“Jehoväta alabayë, puëdeq angelninkuna, imëkatapis rurëta puëdeq kallpayoqkuna” (Salmus 103:20).

¿Imatataq Bibliaqa angelkunapita yachatsikun?

• Job 38:4-7

  Patsata manaraq kamarninmi Jehoväqa angelkunata kamarqan.

• Revelacion 5:11

  Millonyëpayan angelkunam kan.

• 1 Pëdru 1:11, 12

  Patsapaq y nunakunapaq Diospa munënin cumplikänantam, angelkunaqa imëpis munayashqa.

• Lücas 15:10

  Angelkunaqa Diospa sirweqninkunapaqmi alläpa yarpachakuyan.

“Jehoväta mantsaqkunataqa angelninmi jirurupëkan, y imëkapitam libran” (Salmus 34:7).

¿Imanöpataq musyantsik angelkunaqa nunakunata yanapayanqanta?

• Genesis 19:15, 16; Daniel 6:22; Lücas 22:43; Hëchus 12:6-11

  Lot-ta, Danielta, Jesusta y Pëdrutam angelkunaqa yanapayarqan.

• Hebrëus 1:7, 14

  Jehoväqa angelninkunawanmi sirweqninkunata yanapan, y imëkapitam tsapan.

“Satanas mana tsarimänapaq, porqui ishkitsimänapaq imëkatapis patsätsinqantaqa manam mana musyaqtsu kantsik” (2 Corintius 2:11).

¿Pikunataq supëkunaqa kayan y imanirtaq mana allita ruramënintsikta munayan?

• Revelacion 12:9

  Juk angelmi Jehoväpa contran tikrarirqan. Y tsë angelqa Diablum.

• Genesis 6:2

  Noë kawanqan witsanmi, wakin angelkunaqa Diospa contran tikrarir Patsaman shayämurqan.

• Mateu 9:34

  Tsë angelkunaqa Diabluman qaqarninmi, supëkunaman tikrariyarqan.

• Deuteronomiu 18:10, 11

  Nunakunata engañëta y imëkanöpa mana allita rurëtam supëkunaqa tïrayan.

“Diablupa contran churakäyë, y pëqa escaparmi qamkunapita ëwakunqa” (Santiägu 4:7).

¿Imatataq rurankiman Diablupita y supëninkunapita Jehovä tsapäshunëkipaq?

• Hëchus 19:19

  Llapan brujerïa cösaskunata ushakätsi, jina magiata y supëkunata allitanö rikätsikoq cösaskunatapis chipyëpa ushakätsi.

• Efesius 6:16, 18

  Bibliapita yachakï Jehoväman mas markäkunëkipaq (yärakunëkipaq) y mana allikunapita tsapäshunëkipaq mañakï.

• Proverbius 18:10

  Jehoväpa jutinta parlakï.