“Kawëman chätsikoq näniqa llanum y punkumpis kichkim, y wallkaqllam tsë nänitaqa tariyan” (Mateu 7:14).

¿Imanötaq musyantsik Diosqa llapan religionta mana chaskinqanta?

• Mateu 7:21-23

  Religionkuna Dios munanqanta mana rurayaptinqa, pëqa manam chaskintsu.

• Mateu 7:13, 14

  Mana alli kaq religionqa ushakëmanmi nunakunata chätsinqa, peru rasumpa kaq religionqa kawëmanmi.

• Mateu 7:16, 17

  Rasumpa kaq religion mëqan kanqanta musyanëkipaqqa, manam llapan religionpa yachatsikïnintaraqtsu musyanëki ni igualatsinëki, sinöqa Biblia ninqanllatam alleq yachakunëki.

• 1 Tesalonicensis 2:13; 2 Timoteu 3:16, 17

  Biblia ninqanllaman markäkï y tsëpita yachatsikï.

• Mateu 4:10; Juan 17:6

  Jehovä Diosllata adorë y jutinta utilicë.

• Juan 13:35

  Diosta sirweq mayikikunata kuyë.

• Juan 3:36; Hëchus 4:12

  Jesusta cäsukï. Diosqa salvamantsik Jesucristuwanmi.

• Juan 18:36; Hëchus 5:29

  Polïtica asuntukunaman ama mëtikïtsu.

• Mateu 6:10; 24:14

  Diospa Gobiernunlla kë Patsachö problëmantsikkunata altsamunampaq kaqta nunakunata yachatsi.

¿Imataraq qamqa rurankiman adoracionnikita Dios chaskinampaq?

• Santiägu 2:19

  Diosta kushitsinapaqqa manam pëman creinantsikllatsu, sinöqa Palabran Bibliachö nimanqantsiktam cäsukunantsik.

• Isaïas 52:11; Revelacion 17:5

  Mana alli religionkuna, o juk parlakïchöqa, ‘Alläpa Puëdeq Babiloniaqa’ Dios munanqannö mana adorayänampaqmi nunakunata yachatsin. Tsëtaqa rurayan kima Dios jukllëllachö kanqampita, mana wanoq almayoq kanqantsikpita y infiernupita yachatsikurninmi.

• Revelacion 18:4, 8

  Jehoväqa ichikllachönam llapan mana alli religionkunata ushakätsimunqa. Tsëmi chipyëpa yarqukurinëki.

• Marcus 10:28-30

  Itsa wakinkunaqa Jehoväta sirwinëkita michäyäshunki, peru Jehoväqa manam imëpis jaqishunkitsu.