9 KAQ YACHAKUNËKIPAQ
¿Imëtan kë Patsa juk shumaq Patsaman tikranqa?
Kanan witsan imëka pasëkanqanmi rikätsimantsik Diospa Gobiernun ichikllachöna chämunampaq kaqta (Lücas 21:10, 11; 2 Timoteu 3:1-5).
Unëpitanam Bibliachöqa willakurqan kanan witsan imëka problëmakuna kanampaq kaqta. Willakurqanmi papäninkunata wamrakuna mana cäsuyänampaq, nunakuna alläpa chiki kayänampaq, qellëllata kuyayänampaq y kikinkuna munayanqanllata rurayänampaq kaqta.
Willakurqanmi terremötukuna, guërrakuna, mallaqë y imëka qeshyakuna kanampaq kaqtapis. Y willakunqannöllam kanan witsan pasakuykan.
Jesusqa nirqanmi Diospa Gobiernumpita entëru Patsachö willakuyänampaq kaqta (Mateu 24:14).
Diospa Gobiernunqa llapan mana allikunatam ushakätsinqa (2 Pëdru 3:13).
Teyta Jehoväqa ichikllachönam llapan mana alli nunakunata ushakätsimunqa.
Diabluwan demoniunkunaqa castigashqam kayanqa.
Teyta Diosta wiyakoq nunakunaqa yamë, kuyanakur, alli kaqta rurarnin y imata mana mantsarninmi kawakuyanqa. Y llapan nunakunam confiakuypaq kayanqa.
Capaz këkunapis gustashunki
LIBRUKUNA Y MASKUNA
¿Diospa Gobiernumpaq parlaqta wiyarqunkiku?
Jesus Patsachö këkarmi, rikätsikurqan Diospa Gobiernun imakunata ruranampaq kaqta.
LIBRUKUNA Y MASKUNA
¿Imëllapis manana sufrir kawakushuntsuraq?
Dios mana alli rurëkunata chikinqanta y nunakunapaq yarparanqantam Bibliaqa nin. ¿Tsëqa imanötan yanapashunki?
