima rurëtaraq noqantsiktapis animamashwan? (2 Crón. 7:3; Sal. 22:22; 34:1; 96:2.)

4. Leinki 1 Reyes 11:9-13.

   ¿Imanötaq Salomonpa kawënin rikätsimantsik wanonqantsikyaq fiel kë alli kanqanta? (1 Rey. 11:4, 9; Mat. 10:22; Rev. 2:10.)

65 willakï

1. ¿Imaraq kë dibüjochö këkaq nunakunapa shutinkuna, y pikunaraq kayan?

2. ¿Imataraq yakaranqan röpanwan Ahías rurëkun, y kë ruranqanqa imaraq significarqan?

3. ¿Imataraq Salomón Jeroboanta rurëkïta munan?

4. ¿Imanir-raq Jeroboantaqa nunakuna chunka kastakunapa gobernaqnin churariyarqan?

5. ¿Imanir-raq ishkë öropita wishikunata rurarqa Jeroboán, y imaraq tsëpita tsë markata pasarqan?

6. ¿Imaraq tsë ishkë kasta reinokunawan pasarqa y Jerusalenchö Jehová Diospa templonwan?

Wakin tapukïkuna:

1. Leinki 1 Reyes 11:26-43.

   ¿Imanö nunaraq karqa Jeroboanqa, y imataraq änerqa Jehová Leyninkunata cumpliptenqa? (1 Rey. 11:28, 38.)

2. Leinki 1 Reyes 12:1-33.

   1. ¿Rehoboam gobernarnin mana allita nunakunata ruranqampita, imataraq yachakuyanman tsuriyoqkuna y anciänokuna? (1 Rey. 12:13; Ecl. 7:7; 1 Ped. 5:2, 3.)

   2. ¿Pitaraq jövenkuna tapukuyanman llapan kawëninkunachö allita rurayänampaq? (1 Rey. 12:6, 7; Prov. 1:8, 9; 2 Tim. 3:16, 17; Heb. 13:7.)

   3. ¿Imanir-raq Jeroboán ishkë markachö öropita wishikunata israelïtakuna adorayänampaq rurarqan, y imanöraq kë rurayanqan Jehoväman mana fëninkuna kanqanta rikätsikorqan? (1 Rey. 11:37; 12:26-28.)

   4. ¿Piraq pusharqan chunka kastakunata Jehová Diosta manana adorayänampaq? (1 Rey. 12:32, 33.)

66 willakï

1. ¿Piraq Jezabel?

2. ¿Imanir-raq huk kuti rey Acab alläpa llakishqa këkarqan?

3. ¿Imataraq Nabotpa uvas chacranta qowan Acabpaq tarinampaq Jezabel rurarqan?

4. ¿Pitaraq Jezabelta castiganampaq kacharqan Jehová?

5. Kë dibüjochö rikëkanqëkinö, ¿imaraq Jezabelpa palacionman Jehú chäriptin pasarqa?

Wakin tapukïkuna:

1. Leinki 1 Reyes 16:29-33 y 18:3, 4.

   ¿Rey Acab gobernëkaptin mana alli rurëkuna mëyaqraq charqan Israelchö? (1 Rey. 16:33.)

2. Leinki 1 Reyes 21:1-16.

   1. ¿Imanöraq valiente y Jehoväman leal këninta Nabot rikätsikorqan? (1 Rey. 21:1-3; Lev. 25:23-28.)

   2. ¿Imanötan yanapamantsik Acabta pasanqan llakikïkuna kaptimpis alleq tsarakunapaq? (1 Rey. 21:4; Rom. 5:3-5.)

3. Leinki 2 Reyes 9:30-37.

   ¿Imataraq yachakuntsik Jehú llapan shonqunwan Jehová munanqanta ruranqampita? (2 Rey. 9:4-10; 2 Cor. 9:1, 2; 2 Tim. 4:2.)

67 willakï

1. ¿Piraq karqan Jehosafat, y imanö tiempochöraq kawarqan?

2. ¿Imanirtaq israelïtakuna mantsakuyarqan y wakinkunaqa imataraq rurayarqan?

3. ¿Jehosafat mañakuptin imanöraq Jehová yaskerqan?

4. ¿Imataraq rurarqan Jehová manaraq pelea qallaptin?

5. ¿Jehosafat ruranqampita imataraq yachakuntsik?

Wakin tapukïkuna:

1. Leinki 2 Crónicas 20:1-30.

   1. ¿Imanöraq kanan tiempo sasa kawëta cristiänokunata pasayaptin yanapan Jehosafat ruranqannö rurë? (2 Crón. 20:12; Sal. 25:15; 62:1.)

   2. Jehová Diosqa markanta parlapänampaq inshinaq gobernantekunatash, ¿imanöraq kanan tiempoqa markanta parlapan? (2 Crón. 20:14, 15; Mat. 24:45-47; Juan 15:15.)

   3. Teyta Diospa ‘hatun piñakïnin hunaq’ qallaramuptin, ¿imataraq noqantsikpis rurashun Jehosafat ruranqannö? (2 Crón. 20:15, 17; 32:8; Rev. 16:14, 16.)

   4. Levïtakunanö hina, ¿imanötaq precursorkuna, misionërokuna yanapakuyan hinantin markakunachö Jehoväpita willapäkurnin? (2 Crón. 20:19, 21; Rom. 10:13-15; 2 Tim. 4:2.)

68 willakï

1. ¿Kë dibüjochö kimaq këkaqkunaqa pikunaraq kayan, y imaraq pasëkorqa huk kuti tsë wambrata?

2. ¿Imataraq tsë wambrapaq, oracionninchö mañakorqan Elías, y tsëpitaqa imaraq pasarqan?

3. ¿Imaraq Elïaspa yanapaqnimpa shutenqa?

4. ¿Imanir-raq Sunem markachö täraq warmipa wayinman Eliseo ëwanampaq niyarqan?

5. ¿Imataraq ruran Eliseo, y imaraq pasarqan tsë wanushqa wambrawanqa?

6. ¿Ima poderyoqraq Jehová, y imanöraq Elïaswan Eliseo rurayanqanchö tsëta rikätsikorqan?

Wakin tapukïkuna:

1. Leinki 1 Reyes 17:8-24.

   1. ¿Imanöraq Elïaspa fënin y Jehoväta wiyakïnin pruëbaman churakarqa? (1 Rey. 17:9; 19:1-4, 10.)

   2. ¿Imanirtaq Sarepta markapita viudapa alli fënin karqan? (1 Rey. 17:12-16; Luc. 4:25, 26.)

   3. ¿Sarepta viuda ruranqampita, imataraq yachatsimantsik kë Mateo 10:41, 42, textochö Jesús nenqan? (1 Rey. 17:10-12, 17, 23, 24.)

2. Leinki 2 Reyes 4:8-37.

   1. ¿Imanötaq yachatsimantsik Sunem warmi ruranqan alli posadatsikoq kanapaq? (2 Rey. 4:8; Luc. 6:38; Rom. 12:13; 1 Juan 3:17.)

   2. ¿Imanötaq wawqi panintsikkunata yanapashwan kanan tiempo? (Hech. 20:35; 28:1, 2; Gál. 6:9, 10; Heb. 6:10.)

69 willakï

1. ¿Imaraq nikan kë dibüjochö shipash tsë warmita?

2. ¿Piraq kë dibüjochö këkaq warmiqa, y imanir-raq tsë shipashqa wayinchö këkan?

3. ¿Naamanta ima ninampaqraq Eliseo kacharqan Guehazïta, y imanir-raq Naamán piñëkorqan?

4. ¿Imaraq pasarqan sirveqninta Naamán wiyakonqanchö?

5. ¿Imanir-raq Naamanpa qarëninta chaskerqatsu Eliseo, pero Guehazïqa imataraq rurarqan?

6. ¿Imaraq pasarqan Guehazïta, imataraq tsëpitaqa yachakuntsik?

Wakin tapukïkuna:

1. Leinki 2 Reyes 5:1-27.

   1. ¿Imanöraq jövenkunata yanapan mana mantsakoq kayänampaq israelita shipash ruranqan? (2 Rey. 5:3; Sal. 8:2; 148:12, 13.)

   2. ¿Bibliawan consejamashqa wiyakunapaq, imanötan yanapamantsik Naamán ruranqan? (2 Rey. 5:15; Heb. 12:5, 6; Sant. 4:6.)

   3. ¿Eliseo ruranqampita Guehazí ruranqan hukläya kanqanta, imanöraq yachakuntsik? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)

70 willakï

1. ¿Pitaq Jonasqa, y mëta ëwanampaqraq Jehová kachakorqan?

2. Jehová kachakonqanman mana ëwëta munar, ¿imataraq ruran Jonás?

3. ¿Wamayëpaq viento päranampaq barco manejaqkuna imata rurayänampaqraq mañakorqan Jonás?

4. Kë dibüjochö rikakïkanqannö, ¿imaraq pasan Jonasta yakuman illakäriptin?

5. ¿Tsë hatun pescädopa pachanchö ëka hunaqraq karqan Jonás, imataraq tsëchö këkar rurarqan?

6. ¿Hatun pescädopeq yarqurir mëtaraq ëwarqan Jonás, y tsë ruranqa imataraq yachatsimantsik?

Wakin tapukïkuna:

1. Leinki Jonás 1:1-17.

   ¿Imaraq nerqan Jonás ninivïtakunata willapänampaq Jehová kachëkuptin? (Jon. 1:2, 3; Prov. 3:7; Ecl. 8:12.)

2. Leinki Jonás 2:1, 2, 10.

   ¿Jehová mañakïnintsikta yaskimunanta markäkunapaq, imanötaq Jonás ruranqan yanapamantsik? (Sal. 22:24; 34:6; 1 Juan 5:14.)

3. Leinki Jonás 3:1-10.

   1. ¿Imanöraq Jehová mandanqanta mana Jonás rurashqa këkaptimpis, yapë pë inshenqan noqantsikta yanapamantsik? (Sal. 103:14; 1 Ped. 5:10.)

   2. ¿Imanöraq markantsikchö nuna mayintsikkunata mana juzganapaq yanapamantsik ninivïtakunatawan Jonasta pasanqan? (Jon. 3:6-9; Ecl. 11:6; Hech. 13:48.)

71 willakï

1. ¿Piraq karqa Isaías, imëraq kawarqa, y imataraq Jehová rikätserqa?

2. ¿Ima ninanraq paraíso, imataraq yarpätsimantsik?

3. ¿Imata tsë mushoq Paraïsopita qellqanantaraq nerqa Jehová Isaïasta?

4. ¿Imanir-raq selläma shumaq huertachö täräyänanta oqrariyarqan Adanwan Eva?

5. ¿Imataraq llapan pë kuyaqninkunata änin Jehová?

Wakin tapukïkuna:

1. Leinki Isaías 11:6-9.

   1. ¿Imanö mushoq Patsachö nunakuna y animalkuna täräyänantaraq willamantsik Bibliachöqa? (Sal. 148:10, 13; Is. 65:25; Ezeq. 34:25.)

   2. ¿Imanöraq Jehová Diospa markanchö Isaías nenqan espiritualmente cumplikëkan? (Rom. 12:2; Efes. 4:23, 24.)

   3. ¿Piraq kanan tiempo y shamoq tiempochö nunakuna mana alli rurëninkuna haqiyanqampita alabashqa kanman? (Is. 48:17, 18; Gál. 5:22, 23; Filip. 4:7.)

2. Leinki Revelación 21:3, 4.

   1. Bibliachöqa kë patsachö nunakunawanmi Teyta Dios këkan ninmi, ¿rasumpëpatsuraq tsënö kë Patsachö këkan Teyta Dios nunakunawan? (Lev. 26:11, 12; 2 Crón. 6:18; Is. 66:1; Rev. 21:2, 3, 22-24.)

   2. ¿Imanö nanatsikï y waqakïkunaraq ushakärenqa? (Luc. 8:49-52; Rom. 8:21, 22; Rev. 21:4.)

72 willakï

1. ¿Piraq kë dibüjochö këkaq nuna, y imanir-raq alläpa hatun problëmankuna?

2. ¿Ima cartakunataraq Teyta Diospa nöpanman Ezequías churashqa, y imataraq oracionninchö mañakun?

3. ¿Imanö reyraq Ezequías karqa, y ima willakïtaraq profeta Isaïaswan Jehová apatserqa?

4. ¿Kë dibüjochö rikëkanqëkinö imanëkorqaraq asiriokunata Jehová Diospa angelnin?

5. Huk tiempo yamë ishkan kastakunapa reinon kashqa kaptimpis, ¿imaraq pasarqa Ezequías wanuriptin?

Wakin tapukïkuna:

1. Leinki 2 Reyes 18:1-36.

   1. ¿Imanöraq asiriokunapa willakoqnin Rabsaqué, israelïtakunapa fëninta ushakätsita tïrarqa? (2 Rey. 18:19, 21; Éx. 5:2; Sal. 64:3.)

   2. ¿Imanöraq Jehová Diospa testïgonkunaqa chikeqninkuna ushakätsita tïrayaptimpis Ezequïasnö kayan? (2 Rey. 18:36; Sal. 39:1; Prov. 26:4; 2 Tim. 2:24.)

2. Leinki 2 Reyes 19:1-37.

   1. Llakikï tiempokunachö, ¿imanöraq Ezequïasnö kayan kanan tiempo Jehová Dios kuyaq nunakuna? (2 Rey. 19:1, 2; Prov. 3:5, 6; Heb. 10:24, 25; Sant. 5:14, 15.)

   2. ¿Imaraq Rey Senaqueribta kima kuti pasarqa, y profëticamenteqa ima ninanraq karqa? (2 Rey. 19:32, 35, 37; Rev. 20:2, 3.)

3. Leinki 2 Reyes 21:1-6, 16.

   ¿Imanir-raq Jerusalenchö llapan reykunapitapis más mana alli reyqa karqa Manasesmi nintsik? (2 Crón. 33:4-6, 9.)

73 willakï

1. ¿Ëka watayoqraq Josías rey tikrarerqa, y qanchis wata reinarerqa imataraq rurar qallëkorqan?

2. ¿Imataraq qallanan dibüjochö rurëkan Josías?

3. ¿Imataraq templota altsëkäyaptin tarïkorqa sumo sacerdote?

4. ¿Imanir-raq Josías ratashninta rachirerqa?

5. ¿Ima Jehoväpa willakïnintaraq profetiza Hulda willarqa Josïasta?

Wakin tapukïkuna:

1. Leinki 2 Crónicas 34:1-28.

   1. ¿Wambra këninchö sasa kawashqakunapaqqa, imanöraq alli ejemplo Josías? (2 Crón. 33:21-25; 34:1, 2; Sal. 27:10.)

   2. ¿Imatayanraq Jehová Diosta alli adorayänampaq Josías rurarqa puwaq, chunka ishkë y chunka puwaq watakunachö reinëkar? (2 Crón. 34:3, 8.)

   3. ¿Imataraq rey Josïaswan y sumo sacerdote Hilquías Teyta Diospa templon altsatsiyanqampita yachakuntsik? (2 Crón. 34:9-13; Prov. 11:14; 1 Cor. 10:31.)

74 willakï

1. ¿Piraq tsë dibüjochö këkaq jövenqa?

2. ¿Imaraq profeta këpita pensarqa Jeremías, pero imaraq nerqa Jehová?

3. ¿Ima willakïkunataraq Jeremïasqa nunakunata willapëkanlla?

4. ¿Imanöraq Jeremïasta sacerdötekuna tsarëta tïrayan, pero imanöraq mana pëkunata mantsanqanta rikätserqa?

5. ¿Imaraq pasarqa israelïtakunata mana alli rurëninkunata mana haqiyanqanchö?

Wakin tapukïkuna:

1. Leinki Jeremías 1:1-8.

   1. Jeremías rikätsimanqantsiknö, ¿imaraq yachatsin nunakunata Jehová Diosta serviyänampaq? (2 Cor. 3:5, 6.)

   2. ¿Imanöraq Jeremïaspa ejemplon yanapan joven cristiänokunata? (Ecl. 12:1; 1 Tim. 4:12.)

2. Leinki Jeremías 10:1-5.

   ¿Imanöraq santokunaman markäkï mana alli kanqanta Jeremías rikätsimantsik? (Jer. 10:5; Is. 46:7; Hab. 2:19.)

3. Leinki Jeremías 26:1-16.

   1. Kanan tiempo Jehoväpa hatun piñakïnimpaq willapäkur, ¿imanöraq ‘ama horqankitsu ni ima nenqäta,’ nishpa Jeremïasta Jehová mandanqannö ungïdokuna rurëkäyan? (Jer. 26:2; Deut. 4:2; Hech. 20:27.)

   2. Kanan Jehová Diospa testïgonkunapaq, ¿imanöraq huk alli ejemplo karqa Jeremías, llapan markakunachö Jehová Diospa hatun piñakïnin willapäkïchö? (Jer. 26:8, 12, 14, 15; 2 Tim. 4:1-5.)

4. Leinki 2 Reyes 24:1-17.

   ¿Judá Jehová Diosta mana wiyakonqanchö ima llakikïkunataraq tarerqan? (2 Rey. 24:2-4, 14.)

75 willakï

1. ¿Kë dibüjochö chuskoq wambrakunaqa pikunayanraq kayan, y imanir-raq Babiloniachö këkäyan?

2. ¿Imataraq rurëta munan Nabucodonosorqa kë chuskun wambrakunawan, y imataraq mandarqan sirveqninkunata?

3. ¿Imanö mikïkunata qarayänampaqraq Danielwan amïgonkuna mañakuyarqan?

4. Verdürakunallata chunka hunaq mikurirnin, Egipcio jövenkunapitaqa, ¿imanöraq Danielwan kiman amïgonkuna këkäyan?

5. ¿Imanir-raq reypa palacionman apëkuyarqan kiman amïgontawan Danielta, y imachöraq reypa yachaqninkunapita y sacerdötenkunapitapis alli yachaq kayarqan?

Wakin tapukïkuna:

1. Leinki Daniel 1:1-21.

   1. ¿Imataraq rurashwan mana allikunaman mana ishkinapaq? (Dan. 1:8; Gén. 39:7, 10; Gál. 6:9.)

   2. ¿Imanöraq Teyta Diosta mana kuyaq nunakuna rurayanqanta “alläpa allitanö” rikar kanan jövenkuna munariyanman? (Dan. 1:8; Prov. 20:1; 2 Cor. 6:17–7:1.)

   3. ¿Imanöraq kë Patsachö nunakunapa yachatsikïnin ashipïta käyitsimantsik Bibliachö tsë chusku hebreo jövenkuna pasayanqan? (Dan. 1:20; Is. 54:13; 1 Cor. 3:18-20.)

76 willakï

1. ¿Imaraq kë dibüjochö pasëkan israelïtakunatawan Jerusalén markata?

2. ¿Piraq Ezequiel, y ima mantsakëpaq Jerusalenchö pasëkanqantaraq Jehová rikätsin?

3. ¿Imananqaraq Jehová mana wiyakoq israelïtakunata?

4. ¿Israelïtakuna rey Nabucodonosorpita rebelakuriyaptin, imanarqaraq kë rey nunakunata?

5. ¿Imanir-raq kënö israelïtakunata ushakätsiyänampaq haqirerqan Jehová?

6. ¿Imanir-raq Israel marka nunannaq tikrarerqa, y ëka tiempo?

Wakin tapukïkuna:

1. Leinki 2 Reyes 25:1-26.

   1. ¿Piraq Sedequías nuna karqa, imaraq pasarqa, y imanöraq Biblia nenqan cumplikärerqa? (2 Rey. 25:5-7; Ezeq. 12:13-15.)

   2. ¿Israel markapa llapan hutsampita pikunataraq Jehová culparqa? (2 Rey. 25:9, 11, 12, 18, 19; 2 Crón. 36:14, 17.)

2. Leinki Ezequiel 8:1-18.

   ¿Imanöraq Inti adoraq israelïtakunata qatiyashqa mana alli religionkuna? (Ezeq. 8:16; Is. 5:20, 21; Juan 3:19-21; 2 Tim. 4:3.)

77 willakï

1. ¿Imata rurayänampaqraq Babiloniapa reynin mandakushqa?

2. ¿Imanirtaq Danielpa kiman amïgonkunaqa mana qonqurikïkäyantsu tsë öropita imägenman?

3. Tsë kiman joven hebrëokunata Nabucodonosor yapë qonqurikuyänampaq nikaptimpis, ¿imanöraq Jehová Diosman markäkuyanqanta rikätsikuyarqan?

4. ¿Sadrac, Mesac y Abednego jövenkunawan imata rurayänampaqraq mandarqan Nabucodonosor nunankunata?

5. ¿Imataraq Nabucodonosor rikärerqan horno rurinman qawärir?

6. ¿Imanir-raq Sadrac, Mesac y Abednego jövenkunapa Diosninta alabarqan rey, y imataraq pëkunapita yachakuntsik?

Wakin tapukïkuna:

1. Leinki Daniel 3:1-30.

   1. ¿Imanöraq fënintsik pruëbaman churakaptin qatishwan tsë kiman hebreo jövenkuna rurayanqanta? (Dan. 3:17, 18; Mat. 10:28; Rom. 14:7, 8.)

   2. ¿Imataraq yachatserqan Jehová Dios Nabucodonosorta? (Dan. 3:28, 29; 4:34, 35.)

78 willakï

1. ¿Imaraq pasarqan Babiloniapa reynin hatun fiestanchö Jerusalempita Jehová Diospa cöpankuna y tazonninkuna apanqanta inshikaptin?

2. ¿Imaraq nin Belsasar yachaqninkunata, pero imataraq rurëta puëdeyantsu?

3. ¿Imataraq nikan mamänin Belsasarta?

4. Daniel reyta nikanqannö, ¿imanir-raq huk makiwan Teyta Dios qellqatserqan perqachö?

5. ¿Imanöraq Daniel perqachö qellqarëkaq ima ninantapis käyitserqan?

6. ¿Imaraq pasarqan Daniel manaraq parlar ushaptin?

Wakin tapukïkuna:

1. Leinki Daniel 5:1-31.

   1. ¿Shonquntsikpita patsë Teyta Diosta mantsakïnintsik, igualantsuraq Belsasar perqachö qellqarëkaqta rikar mantsakanqanwan? (Dan. 5:6, 7; Sal. 19:9; Rom. 8:35-39.)

   2. ¿Imanöraq Daniel valiente këninta rikätserqa rey Belsasarwan y reqishqa nunankunawan parlarnin? (Dan. 5:17, 18, 22, 26-28; Hech. 4:29.)

   3. ¿Imanötaq Daniel pitsqa capïtulonchö rikätsimantsik Jehová Dioslla llapampita más puëdeq kanqanta? (Dan. 4:17, 25; 5:21.)

79 willakï

1. ¿Piraq Darïoqa karqan, y imanö nunapaqraq churarqan Danielta?

2. ¿Imata Darío ruranampaqraq lograriyarqan Daniel chikeqkuna?

3. ¿Imataraq tsë mushoq leyta musyarir rurarqa Daniel?

4. ¿Imanir-raq llakinëwan mana punukantsu rey Darío, y imataraq waränin ruran?

5. ¿Imanöraq rey Darïota yaskin Daniel?

6. ¿Imaraq Danielta chikeq nunakunata pasarqa, y imataraq llapan gobernanqan nunakunapaq qellqarqa Darío?

Wakin tapukïkuna:

1. Leinki Daniel 6:1-28.

   1. ¿Imanöraq kanan tiempo Jehoväpa testïgonkuna willapäkuyanqanta ushakätsita tïrayanqan yarpätsimantsik unë Danielta chikeqninkuna ushakätsita munayanqan? (Dan. 6:7; Sal. 94:20; Is. 10:1; Rom. 8:31.)

   2. ¿Imanöraq Danielta qatiyan kanan tiempo cristiänokuna “gobernantekuna” rikëchö? (Dan. 6:5, 10; Rom. 13:1; Hech. 5:29.)

   3. ¿Imanöraq Danielnö noqantsikpis Jehová Diosta ‘servikashwanlla imëpis’? (Dan. 6:16, 20; Filip. 3:16; Rev. 7:15.)

80 willakï

1. ¿Imataraq israelïtakuna rurëkäyan tsë dibüjochö rikëkanqëkinö?

2. ¿Imanöraq Jehová Isaïaswan qellqatsenqanta Ciro cumplerqan?

3. ¿Imaraq mana Jerusalenman kuteq israelïtakunata nerqa Ciro?

4. ¿Imataraq Jerusalenman kutikur nunakuna apakuyänampaq qorqa Ciro?

5. ¿Ëka tiempochöraq chäyarqa israelïtakuna Jerusalenman?

6. ¿Ëka wataraq pasarerqa, mana ni huk nunayoq Jerusalén marka tikrarenqampita?

Wakin tapukïkuna:

1. Leinki Isaías 44:28 y 45:1-4.

   1. ¿Imanöraq rasumpëpa Cïrochö profecía cumplikänampaq kutipëkuryan Jehová parlarqan? (Is. 55:10, 11; Rom. 4:17.)

   2. ¿Imanöraq shamoq tiempokunachö pasananta Jehová musyanqanta rikätsimantsik y Jehová Isaïaswan qellqatsenqan Cïrochö cumplikanqan? (Is. 42:9; 45:21; 46:10, 11; 2 Ped. 1:20.)

2. Leinki Esdras 1:1-11.

   ¿Imanöraq mana Jerusalén kutikoqkunapa ejemplonta qatir noqantsikpis, Jehová Diospita más willapäkur uryë munaqkunata yanapashwan ‘makinkunata kallpayoqyätsir’? (Esd. 1:4, 6; Rom. 12:13; Col. 4:12.)

81 willakï

1. ¿Jerusalenyaq Babiloniapita patsë ëka nunakunaraq kutiyarqa, pero imataraq chärir taririyarqa?

2. ¿Imata rurar-raq qallëkuyarqan Jerusalenman chärir israelïtakuna, pero imataraq chikeqninkuna rurayarqan?

3. ¿Pikunaraq kayarqa Agëowan Zacarías, y imaraq niyarqan nunakunata?

4. ¿Imanir-raq Babiloniaman cartakorqa Tatenai?

5. ¿Imataraq Teyta Diospa templon altsëpaq këkanqanta musyarir rurarqa Esdras?

6. Tsë dibüjochö rikëkanqëkinö, ¿imataraq Jehová Diosta mañakun Esdras y imanöraq mañakïninta yaskerqan Jehová? ¿Imataraq kë yachatsimantsik?

Wakin tapukïkuna:

1. Leinki Esdras 3:1-13.

   Mana ni huk congregación kaq markachö tärarqa, ¿imataraq rurëkashwanlla? (Esd. 3:3, 6; Hech. 17:16, 17; Heb. 13:15.)

2. Leinki Esdras 4:1-7.

   ¿Imanöraq mana alli religionkunawan mana takukänapaq huk alli ejemplota qomarqantsik Zorobabel? (Éx. 34:12; 1 Cor. 15:33; 2 Cor. 6:14-17.)

3. Leinki Esdras 5:1-5, 17 y 6:1-22.

   1. ¿Imanir-raq templota qeshpitsiyänanta mana päratsita puëdeyarqatsu chikeqninkuna? (Esd. 5:5; Is. 54:17.)

   2. ¿Imanöraq kanan tiempo anciänokuna chikikïkuna kaptin, Jehová Diospa yachatsikïninta ashiyänampaq yanapayan tsë unë judío anciänokuna rurayanqan? (Esd. 6:14; Sal. 32:8; Rom. 8:31; Sant. 1:5.)

4. Leinki Esdras 8:21-23, 28-36.

   Manaraq imatapis rurar, ¿imanöraq Esdraspa ejemplonta qatishwan? (Esd. 8:23; Sal. 127:1; Prov. 10:22; Sant. 4:13-15.)

82 willakï

1. ¿Pikunaraq kayan Mardoquëowan Esterqa?

2. ¿Imanir-raq huk mushoq warmin ashin rey Asuero, y pitaraq akran?

3. ¿Piraq Hamán nunaqa y imanir-raq alläpa piñakurkun?

4. ¿Ima leytaraq qellqatsiyan, y imataraq Mardoquëopa willakïninta chaskirir ruran Ester?

5. ¿Imaraq Mardoquëotawan Hamán nunata pasayan?

6. ¿Imanöraq chikeqninkunapita salvakuyan israelïtakuna?

Wakin tapukïkuna:

1. Leinki Ester 2:12-18.

   ¿Imanötaq Ester ruranqan rikätsimantsik “ñampu y alli shonquyoq” kanapaq? (Est. 2:15; 1 Ped. 3:1-5.)

2. Leinki Ester 4:1-17.

   ¿Imanöraq mëchö këkarpis Esternö kaq Jehová Diosllapaq kanqantsikta rikätsikushwan? (Est. 4:13, 14; Mat. 5:14-16; 24:14.)

3. Leinki Ester 7:1-6.

   ¿Imanöraq kanan tiempo cristiänokunapis Esternö kaq qatikachashqa y chikishqa kayan? (Est. 7:4; Mat. 10:16-22; 1 Ped. 2:12.)

83 willakï

1. ¿Imanöraq kayarqa israelïtakuna Jerusalenpa hiruroq perqankuna mana kaptin?

2. ¿Piraq Nehemías?

3. ¿Imachöraq uryan Nehemías, y imanir-raq alläpa importante?

4. ¿Imata wiyarir-raq llakishqa tikrarin Nehemías, y imataraq ruran?

5. ¿Imanöraq rey Artajerjes ankupëkorqa Nehemïasta?

6. ¿Imanöraq chikeqninkuna templo rurayänanta mana tsaräyänampaq alistapakorqan Nehemías?

Wakin tapukïkuna:

1. Leinki Nehemías 1:4-6 y 2:1-20.

   ¿Imanöraq Jehová Diospa yanapëninta asherqa Nehemías? (Neh. 2:4, 5; Rom. 12:12; 1 Ped. 4:7.)

2. Leinki Nehemías 3:3-5.

   ¿Imataraq “mandakoqninkunapita” Teqoïtakuna hukläya kayanqanta yachakuyanman kanan siervo ministerialkuna y anciänokuna? (Neh. 3:5, 27; 2 Tes. 3:7-10; 1 Ped. 5:5.)

3. Leinki Nehemías 4:1-23.

   1. ¿Imaraq tsëläya chikikäyaptimpis templota rurar uryëkäyänampaq yanaparqa israelïtakunata? (Neh. 4:6, 8, 9; Sal. 50:15; Is. 65:13, 14.)

   2. ¿Imanöraq israelïtakuna rurayanqan kanan yanapamantsik?

4. Leinki Nehemías 6:15.

   ¿Imataraq ishkë killallachö Jerusalenpa perqankunata sharkatsiyanqan yachatsimantsik fëyoq këpita? (Sal. 56:3, 4; Mat. 17:20; 19:26.)

84 willakï

1. ¿Piraq tsë dibüjochö warmi?

2. ¿Imaraq Marïata nerqa ángel Gabriel?

3. ¿Imanöraq mana huk nunawan kashqa kaptimpis Marïapa huk wambran kananta käyitsin ángel Gabriel?

4. ¿Imaraq kastan Elisabet watukanqanchö pasan Marïata?

5. ¿Imaraq Marïapa llullun kananta musyarir nerqa José, pero tsëpitaqa imanir-raq hukläya pensarerqa?

Wakin tapukïkuna:

1. Leinki Lucas 1:26-56.

   1. Tsë Lucas 1: 35 nenqannö, ¿imanönaraq Teyta Diospa Tsurin hutsannaq yurerqan maman María hutsasapa këkaptimpis? (Ageo 2:11-13; Juan 6:69; Heb. 7:26; 10:5.)

   2. ¿Imanöraq manaraq yuriptimpis honrayarqa Jesusta? (Luc. 1:41-43.)

   3. ¿Imanöraq especial privilegio chaskeq cristiänokunapaq María huk ejemplo karqa? (Luc. 1:38, 46-49; 17:10; Prov. 11:2.)

2. Leinki Mateo 1:18-25.

   Mana Emmanuel nishpa Jesusta shutitsiyashqa kaptimpis, ¿imanöraq kawëninchö rikätsikorqa kë shuti significanqanta? (Mat. 1:22, 23; Juan 14:8-10; Heb. 1:1-3.)

85 willakï

1. ¿Piraq tsë dibüjochö këkaq llullïtuqa, y mëmanraq María punïkätsin?

2. ¿Imanir-raq animalkuna llawiränanchö yurerqan Jesús?

3. ¿Pikunaraq kayan animalkuna llawiränaq wayiman yëkïkaq nunakuna, y imaraq huk ángel nerqa?

4. ¿Imanir-raq Jesusqa especial?

5. ¿Imanir-raq Teyta Diospa Tsurin niyanman Jesusta?

Wakin tapukïkuna:

1. Leinki Lucas 2:1-20.

   1. ¿Imataraq César Augusto rurarqa Jesús yurinampita willakoq profecïakuna cumplikänampaq? (Luc. 2:1-4; Miq. 5:2.)

   2. ¿Imanöraq, “alli munëyoq nunakuna” nishqan rurinchö këkashwan? (Luc. 2:14; Mat. 16:24; Juan 17:3; Hech. 3:19; Heb. 11:6.)

   3. Huk Salvadorpa yurikïnimpitash unë Judea markachö mitsikoqkuna selläma kushïkuyänaq, ¿imanir-raq kanan tiempo Teyta Diospa sirveqninkunaqa masraq kushikuyanman? (Luc. 2:10, 11; Efes. 3:8, 9; Rev. 11:15; 14:6.)

86 willakï

1. ¿Pikunaraq kë dibüjochö këkaq nunakunaqa kayan, y imanir-raq huk chipapaq estrëllata rikarëkäyan?

2. ¿Imanir-raq rey Herodes yarpakachëkun, y imataraq ruran?

3. ¿Mëmanraq tsë chipapaq estrella pushan nunakunata, pero imanir-raq huk nänipa kutikuyarqan markankunata?

4. ¿Imataraq Herodes mandakorqan, y imanir?

5. ¿Imaraq Jehová nin Josëta?

6. ¿Piraq tsë mushoq estrëllata chipapätserqa, y imanir?

Wakin tapukï:

1. Leinki Mateo 2:1-23.

   ¿Ëka watayoqraq karqa Jesús, y mëchöraq tärarqa estrella estudiaqkuna watukayänan witsan? (Mat. 2:1, 11, 16.)

87 willakï

1. ¿Ëka watayoqraq Jesús këkan kë dibüjochö, y mëchöraq këkan?

2. ¿Imataraq familianwan cada wata ruran José?

3. Wayinkunaman huk hunaqnöna kutirëkar, ¿imanir-raq Jerusalenyaq kutiyarqa Josëwan María?

4. ¿Mëchöraq Jesusta taririyan Josëwan María, y imanir-raq espantashqa këkäyan nunakuna?

5. ¿Imaraq maman Marïata Jesús nin?

6. ¿Imanöraq Teyta Diospita yachakur qatishwan Jesús ruranqanta?

Wakin tapukïkuna:

1. Leinki Lucas 2:41-52.

   1. Cada wata fiestaman ollqukunalla ëwayänampaq Ley nishqa kaptimpis, ¿imanöraq kanan tiempo wambrayoqkunapaq huk ejemplo kayarqa Josëwan María? (Luc. 2:41; Deut. 16:16; 31:12; Prov. 22:6.)

   2. ¿Imanöraq kanan tiempo jövenkuna papäninkunata wiyakuyänampaq alli ejemplo karqa Jesús? (Luc. 2:51; Deut. 5:16; Prov. 23:22; Col. 3:20.)

2. Leinki Mateo 13:53-56.

   ¿Bibliachöqa mëqan chusku Jesuspa wawqinkunapaqraq parlan, y tsëpitaqa congregacionkunachö, imanöraq yanapakuyarqa ishkë kaq? (Mat. 13:55; Hech. 12:17; 15:6, 13; 21:18; Gál. 1:19; Sant. 1:1; Jud. 1.)

88 willakï

1. ¿Pikunaraq kë dibüjochö këkaq nunakunaqa kayan?

2. ¿Imanöraq huk nuna bautizakun?

3. ¿Pikunataraq Juan Bautizan?

4. ¿Imanir-raq Juan bauticëkunanta munan Jesús?

5. ¿Imanöraq Jesús bautizakuriptin Teyta Diosta kushikïninta rikätserqa?

6. ¿Imaraq chusku chunka hunaq chunyaqta Jesús ëwkonqanchö pasarqa?

7. ¿Pikunayanraq kayarqa punta Jesuspa qateqninkuna y imaraq punta milagron karqa?

Wakin tapukïkuna:

1. Leinki Mateo 3:13-17.

   ¿Imanö qateqninkuna bautizakuyänampaqraq yachatsikorqa Jesús? (Sal. 40:7, 8; Mat. 28:19, 20; Luc. 3:21, 22.)

2. Leinki Mateo 4:1-11.

   ¿Imanöraq Jesús Bibliata alleq inshenqan yanapamantsik noqantsikpis cada hunaq Bibliata estudianapaq? (Mat. 4:5-7; 2 Ped. 3:17, 18; 1 Juan 4:1.)

3. Leinki Juan 1:29-51.

   ¿Pimanraq pusharqan Juan el Bautista qateqninkunata, y imanöraq noqantsikpis pë ruranqannö rurashwan? (Juan 1:29, 35, 36; 3:30; Mat. 23:10.)

4. Leinki Juan 2:1-12.

   ¿Imanöraq llapan allita Jehová Dios qoykämanqantsikta rikätsimantsik punta Jesús ruranqan milagrochö? (Juan 2:9, 10; Sal. 84:11; Sant. 1:17.)

89 willakï

1. ¿Imanir-raq templochö animalkunata rantikuyan?

2. ¿Imanir-raq Jesús piñakurkun?

3. Tsë dibüjochö rikëkanqëkinö, ¿imataraq Jesús ruran, y imataraq mandan paloma rantikoqkunata?

4. ¿Imataraq yarpäriyan Jesuspa qateqninkuna llapan rurëkanqanta rikärir?

5. ¿Mëqan distrïtoparaq Galilëaman kutimur pasamun Jesús?

Wakin tapukï:

1. Leinki Juan 2:13-25.

   Templochö rantikïkaqkunawan Jesús piñëkonqampita, ¿imataraq yachakushwan Yachatsikuyänan Wayikunachö qatukuna rurëpita? (Juan 2:15, 16; 1 Cor. 10:24, 31-33.)

90 willakï

1. ¿Imanir-raq Samaria pozo lädonchö hamarishqa Jesús, y imaraq nin tsëman ëwashqa warmita?

2. ¿Imata Jesús niptinraq tsë warmi mantsakëkorqa y imanir?

3. ¿Ima yakupita parlëkanqantaraq pensarqa tsë warmi, pero ima yakupitaraq parlëkarqa Jesusqa?

4. ¿Imanir-raq mantsakëkorqa kë warmiqa pëpita Jesús musyanqanwan, y mëpitaraq tsë llapanta musyarerqa Jesús?

5. ¿Imataraq kë willakïpita yachakuntsik?

Wakin tapukïkuna:

1. Leinki Juan 4:5-43.

   1. ¿Imanöraq rikashwan huk marka, huk kasta, qellëyoq y mana qellëyoq nunakunatapis, Jesús ruranqannö rurar? (Juan 4:9; 1 Cor. 9:22; 1 Tim. 2:3, 4; Tito 2:11.)

   2. ¿Jesuspa qateqnin tikraqkunaqa ima bendición espiritualtaraq chaskiyan? (Juan 4:14; Is. 58:11; 2 Cor. 4:16.)

   3. ¿Imanöraq samaritana ruranqannö noqantsikpis yachakonqantsikwan rurashwan? (Juan 4:7, 28; Mat. 6:33; Luc. 10:40-42.)

91 willakï

1. Tsë dibüjochö rikanqëkinö, ¿mëchöraq Jesús yachatsikïkan, y pikunaraq kayan lädonchö tëkaqkunaqa?

2. ¿Imayanraq Jesuspa 12 apostolninkunapa shutinkuna?

3. ¿Imaraq tsë Jesús yachatsikonqan Reinoqa?

4. ¿Imata oracionninkunachö mañakïtaraq yachatsin Jesús nunakunata?

5. ¿Nuna mayinkunawan imanö kayänantaraq tsëchö Jesús nikarqa?

Wakin tapukïkuna:

1. Leinki Mateo 5:1-12.

   ¿Imanöraq rikarätsishwan espiritual mikïkunata necesitanqantsikta? (Mat. 5:3; Rom. 10:13-15; 1 Tim. 4:13, 15, 16.)

2. Leinki Mateo 5:21-26.

   ¿Imanöraq cristiano mayintsikkunawan imanöpis kawëkanqantsik, Jehoväwan alli o mana alli kanantsikpaq kanqanta rikätsimantsik Mateo 5:23, 24? (Mat. 6:14, 15; Sal. 133:1; Col. 3:13; 1 Juan 4:20.)

3. Leinki Mateo 6:1-8.

   ¿Farisëokunapa ima mana alli rurëninkunataraq cristiänokuna mana qatiyanmantsu? (Luc. 18:11, 12; 1 Cor. 4:6, 7; 2 Cor. 9:7.)

4. Leinki Mateo 6:25-34.

   ¿Imanöraq Jesús yachatsikorqa Jehová Dios llapan necesitanqantsikta qomänantsikman markäkïpita? (Éx. 16:4; Sal. 37:25; Filip. 4:6.)

5. Leinki Mateo 7:1-11.

   ¿Imataraq Mateo 7:5 textochö Jesús nenqan yachatsimantsik? (Prov. 26:12; Rom. 2:1; 14:10; Sant. 4:11, 12.)

92 willakï

1. ¿Piraq tsë dibüjochö warmi wambrapa papänin, y imanir-raq papäninkunaqa alläpa llakirnin yarparëkuyarqa?

2. ¿Imataraq Jesusta taririr Jairo rurarqa?

3. ¿Imaraq pasarqa Jairopa wayinman Jesús ëwanqanyaq, y imataraq Jairota willariyarqa nänichö?

4. ¿Imanir-raq Jairopa wayinchö këkaq nunakuna Jesuspita asikuyarqa?

5. ¿Imataraq Jesús rurarqa kima apostolninkunawan y tsë warmi wambrapa cuartonman papäninkunawan yëkurir?

6. ¿Pikunatayanraq hina Jesús kawaritserqa, imataraq rikätsimantsik kë llapan ruranqan?

Wakin tapukïkuna:

1. Leinki Lucas 8:40-56.

   ¿Imanir-raq yawar ëwëyoq warmiwanqa alläpa ankupäkoqmi Jesús karqan nintsik, y imataraq anciänokuna këpita yachakuyanman? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)

2. Leinki Lucas 7:11-17.

   ¿Naín viudata Jesús ankupanqampita imataraq yachakuyanman kanan wanupukushqakuna? (Luc. 7:13; 2 Cor. 1:3, 4; Heb. 4:15.)

3. Leinki Juan 11:17-44.

   ¿Imanöraq wanushqakunapaq waqëqa mana penqakïpaq kanqanta yachatsimantsik Jesús? (Juan 11:33-36, 38; 2 Sam. 18:33; 19:1-4.)

93 willakï

1. ¿Ima mantsakëpaqraq pasëkushqa Juan el Bautizanteta, y imanöraq Jesús tikrarerqan tsëta musyarir?

2. ¿Imanöraq llapan pëman ëwaq nunakunata Jesús qarashqa, y karqatsuraq katupikuna?

3. ¿Imanir-raq ampipa qateqninkuna mantsakäyarqan, y imaraq Pedrowan pasan?

4. ¿Imanöraq yapë waranqëpayan nunakunata Jesús qararqan?

5. ¿Imanir-raq Teyta Dios akrashqan Reynö Jesús Patsata gobernar qallëkamuptin selläma shumaq imëkapis kanqa?

Wakin tapukïkuna:

1. Leinki Mateo 14:1-32.

   1. ¿Pedro imanöpis kanqanta, imanöraq Mateo 14:23-32 rikätsimantsik?

   2. ¿Imanöraq Biblia rikätsimantsik Pedro genionchö alliyanqanta? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)

2. Leinki Mateo 15:29-38.

   ¿Imanöraq papänin Jehová mikïninkuna qonqanta respetarqan Jesús? (Mat. 15:37; Juan 6:12; Col. 3:15.)

3. Leinki Juan 6:1-21.

   ¿Imanöraq Jesusta qatishwan kanan tiempo cristiänokuna autoridadkuna rikëchö? (Juan 6:15; Mat. 22:21; Rom. 12:2; 13:1-4.)

94 willakï

1. ¿Imanir-raq karu markapita kutikämur apostolkuna piñatsinakuyan?

2. ¿Imanir-raq apostolninkuna chöpinman churarerqan huk wambrata qayarirnin?

3. ¿Imachöraq wambrakunanö apostolkuna kayänan karqan?

4. ¿Imanöraq wambrakunata kuyanqanta rikätsikorqa Jesús killakuna pasariptin?

Wakin tapukïkuna:

1. Leinki Mateo 18:1-4.

   ¿Imanir-raq ilustracionkunata Jesús insheq yachatsikïninchö? (Mat. 13:34, 36; Mar. 4:33, 34.)

2. Leinki Mateo 19:13-15.

   ¿Reinopa bendicionninkunata chaskita munarqa, imanö wambrakuna kayanqantaraq qatishwan? (Sal. 25:9; 138:6; 1 Cor. 14:20.)

3. Leinki Marcos 9:33-37.

   ¿Imataraq mandakoq o reqishqa kë munëpita Jesús yachatserqa qateqninkunata? (Mar. 9:35; Mat. 20:25, 26; Gál. 6:3; Filip. 2:5-8.)

4. Leinki Marcos 10:13-16.

   ¿Imataraq congregacionchö anciänokuna yachakuyanman Jesús yachanëllapaq kanqampita? (Mar. 6:30-34; Filip. 2:1-4; 1 Tim. 4:12.)

95 willakï

1. ¿Imataraq tapukun Jesusta huk nuna, y imanir?

2. ¿Imataraq a veces insheq Jesús yachatsikur, y imataraq judïokunapita y samaritänokunapita yachakorqontsik?

3. ¿Imaraq Jericó nänipa ëwarëkaptin pasëkorqa huk judío nunata Jesuspa willakïninchö?

4. ¿Imataraq tsë nänipa huk sacerdote judïowan huk levita pasarëkar rurayarqa?

5. Tsë dibüjochö rikëkanqëkinö, ¿piraq tsë hitarëkaq judïota yanapëkan?

6. ¿Imataraq Jesús tapurin tsë nunata willakïninta usharir, y imanöraq tsë nuna yaskirerqa?

Wakin tapukïkuna:

1. Leinki Lucas 10:25-37.

   1. Tsë nunapa tapukïninta mana raslla willashpa, ¿imanöraq huk alli leykuna reqeq nunata yanaparqa Jesús? (Luc. 10:26; Mat. 16:13-16.)

   2. ¿Imanöraq pëpita asiki munaqkunata willapänampaq ilustracionkunata insherqa Jesús? (Luc. 10:36, 37; 18:9-14; Tito 1:9.)

96 willakï

1. ¿Imataraq tsë markakunachö purikar rurarqa Jesús?

2. ¿Bautizakonqampita kima watanöna pasariptin, imataraq Jesús nerqa apostolninkunata?

3. ¿Tsë dibüjochö këkaqkunaqa pikunaraq kayan, y imataraq tsë warmipaq ruran Jesús?

4. ¿Imanir-raq Jesús penqakaratsin religiösokunata yaskenqanwan?

5. Jericó markaman Jesús apostolninkunawan yëkupëkar, ¿imataraq ishkë wiskukunapaq rurarqa?

6. ¿Imanir-raq Jesús ruran milagrokunata?

Wakin tapukïkuna:

1. Leinki Mateo 15:30, 31.

   ¿Imanöraq Jesuswan rikätsimantsik Jehová poderoso këninta, y imanöraq tsë mushoq Patsa änimanqantsikman más markäkïta yachatsimashwan? (Sal. 37:29; Is. 33:24.)

2. Leinki Lucas 13:10-17.

   ¿Imanöraq Jesús waranqa wata gobernamur nunakunapaq alli kënin apamunanta rikätsimantsik säbadokunachöpis milagrokuna ruranqan? (Luc. 13:10-13; Sal. 46:9; Mat. 12:8; Col. 2:16, 17; Rev. 21:1-4.)

3. Leinki Mateo 20:29-34.

   ¿Imataraq yachakushwan kë willakïchö Jesús nunakunata yanapanampaq mana ni imëpis ocupado kanqanta? (Deut. 15:7; Sant. 2:15, 16; 1 Juan 3:17.)

97 willakï

1. ¿Jerusalenman chänëkar, imataraq Jesús mandarqa qateqninkunata?

2. ¿Jerusalén markaman Jesús yëkurëkaptin, imaraq pasarqa tsë dibüjochö rikëkanqëkinö?

3. ¿Imataraq wiskukunata y maqllukunata Jesús kachakätseqta rikar wambrakuna rurayan?

4. ¿Imaraq Jesús piñashqa sacerdötekunata nin?

5. ¿Imanöraq Jesús alabaq wambrakunanö noqantsikpis kashwan?

6. ¿Imataraq qateqninkuna musyëta munayan?

Wakin tapukïkuna:

1. Leinki Mateo 21:1-17.

   1. ¿Imanir-raq Jerusalenman reynö Jesús yëkonqanqa hukläya karqa unë Roma soldädokunapa mandakoqninkuna peleachö chikeqninkunata ëwaratsir kutir yëkuyanqampitaqa? (Mat. 21:4, 5; Zac. 9:9; Filip. 2:5-8; Col. 2:15.)

   2. ¿Imataraq Jesús temploman yëkuriptin israelita wambrakuna Salmo 118 nenqanta yarpäyanqampita, kanan jövenkuna yachakuyanman? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

2. Leinki Juan 12:12-16.

   ¿Imaraq significarqa Jesús Jerusalenman yëkurëkaptin nunakuna palmërankunawan alabar chaskiyanqan? (Juan 12:13; Filip. 2:10; Rev. 7:9, 10.)

98 willakï

1. ¿Tsë dibüjochöqa mëqanraq Jesús, y pikunaraq kayan pëwan këkaqkunaqa?

2. ¿Imataraq templochö sacerdötekuna Jesusta rurëkïta munayarqa, y imaraq Jesús nïkorqa?

3. ¿Imataraq apostolninkuna tapuyarqa Jesusta?

4. ¿Imanir-raq ciëlochö gobernëkaptin kë Patsachö pasananta willarqa Jesús apostolninkunata?

5. ¿Kë Patsachö mana allikunata manaraq ushakätsimuptin, ima pasanqa nerqaraq Jesús?

Wakin tapukïkuna:

1. Leinki Mateo 23:1-39.

   1. Mana Teyta Dios reqeqkunata tïtulonkunapa qayë mana Bibliachö prohibido kaptimpis, ¿imanöraq Mateo 23:8-11 Jesús nenqan käyitsimantsik congregacionkunachö tïtulokuna rikëta? (Hech. 26:25; Rom. 13:7; 1 Ped. 2:13, 14.)

   2. ¿Imataraq nunakuna mana cristiano tikrayänampaq farisëokuna rurayarqa, y kanan tiempopis imataraq tsë mandakoq religiösokuna unënölla rurëkäyan? (Mat. 23:13; Luc. 11:52; Juan 9:22; 12:42; 1 Tes. 2:16.)

2. Leinki Mateo 24:1-14.

   1. ¿Imanöraq Mateo 24:13 rikätsimantsik importante alleq tsarakï kanqanta?

   2. ¿Mateo 24:13 “ushëyaq” nenqan ima ninanraq? (Mat. 16:27; Rom. 14:10-12; 2 Cor. 5:10.)

3. Leinki Marcos 13:3-10.

   ¿Marcos 13:10 nenqanchö mëqan palabraraq käyitsimantsik alläpa urgente willapäki kanqanta, y imanöraq kë Jesús nenqanta noqantsikpis rikashwan? (Rom. 13:11, 12; 1 Cor. 7:29-31; 2 Tim. 4:2.)

99 willakï

1. Tsë dibüjochö rikanqëkinö, ¿imanir-raq hanan kaq hatun cuartochö Jesús këkan chunka ishkë apostolninkunawan?

2. ¿Piraq tsë yarqurëkaqqa, y imataraq ruranqa?

3. ¿Pascua mikïta usharir ima especial cënataraq qallarerqa Jesús?

4. ¿Pascuachö imataraq yarpäyaq israelïtakuna, y imatanaraq Jesuspa qateqninkunata kananqa yarpätsenqa kë especial cena?

5. Tsë Cena del Señor nishqanta usharir, ¿imaraq qateqninkunata nikan Jesús y imataraq pëkuna rurayan?

Wakin tapukïkuna:

1. Leinki Mateo 26:14-30.

   1. ¿Mateo 26:15 nenqan, imanötaq rikätsimantsik Jesusta Judas traicionanampaqqa pensashqana kanqanta?

   2. ¿Jesuspa ramashqa yawarnin, imapaqyanraq karqa? (Mat. 26:27, 28; Jer. 31:31-33; Efes. 1:7; Heb. 9:19, 20.)

2. Leinki Lucas 22:1-39.

   ¿Imanöparaq Satanás yëkurerqa Jüdasman? (Luc. 22:3; Juan 13:2; Hech. 1:24, 25.)

3. Leinki Juan 13:1-20.

   1. Juan 13:2 leirïkur culpashwantsuraq Jüdasta tsë mana alli ruranqampita, y imataraq kanan tiempo cristiänokuna yachakushwan këpita? (Gén. 4:7; 2 Cor. 2:11; Gál. 6:1; Sant. 1:13, 14.)

   2. ¿Ima alli ejemplokunataraq Jesús yachatsikorqa? (Juan 13:15; Mat. 23:11; 1 Ped. 2:21.)

4. Leinki Juan 17:1-26.

   ¿Imachö llapan qateqninkuna “hukllëlla” kayänantaraq mañakorqa Jesús? (Juan 17:11, 21-23; Rom. 13:8; 14:19; Col. 3:14.)

100 willakï

1. ¿Mëtaraq tsë hanan kaq cuartopita yarqurir ëwayan Jesús apostolninkunawan, y imata rurëkäyanki nerqaraq?

2. ¿Apostolninkunaman kutirir imanö këkaqtaraq taririn Jesús, y ëka kutiraq kë pasarqa?

3. Tsë dibüjochö rikëkanqëkinö, ¿pikunaraq tsë huertaman yëkuriyan y imataraq ruran Judas Iscariote?

4. ¿Imanir-raq Judas Jesusta mutsarin, y imataraq Pedro ruran?

5. ¿Imaraq Jesús Pëdrota nin, pero imanir-raq Teyta Dios angelninta kachëkamunampaq mana mañakuntsu Jesús?

Wakin tapukïkuna:

1. Leinki Mateo 26:36-56.

   1. ¿Jesús yachëllapa qateqninkunata willapanqan, imanir-raq huk alli ejemplo kanan congregacionkunachö anciänokunapaq? (Mat. 20:25-28; 26:40, 41; Gál. 5:17; Efes. 4:29, 31, 32.)

   2. ¿Imanöraq nuna mayinkunapa contran armakuna inshita rikarqa Jesús? (Mat. 26:52; Luc. 6:27, 28; Juan 18:36.)

2. Leinki Lucas 22:39-53.

   Getsemaní huertachö këkaptinshi huk ángel Jesuspa fënin chachaqyätseq ëwanaq, ¿Jesuspa fënin pishipäkurishqa kaptintsuraq ëwarqa? Explicarlo (Luc. 22:41-43; Is. 49:8; Mat. 4:10, 11; Heb. 5:7).

3. Leinki Juan 18:1-12.

   ¿Imanöraq Jesús qateqninkunata chikeqninkunapita tsaparqa, y imataraq tsë ejemplompita yachakuntsik? (Juan 10:11, 12; 18:1, 6-9; Heb. 13:6; Sant. 2:25.)

101 willakï

1. ¿Piraq Jesuspa wanïnimpita principal culpable karqa?

2. ¿Imataraq apostolkuna rurayan religiösokuna Jesusta apakuyaptin?

3. ¿Imaraq pasan sumo sacerdote Caifás nishqampa wayinchö?

4. ¿Imanir-raq Pedro ewkur waqëkun?

5. Pilätoman Jesusta yapë apariyaptin, ¿ima nishparaq tsë sacerdötekuna qapariyan?

6. ¿Imaraq pasan Jesusta viernes tarde, y imataraq änerqa lädonchö shawarëkaq tsë mana alli nunata?

7. ¿Mëchöraq kanqa tsë Jesús änikonqan paraïsoqa?

Wakin tapukïkuna:

1. Leinki Mateo 26:57-75.

   ¿Imanöraq shonqunkuna mana alli kanqanta rikätsikuyarqa juicio ruraq judïokuna? (Mat. 26:59, 67, 68.)

2. Leinki Mateo 27:1-50.

   ¿Imanir-raq Judas pësanqanqa manam rasumpatsu karqa nintsik? (Mat. 27:3, 4; Mar. 3:29; 14:21; 2 Cor. 7:10, 11.)

3. Leinki Lucas 22:54-71.

   ¿Jesusta tsariyanqan y traicionayanqan ampi Pedro negarenqampita, imataraq yachakuntsik? (Luc. 22:60-62; Mat. 26:31-35; 1 Cor. 10:12.)

4. Leinki Lucas 23:1-49.

   ¿Mana alli tratëkäyaptimpis Jesús alli kanqampita, imataraq yachakuntsik? (Luc. 23:33, 34; Rom. 12:17-19; 1 Ped. 2:23.)

5. Leinki Juan 18:12-40.

   ¿Imataraq yachakuntsik apóstol Pedro nunata mantsar mana alliman heqarkurpis, tsëpitaqa alläpa alli valiente apóstol tikrarenqampita? (Juan 18:25-27; 1 Cor. 4:2; 1 Ped. 3:14, 15; 5:8, 9.)

6. Leinki Juan 19:1-30.

   1. ¿Imanöraq Jesús rikarqa kapoqyoq këta? (Juan 2:1, 2, 9, 10; 19:23, 24; Mat. 6:31, 32; 8:20.)

   2. ¿Imanöraq ciëlochöpis y Patsachöpis Jehová Diospa autoridadyoq këninta defendenqanta rikätsikorqan Jesús ushanan palabrankunachö? (Juan 16:33; 19:30; 2 Ped. 3:14; 1 Juan 5:4.)

102 willakï

1. ¿Kë dibüjochö këkaq warmiqa piraq, tsë ishkaq nunakunaqa pikunaraq kayan, y mëchöraq këkäyan?

2. ¿Imanir-raq Pilato mandarin sacerdötekunata, Jesús pamparëkanqan panteonta soldädokunawan täpatsinampaq?

3. ¿Imataraq huk ángel ruran Jesús kima hunaq wanushqanchö, y imataraq sacerdötekuna rurayan?

4. ¿Imanir-raq Jesús pamparanqanta watukar warmikuna mantsakäyarqan?

5. ¿Imanir-raq Jesús pamparanqanman Pëdrowan Juan ëqïkuyan, y imataraq taririyan?

6. ¿Imaraq pasarqan Jesuspa ayanwan, y qateqninkuna kawëkanqanta musyayänampaq, imataraq ruran Jesús?

Wakin tapukïkuna:

1. Leinki Mateo 27:62-66 y 28:1-15.

   Jesús kawariramushqanchö, ¿imanöraq anciänokuna, farisëokuna, y mandakoq sacerdötekuna hutsallakuyarqa Teyta Diospa espíritu santompa contran? (Mat. 12:24, 31, 32; 28:11-15.)

2. Leinki Lucas 24:1-12.

   ¿Jesús kawariramonqampita Biblia willakonqannö, imanöraq rikätsimantsik Jehoväpaq warmikuna markäkunan testïgonkuna kayanqanta? (Luc. 24:4, 9, 10; Mat. 28:1-7.)

3. Leinki Juan 20:1-12.

   ¿Shamoq tiempokunapaq Biblia nenqan willakïkunata mana alleq käyishqapis, imanöraq Juan 20:8, 9 yanapamantsik pacienciawan shuyänapaq? (Prov. 4:18; Mat. 17:22, 23; Luc. 24:5-8; Juan 16:12.)

103 willakï

1. ¿Imaraq nin María huerta rikaq nunachi këqa nirnin, pero imanöraq musyakurkun Jesús kanqanta?

2. ¿Imaraq pasan Emaus nishqan markaman Jesuspa ishkaq qateqninkuna ëwëkäyaptin?

3. ¿Imaraq pasan tsë ishkaq qateqninkuna ‘Jesustam rikäyarqö,’ nishpa apostolkunata willariyaptin?

4. ¿Ëka kutiraq qateqninkunata yuripushqa Jesús?

5. ¿Imaraq nin Tomás Jesuspa qateqninkuna Señortam rikäyashqa kayä neqta wiyarir, y imaraq pasan puwaq hunaq pasariptin?

Wakin tapukïkuna:

1. Leinki Juan 20:11-29.

   ¿Juan 20:23 textochö nunakunapa hutsankunata perdonëta puëdeyankim nikarqatsuraq Jesús nunakunata? Explicarlo (Sal. 49:2, 7; Is. 55:7; 1 Tim. 2:5, 6; 1 Juan 2:1, 2).

2. Leinki Lucas 24:13-43.

   ¿Imanöraq shonquntsikta kicharishwan Biblia nenqanta chaskinapaq? (Luc. 24:32, 33; Esd. 7:10; Mat. 5:3; Hech. 16:14; Heb. 5:11-14.)

104 willakï

1. ¿Ëka qateqninkunaraq huk kuti Jesusta rikäyan, y imapitaraq parlapan?

2. ¿Imaraq Teyta Diospa Reinon, y imanöraq waranqa wata Jesús gobernamuptin kawë kanqa kë Patsachö?

3. ¿Ëka kutiraq Jesús qateqninkunata yuripïkorqa, pero ima hunaqnaraq chärishqa?

4. ¿Manaraq haqirnin imataraq Jesús mandarqa qateqninkunata?

5. ¿Imaraq tsë dibüjochö pasëkan, y imanöraq manana rikäyarqanatsu?

Wakin tapukïkuna:

1. Leinki 1 Corintios 15:3-8.

   ¿Imanöparaq Jesús rasumpëpa kawarimonqanta parlarqa apóstol Pablo, y kanan tiempo cristiänokunaqa imapitaraq pënö willapäkuyanman? (1 Cor. 15:4, 7, 8; Is. 2:2, 3; Mat. 24:14; 2 Tim. 3:1-5.)

2. Leinki Hechos 1:1-11.

   Hechos 1:8 nenqannö, ¿mëyaqraq willapäki chänan karqa? (Hech. 6:7; 9:31; 11:19-21; Col. 1:23.)

105 willakï

1. Dibüjochö rikanqëkinö, ¿imaraq Jesuspa qateqninkunata pasan Jerusalenchö shuyarëkäyaptin?

2. ¿Jerusalenman karu markapita shamoqkunaqa, imanir-raq espantëkuyarqan?

3. ¿Imataraq nunakunata Pedro käyitsin?

4. ¿Pëdrota wiyarir, imanöraq tikrariyarqan tsë nunakuna, y imataraq rurayan?

5. ¿Tsë 33 E.C. wata Pentecostés fiestachö ëkaraq bautizakuyarqa?

Wakin tapukïkuna:

1. Leinki Hechos 2:1-47.

   1. ¿Imanöraq Hechos 2:23, 36 Pedro nenqannö llapan judïokuna culpable kayarqa Jesuspa wanïnimpita? (1 Tes. 2:14, 15.)

   2. ¿Imanöraq Bibliawan mëchöpis käyitsikïpita alli ejemplo karqa Pedro? (Hech. 2:16, 17, 29, 31, 36, 39; Col. 4:6.)

   3. ¿Imanöraq Jesús änenqan punta kaq, “ciëlochö Teyta Diospa reinonman yëkuyänan lläveta,” insherqa Pedro? (Hech. 2:14, 22-24, 37, 38; Mat. 16:19.)

106 willakï

1. ¿Imaraq pasayarqa huk tarde Pëdrotawan Juanta temploman yëkurëkäyaptin?

2. ¿Imaraq huk cöjota Pedro nerqa, y ima qellëpitapis más valoryoqtaraq qorqa?

3. ¿Imanir-raq mandakoq religiösokuna piñakurkuyarqa, y imanëkuyanraq Pëdrotawan Juanta?

4. ¿Imaraq mandakoq religiösokunata Pedro nerqa, y imaraq apostolkunata niyarqa tsë religiösokuna?

5. ¿Imanir-raq tsë mandakoq religiösokunaqa envidioso kayan, pero imaraq pasan apostolkunata yapë llawiratsiyanqanchö?

6. ¿Sanedrín nishqan wayiman apayaptin, ima nishparaq apostolkuna yaskiyarqa?

Wakin tapukïkuna:

1. Leinki Hechos 3:1-10.

   Kanan tiempo mana milagrokunata rurashqapis, ¿imanöraq Hechos 3:6 Pedro nenqan yanapamantsik Reinopita willapäkïta alleq väleqtanö rikänapaq? (Juan 17:3; 2 Cor. 5:18-20; Filip. 3:8.)

2. Leinki Hechos 4:1-31.

   Predicaq ëwashqa mana wiyamashqa, ¿imanöraq unë tiempo cristiänokunapa ejemplonta qatishwan? (Hech. 4:29, 31; Efes. 6:18-20; 1 Tes. 2:2.)

3. Leinki Hechos 5:17-42.

   ¿Kanan y unë tiempochöpis, imanöraq mana cristiänokuna rikäyan allipaqnö Jehová Diospita willapäkïta? (Hech. 5:34-39.)

107 willakï

1. ¿Piraq Esteban, y ima rurëtaraq yanapëkarqa Teyta Dios?

2. ¿Ima Esteban nenqanraq alläpa piñëkatserqa mandakoq religiösokunata?

3. Estëbanta waqtayaq tsë markapitaqa qaracharkur horqaramurnin, ¿imanëkuyarqaraq?

4. ¿Piraq tsë mantankuna lädonchö shëkaq jövenqa?

5. ¿Imataraq Esteban manaraq wanur Jehová Diosta mañakorqa?

6. ¿Imanöraq mana allikunata chikimaqnintsikkuna ruramashqa qatishwan Esteban ruranqanta?

Wakin tapukïkuna:

1. Leinki Hechos 6:8-15.

   Jehová Diospa testïgonkunapa willapäkïninkunata ushakätsiyänampaq, ¿ima mana allikunataraq rurayashqa kë mana alli mandakoq religiösokuna? (Hech. 6:9, 11, 13.)

2. Leinki Hechos 7:1-60.

   1. ¿Imaraq Sanedrín wayichö Esteban alli willakïta defendinampaq yanaparqa, y imataraq këpita yachakuntsik? (Hech. 7:51-53; Rom. 15:4; 2 Tim. 3:14-17; 1 Ped. 3:15.)

   2. ¿Willapäkïnintsikpita chikikoqkunata y mana wiyakoqkunata, imanöraq rikashwan? (Hech. 7:58-60; Mat. 5:44; Luc. 23:33, 34.)

108 willakï

1. ¿Imataraq Estëbanta wanuratsiyaptin ruran Saulo?

2. ¿Damasco markaman Saulo ëwarëkaptin imaraq pasëkorqa?

3. ¿Imata ruranampaqraq Saulota Jesús mandarqa?

4. ¿Imakunata Ananías ruranampaqraq Jesús nerqa, y imanöraq yapë Saulo rikärin?

5. ¿Ima shutiparaq Saulota reqir qallëkuyarqa, y imanöraq alli uryaq pë këkorqan?

Wakin tapukïkuna:

1. Leinki Hechos 8:1-4.

   ¿Unë mushoq congregacionta chikeqninkuna qatikachäyanqan, imanöraq yanapëkuyarqa hinantinchö Jehoväpita willapäkuyänampaq, y imanöraq kanan tiempokunachöpis tsënölla pasashqa? (Hech. 8:4; Is. 54:17.)

2. Leinki Hechos 9:1-20.

   ¿Ima kima uryataraq qorqa Saulota Jesús? (Hech. 9:15; 13:5; 26:1; 27:24; Rom. 11:13.)

3. Leinki Hechos 22:6-16.

   ¿Imanöraq Ananïasta qatishwan, y imanir-raq importante? (Hech. 22:12; 1 Tim. 3:7; 1 Ped. 1:14-16; 2:12.)

4. Leinki Hechos 26:8-20.

   ¿Imanir-raq unë Saulo cristiano tikranqan yanapan mana cristiano majayoqkunata? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)

109 willakï

1. ¿Piraq tsë dibüjochö qonqurikïkaq nunaqa?

2. ¿Imaraq huk ángel Corneliota nerqa?

3. ¿Jope markachö Simón shutiyoq nunapa wayin hananchö Pedro këkaptin, imataraq Teyta Dios rikätserqa?

4. ¿Imanir-raq Pedro nin Corneliota mana pëman qonqurikunampaq ni adoranampaq?

5. ¿Imanir-raq espantëkuyarqan Pëdrowan këkaq judío cristiänokuna?

6. ¿Pedro Corneliota watukanqampita imataraq yachakushwan?

Wakin tapukïkuna:

1. Leinki Hechos 10:1-48.

   ¿Imataraq Hechos 10:42 Pedro nenqan rikätsimantsik Reinopa alli willapäkïnimpita? (Mat. 28:19; Mar. 13:10; Hech. 1:8.)

2. Leinki Hechos 11:1-18.

   ¿Imataraq mana judïokunatapis Pedro willapänampaq Jehová käyikätsenqanta mäkurirnin rurarqa, y imanöraq pë ruranqannö rurashwan? (Hech. 11:17, 18; 2 Cor. 10:5; Efes. 5:17.)

110 willakï

1. ¿Piraq tsë dibüjochö këkaq jövenqa, mëchöraq täran, pikunaraq kayan mamänin y abuelïtan?

2. ¿‘Sïlaswan y noqawan shamïta munankimantsuraq karu markakunapa nunakunata yachatsir,’ nishpa Pablo tapuriptin, imaraq nerqa Timoteo?

3. ¿Mëchöraq Jesuspa qateqninkunata cristiänokuna nishpa reqir qallëkuyarqa puntata?

4. ¿Listra markapita Timotëowan Silas y Pablo ewkurnin më markakunataraq watukayarqa?

5. ¿Imanöraq Pablota Timoteo yanaparqa, y kanan tiempo jövenkuna imataraq tapukuyanman?

Wakin tapukïkuna:

1. Leinki Hechos 9:19-30.

   ¿Imanöraq alli willapäkïkunapita chikiyaptin Pabloqa mäkoq mäkoqlla purerqa? (Hech. 9:22-25, 29, 30; Mat. 10:16.)

2. Leinki Hechos 11:19-26.

   ¿Imanöraq Hechos 11:19-21, 26 käyitsimantsik kë willapäkïnintsiktaqa Jehová Dios espïritunwan dirigikanqanta?

3. Leinki Hechos 13:13-16, 42-52.

   ¿Imanöraq Hechos 13:51, 52 rikätsimantsik, chikikäyaptimpis mana willapäkïninkunata haqiyanqanta? (Mat. 10:14; Hech. 18:6; 1 Ped. 4:14.)

4. Leinki Hechos 14:1-6, 19-28.

   ¿Imanöraq mushoqkunata yanapar alläpa yarparashqa, tsë “Jehová Diosmanmi umpakuyarqa” nenqan yanapamantsik? (Hech. 14:21-23; 20:32; Juan 6:44.)

5. Leinki Hechos 16:1-5.

   ¿Imanöraq Timoteo alli voluntadwan circuncidäkonqanqa alläpa importante, “kë llapan rurëpis alli willakïkunapa causanrëkur” kanqanta rikätsimantsik? (Hech. 16:3; 1 Cor. 9:23; 1 Tes. 2:8.)

6. Leinki Hechos 18:1-11, 18-22.

   ¿Imanöraq kikin Jesús kë willapäkïta dirigikanqanta rikätsimantsik Hechos 18:9, 10, y kanan tiempoqa imanöraq qomantsik tranquilidadnintsik? (Mat. 28:20.)

111 willakï

1. ¿Piraq tsë patsachö hitarëkaq wambra, y imaraq pasëkushqa?

2. ¿Imataraq Pablo ruran wambra wanurishqata rikärir?

3. ¿Mëtaraq Pablowan Timoteo y pëwan këkaqkunaqa ëwayan, y imaraq pasan Milëtochö pärariyaptin?

4. ¿Imataraq Pablota Ágabo nishqan profeta willarqa, y imanöraq kë profeta nenqan cumplikarqa?

Wakin tapukïkuna:

1. Leinki Hechos 20:7-38.

   1. ¿Imanöraq Hechos 20:26, 27 Pablo nenqannö, “llapan nunakunapa yawarnimpita” limpio kashwan? (Ezeq. 33:8; Hech. 18:6, 7.)

   2. ¿Imanir-raq yachatsikurnin “fiel palabraman” anciänokunaqa tsaripukuyanman? (Hech. 20:17, 29, 30; Tito 1:7-9; 2 Tim. 1:13.)

2. Leinki Hechos 26:24-32.

   ¿Imanöraq Jesús mandanqan willakïkunata willapäkunampaq Pablo insherqa romano këninta? (Hech. 9:15; 16:37, 38; 25:11, 12; 26:32; Luc. 21:12, 13.)

112 willakï:

1. ¿Imaraq pasan Creta isla lädompa Pablo ëwanqan barco pasarëkaptin?

2. ¿Imaraq barcochö pëwan ëwëkaqkunata nerqa Pablo?

3. ¿Imanir-raq limpu barcopis ushakärerqa?

4. ¿Imataraq huk mandakoq soldado nerqa barcochö këkaqkunata, y ëkaqraq tsaki patsaman kawëkar chäyarqa?

5. ¿Tsë chäyanqan tsaki patsapaqa imaraq shutin karqa, y tiempo alliyäriptin imataraq rurayarqa Pablowan?

Wakin tapukïkuna:

1. Leinki Hechos 27:1-44.

   ¿Imanöraq Pablo Römaman ëwanqanchö llapan pasanqan qellqarëkaq noqantsiktapis yanapamantsik Bibliaman más markäkunapaq? (Hech. 27:16-19, 27-32; Luc. 1:3; 2 Tim. 3:16, 17.)

2. Leinki Hechos 28:1-14.

   Mana cristiano këkarpis Malta markachö täraqkunash apóstol Pablotawan wakin barcochö ewaqkunata ‘alläpa ankupëkuyänaq,’ ¿ima rurëtaraq kë yanapamashwan llapan cristiänokunata y imanö? (Hech. 28:1, 2; Heb. 13:1, 2; 1 Ped. 4:9.)

113 willakï

1. ¿Pitaraq Pablo Römachö preso këkar willaparqa?

2. ¿Piraq mësachö tëkaq watukakoqqa, imataraq Pablopaq rurëkarqa?

3. ¿Piraq Epafrodito, y imataraq Filipos markaman kutikur apakorqä?

4. ¿Imanir-raq kuyë amïgon Filemonman Pablo cartakorqa?

5. ¿Imataraq carcelpita yarqurir Pablo rurarqa, y tsëpitaqa imaraq pasarqa?

6. ¿Pitaraq Jehová insherqa Bibliachö ushanan librokunata qellqatsinampaq, y imapitaraq Revelación libroqa parlan?

Wakin tapukïkuna:

1. Leinki Hechos 28:16-31 y Filipenses 1:13.

   ¿Imanöraq Pablo Römachö preso këkar tiemponta insherqa, y imanöraq fëninchö alli tsarakonqan yanaparqa congregación cristiänata? (Hech. 28:23, 30; Filip. 1:14.)

2. Leinki Filipenses 2:19-30.

   ¿Ima nishparaq Epafrodïtopaqwan Timotëopaq qellqarqa Pablo kuyakïllapa, y imanöraq qatishwan Pablopa ejemplonta? (Filip. 2:20, 22, 25, 29, 30; 1 Cor. 16:18; 1 Tes. 5:12, 13.)

3. Leinki Filemón 1-25.

   1. ¿Imataraq Pablo insherqa alli kaqta Filemón ruranampaq, y imanöraq kanan tiempo anciänokunata yanapan kë ejemplo? (File. 9; 2 Cor. 8:8; Gál. 5:13.)

   2. ¿Imanöraq Filemón 13, 14 Pablo nenqanta rikätsimantsik congregacionkunachö cristiänokunapa pensëninkuna respetanqanta? (1 Cor. 8:7, 13; 10:31-33.)

4. Leinki 2 Timoteo 4:7-9.

   Apóstol Pablonö, ¿imanir-raq ushakë tiempokunayaq alleq tsarakushqaqa Jehová Dios bendecimänata markäkushwan? (Mat. 24:13; Heb. 6:10.)

114 willakï

1. ¿Imanir-raq ciëlochö cabällokunapaq parlan Biblia?

2. ¿Imaraq kë Patsachö mana alli nunakunata ushakätsimoq Teyta Diospa guërrampa shutin, y imapaqraq kë guërraqa?

3. Tsë dibüjochö rikëkanqëkinö, ¿piraq kë peleataqa pushanqa, imanir-raq huk corönayoq, y huk espädayoq kanqanqa ima ninanraq?

4. Kë 10, 15 y 33 willakïkunachö pasanqanman yarpakachashpa, ¿imanir-raq mana alli nunakunata Teyta Dios ushakätsimunanta mana espantashwantsu?

5. ¿Imanöraq Teyta Diostam adorä niyaptimpis mana alli nunakunataqa ushakätsimunanta rikätsimantsik 36 y 76 willakïkuna?

Wakin tapukïkuna:

1. Leinki Revelación 19:11-16.

   1. ¿Imanöraq tsë yulaq cabällochö montarëkaq nunaqa Jesucristo kanqanta rikätsimantsik Bibliachö? (Rev. 1:5; 3:14; 19:11; Is. 11:4.)

   2. ¿Imanöraq Jesús peleachö gananan seguro kanqanta rikätsimantsik röpanchö yawar rociarëkanqan? (Rev. 14:18-20; 19:13.)

   3. ¿Pikunayanraq kayan tsë atskaq yulaq cabällonkunawan Jesús qateqkunaqa? (Rev. 12:7; 19:14; Mat. 25:31, 32.)

115 willakï

1. Biblia nenqannö, ¿ima bendicionkunataraq chaskishun kë Patsa Paraíso tikrariptin?

2. ¿Paraïsochö täraqkunapaqqa, imataraq Biblia änikun?

3. ¿Imëraq kë llapan shumaqta rurar Jesús qallëkamonqa?

4. ¿Imata Teyta Diospa Reinon chämuptin ruranantaraq Patsachö Jesús këkar rurarqa?

5. ¿Imataraq ciëlopita patsë rurayämonqa Jesuswan Patsata gobernamoqkuna?

Wakin tapukïkuna:

1. Leinki Revelación 5:9, 10.

   ¿Imanöraq ankupäkoq y kuyakoq tsë waranqa wata Patsaman gobernamoq sacerdötekuna y reykuna kayänanta markäkushwan? (Efes. 4:20-24; 1 Ped. 1:7; 3:8; 5:6-10.)

2. Leinki Revelación 14:1-3.

   ¿Tsë 144.000 akrashqakuna urkunkunachö qellqashqa, Teyta Diospa y Tsurimpa shutinkunata apayanqanqa, ima ninanraq? (1 Cor. 3:23; 2 Tim. 2:19; Rev. 3:12.)

116 willakï

1. ¿Imataraq wiñeypaq kawëta munarqa yachakushwan?

2. ¿Imanöparaq Jehová Diospita y Jesucristopita yachakushwan, tsë dibüjochö warmi wambra yanasankunawan rurëkäyanqannö?

3. ¿Tsë dibüjochö ima huk libroraq hina rikakïkan, y imanir-raq leishwan imëpis?

4. Jehová Diospitawan Jesucristopita yachakurïkurpis, ¿imataraq wiñeypaq kawëta munarqa rurashwan?

5. ¿Imataraq 69 willakïpita yachakuntsik?

6. ¿Imataraq 55 willakïchö Samuel wambrapa ejemplon yachatsimantsik?

7. ¿Imanöraq Jesucristopa ejemplonta qatishwan, y tsënö rurarqa shamoq tiempochö, ima bendicionkunataraq chaskishun?

Wakin tapukïkuna:

1. Leinki Juan 17:3.

   ¿Biblia nenqannöpis, imanir-raq mana de memoria yachakïllatsu Jehová Diospita y Jesucristopita yachakïqa? (Mat. 7:21; Sant. 2:18-20; 1 Juan 2:17.)

2. Leinki Salmo 145:1-21.

   1. ¿Imarëkuryanraq Jehová Diosta alabashwan? (Sal. 145:8-11; Rev. 4:11.)

   2. ¿Imanöraq “llapanwan alli” Jehová Dios, y imanöraq pëman kë musyëqa más wititsimashwan? (Sal. 145:9; Mat. 5:43-45.)

   3. Rasumpëpa Jehová kuyënintsikqa, ¿ima rurëtaraq tïratsimäshun? (Sal. 119:171, 172, 175; 145:11, 12, 21.)