3 KAQ YACHAKUNËKIPAQ
¿Imanötan Eden huertachö vïda karqan?
Adantawan Ëvataqa imëkawanmi Teyta Dios bendicirqan (Genesis 1:28).
Jehovämi punta warmita kamarqan y jutinqa Ëvam karqan, y tsëpitam Adanman warmin kanampaq aparqan (Genesis 2:21, 22).
Adantawan Ëvataqa jutsannaqtam Teyta Diosqa kamarqan. Pensëninkunapis limpium karqan y cuerpunkunapis sänum karqan.
Eden huertachömi täräyarqan: tsë shumaq sitiuchöqa mayu, montikuna y animalkunam karqan. Tsë Patsaqa alläpa shumaqmi karqan.
Jehoväqa pëkunawanmi parlaq y imëkatam yachatseq. Tsë shumaq Patsachö imëyaqpis kawakuyta munarqa Teyta Dios ninqantam cäsukuyänan karqan.
Juk plantapa frütanta mana mikuyänampaqmi Diosqa nirqan (Genesis 2:16, 17).
Diosqa Adantawan Ëvatam Eden huertachö juk plantapa frütanta mana mikuyänampaq nirqan. Tsë plantapa frütanta mikurninqa wanuyänanmi karqan.
Juk angelmi Diospa contran churakarqan. Tsë mana alli angelqa Satanas Diablum.
Diabluqa manam munarqantsu Adanwan Ëva Jehoväta wiyakuyänanta. Juk culebrawanmi Ëvata nirqan Dios michanqan frütata mikurqa mana wanunampaq kaqta. Mikurninqa Diosnö kanampaq kaqtam nirqan. ¡Tsëqa manam rasumpatsu karqan! (Genesis 3:1-5).
Capaz këkunapis gustashunki
ENSEÑANZAS IMPORTANTES DE LA BIBLIA
¿Imapaqtaq Patsata Dios kamarqan?
Patsaqa alläpa shumaqmi. Intipita alläpa mana karunchö, jinanllachö shumaqlla tumanampaq y ichiklla kinkisharänampaqmi kamashqa. ¿Imanirtaq Diosqa Patsata tsëläya shumaqta kamarqan?
¿IMAPITATAQ BIBLIA WILLAKUN?
Dios shumaq huertata nunakunata qaran
¿Imanötaq Biblia rikätsikun nunakunata Dios kamanqanta? ¿Imatataq punta nunakunata Dios mandarqan?
