10 KAQ YACHATSIKÏ
Voznikita cambië
Proverbius 8:4, 7
KËPAQMI PARLAN: Wiyayanqanmannö llakishqa o kushishqa sientikuyänampaq y yachëkätsinqëkita maslla entiendiyänampaq, sinchipa o despaciu parlë, voznikita cambië y raslla o despaciulla imatapis nï.
¿IMANÖTAQ RURASHWAN?
-
Sinchipa o despaciu parlë. Yachëkätsinqëkita entiendiyänampaq y precisaq yachatsikïkunata rikätsikunëkipaq, mas sinchillapa parlë. Y pitapis Jehovä imanö condenanqanta leyirpis, tsënölla rurë. Y mantsakashqanö o yarpachakushqanö wiyakänampaq y ima maskuna pasakunampaq kaqta musyëta munayänampaq despaciulla parlë.
-
Voznikita cambië. Wamrapatanö voznikita llanuyäratsi kushishqanö wiyakänampaq, imapis alläpa jatun o ichik kanqanta rikätsikunëkipaq y imapis o pipis alläpa karuchö o amänullachö këkanqanta rikätsikunëkipaq. Y voznikita titayätsi imatapis ninqëki llakishqanö o yarpachakushqanö wiyakänampaq.
-
Raslla o despaciulla imatapis nï. Imatapis alläpa precisaqta willakurqa, despaciulla nï, peru imatapis kushishqa y gänas gänas ninëkipaqqa raslla parlë.