“Nunakunata alläpa kuyarninmi Diosqa japallan Tsurinta pëkunarëkur qorqan, tsënöpa pëman markäkuyanqanta rikätsikoqkuna mana ushakätsishqa kayänampaq, sinöqa imëyaqpis kawëyoq kayänampaq” (Juan 3:16).

¿Imanötaq Diosqa kuyashunqëkita rikätsishunki?

• Salmus 91:2

  Jehovämi tsapäshoqniki. Mana allikunapa pasanqëki hörakunam kallpata qoshurniki yanapashunki.

• Salmus 37:29

  Shamoq tiempuchö shumaq kawakunëkipaqmi Diosqa änishurqunki.

• 1 Timoteu 6:12, 19

  Diosnintsikqa Shumaq Patsachö mana wanushpa kawëtam qomäshun, tsëchöqa yamë, kushishqa y alli saloryoqmi kawakushun.

“Jehovä Diosnikitam llapan shonqïkiwan, llapan kawënikiwan y llapan yarpënikiwan kuyanëki” (Mateu 22:37).

Diosta kuyarninqa, ¿imata ruranëkipaqtaq listu këkanki?

• Lücas 17:12-17

  Qamrëkur Jehovä ruranqankunapita agradecikï.

• Mateu 7:16-20

  Pë munanqannö imëpis kawar kuyanqëkita rikätsikï.

• 1 Juan 5:3

  Mandamanqantsikkunata cäsukï.

• 1 Timoteu 6:18

  Wakinkunapaq allikunata rurarnin kallpachakï.

“Diospa kuyakïninchö imëpis këkäyänëkipaq” (Jüdas 21).

¿Imaraq yanapashunki Jehoväpa amïgun këta mana jaqinëkipaq?

• 1 Tesalonicensis 5:17

  Mana jaqipa mañakunqëkim.

• Mateu 28:19, 20; 2 Timoteu 4:2

  Diospa Gobiernumpita pï mëtapis yachatsinëkipaq kallpachakunqëkim.

• Proverbius 2:1-5

  Jehoväpita yachakurnin sïguinqëkim.

• Hebrëus 10:24, 25

  Reunionkunaman mana faltashpa ëwanqëkim. Jehoväpa testïgunkunam yanapayäshunki, Jehoväwan mas amïgu kanëkipaq.