“Llapan qellqashqa këkaqmi Diospita shamun” (2 Timoteu 3:16).

¿Imanirtaq Bibliaqa llapan librukunapitapis alläpa jukläya?

2.800 idiömapitapis masmanmi Bibliataqa tikratsiyashqa, y millonyëpayanmi imprimikashqa.

Biblia yachatsikunqantanöqa manam mëchöpis tarita puëdintsiktsu.

• 1 Tesalonicensis 2:13

  Bibliataqa Diosmi qellqatsishqa.

• 2 Pëdru 1:21

  Diosqa santu espïritunwanmi nunakunata yanaparqan, pë ninqanta qellqayänampaq.

“Ulikïta mana puëdeq Dios” (Tïtu 1:2).

¿Imanirtaq Biblia yachatsikunqanman markäkunki?

• Isaïas 44:27–45:2

  Babilonia marka imanö ushakänampaq kaqtam, Bibliaqa atska pachak watakuna pishikaptin musyatsikushqana karqan.

• 2 Timoteu 3:1-5

  Bibliachö këkaq musyatsikïkunaqa kanan witsanmi cumplikëkan.

• Nümerus 23:19

  Shamoq tiempuchö ima pasakunampaq kaqta Biblia willakunqanmanqa markäkïtam puëdintsik.

“Noqam Jehovä Diosniki kä, kikikipa biennikipaq yachatsishoqniki” (Isaïas 48:17).

¿Imatataq Bibliapita yachakurqunki?

• Job 26:7; Isaïas 40:22

  Cientïficukuna niyanqanwampis Bibliaqa paqtanmi.

• Nümerus 20:2-12

  Bibliata qellqaqkunaqa rasumpa kaqllatam qellqayarqan.

• Mateu librupa 5-7 kaq capïtulunkuna

  Kushikïta imanö tarinapaq kaqta, piñatsinakurnin imanöpis altsanapaq kaqta, imanö Diosnintsikman mañakunapaq kaqta y qellë asuntuta imanö rikänapaq kaqtam Jesusqa yachatsikurqan.

“Diospa palabranqa kawaqmi, y alläpa poderyoqmi” (Hebrëus 4:12).

¿Imanötaq Diospa Palabranqa yanapashunki?

• Dios ruramunampaq kaqkunata entiendinëkipaqmi yanapashunki.

• Imanö kanqëkita cuentata qokunëkipaqmi yanapashunki.

• Diospa rikëninchö alli kawakunëkipaqmi yanapashunki.

Bibliata leyinëkita, yachakunëkita y kuyanëkitam Diosqa munan.