18 KAQ YACHATSIKÏ
Yanapanampaq shumaq yachatsikï
1 Corintius 9:19-23
KËPAQMI PARLAN: Wiyëkaqkunata pensaratsi. Yanapanampaq kaqkunata yachakuyänampaq rikätsi.
¿IMANÖTAQ RURASHWAN?
-
Musyayanqan kaqkunata cuentachö katsi. Imallatapis wiyashqana kayaptinqa, tsëllata yapë ninëkipa rantin, juknöpana yachatsinëkipaq kallpachakï.
-
Alliraq preparakï y yarpachakï. Alläpa precisaqkunata yachëkätsinqëkita mas alli entiendiyänampaqqa, itsapis manaraq musyayanqan kaqkunapita o tsëllaraq pasakunqan kaqkunapita parlarinkiman.
-
Yachakuyanqanta imanö rurayänampaq kaqta nï. Kanan witsan nunakuna imakunapa pasayanqanta, imanö portakuyanqanta y imakunata rurayanqantam cuentachö katsinëki y tsëkunapaqmi parlanëki. Tsëpitanam rikätsikunëki Bibliapa consëjunkuna tsë cäsukunachö imanö yanapakunqanta.