PARLAPAR QALLANËKIPAQ
5 KAQ YACHAKUNËKIPAQ
Nunakunata shumaq parlapë
Bibliachö kënö ninqanman pensë: “Parlakuyanqëkiqa [...] imëpis shumaq katsun” (Col. 4:6).
¿Imatataq Pablu rurarqan?
1. VIDEUTA rikë o Hëchus 17:22 y 23 ninqanta leyi. Tsëpitana këkunaman pensë:
-
Atënaschö mëtsika santukunata rikëkurqa, ¿imanötan Pablu sientikurqan? (Rikäri Hëchus 17:16 ninqanta).
-
Atënaspita nunakunata parlaparqa, ¿imanötan Pabluqa shumaq yachëllapa parlaparqan?
¿Imatataq yachakuntsik Pablu ruranqampita?
2. Imata, imanö y imë parlanapaq kaqman alliraq pensashqaqa, masmi nunakuna wiyamënintsikta munayanqa.
Pablu ruranqannö rurë
3. Imata ninëkipaq kaqman alliraq pensë. Mana religiösu nunawan o warmiwan parlarqa, capazchi Bibliapita o Jesuspitaqa defrenti parlapëta puëdinkitsu.
4. Ama tsë höra corregitsu. Imata pensanqanta parlakamunanta dejë. Imata ninqampis Bibliachö ninqanwan mana acuerdu kaptimpis ama corregitsu (Sant. 1:19). Shumaq wiyarninqa, imata creinqanta y imanir tsënö creinqantam entiendinki (Prov. 20:5).
5. Allinö kaptinqa, pëwan acuerdu kanqëkita nï y felicitë. Yarpë, capazchi tsë nunaqa o warmiqa creinqankuna alli kanqanta shonqunchö següru këkan. Puntataqa acuerdu kayanqëki asuntullapita parlapë, tsëpitana ichikllapa ichikllapa Bibliachö ninqanta yachatsi.
